એરપોર્ટ રોડ પરથી મોડીરાત્રે ત્રણ શખ્સ દારૂના ચપલા, બીયરના ટીન સાથે ઝબ્બે

Author: નોબત સમાચાર

એરપોર્ટ રોડ પરથી મોડીરાત્રે ત્રણ શખ્સ દારૂના ચપલા, બીયરના ટીન સાથે ઝબ્બે

નશાની હાલતમાં વાહન ચલાવતા બે ઝડપાયાઃ

જામનગર તા. ૨૯: જામનગરના એરપોર્ટ રોડ પાસેથી ગઈકાલે રાત્રે ત્રણ શખ્સ ઈંગ્લીશ દારૂના બે ચપલા તથા બીયરના ટીન સાથે ઝડપાઈ ગયા છે. જામનગર તથા જામજોધપુરમાં નશાની હાલતમાં વાહન ચલાવતા બે સામે ગુન્હો નોંધવામાં આવ્યો છે.

જામનગર-ખંભાળિયા ધોરીમાર્ગ પર આવેલા એરપોર્ટ રોડ નજીકથી ગઈરાત્રે પસાર થતાં ખંભાળિયાના ગાયત્રી નગરવાળા વિશાલ લખમણભાઈ સલાણી, જામનગરના નદીપામાં રહેતા મામદ મુસા કકલ તથા નાગનાથના નાકા પાસે રહેતા જયદીપ કાનજીભાઈ પીપરીયા નામના ત્રણ શખ્સને પેટ્રોલિંગમાં રહેલા સિક્કા પોલીસ સ્ટેશનના સ્ટાફે રોકી લઈ તલાશી લીધી હતી.

આ શખ્સો પાસેથી દારૂના બે ચપલા તથા બીયરનું એક ટીન મળી આવ્યું હતું. પોલીસે તે કબજે કરી ત્રણેય સામે ગુન્હો નોંધ્યો છે.

જામનગરના દિગ્વિજય પ્લોટ વિસ્તારની શેરી નં.૪૯માંથી ગઈકાલે સાંજે નશાની હાલતમાં જીજે-૧૦-ઈજી ૭૯૫૨ નંબરનું સ્કૂટર ચલાવીને જતા નિલેશ માવજીભાઈ હંજડા તથા જામજોધપુર શહેરના રેલવે સ્ટેશન રોડ પરથી જીજે-૧૦-ડીકે ૨૨૪૦ નંબરનું બાઈક ચલાવીને જતા સોહીલ મામદભાઈ રાવકરડા નામના શખ્સ સામે પોલીસે ગુન્હો નોંધ્યો છે.

જો આપને આ પોસ્ટ ગમી હોય તો શેર કરો...