Author: નોબત સમાચાર
જામનગરમાં એલસીબી તથા ત્રણ પોલીસ મથકના સ્ટાફ દ્વારા કરવામાં આવી સ્પેશિયલ કોમ્બિંગ ડ્રાઈવ
અવાવરૂ સ્થળ, વાહન ચેકીંગ કરવામાં આવ્યું: અસામાજિક તત્ત્વોની 'ખબર' ક્ઢાઈઃ દારૂબંધીના ગુન્હા શોધી કઢાયાઃ
જામનગરમાં ગઈકાલે સ્થાનિક ગુન્હાશોધક શાખાના સ્ટાફે પીઆઈ વી.એમ. લગારીયાના માર્ગદર્શન હેઠળ તથા પીએસઆઈ સી.એમ. કાંટેલીયા, પી.એન. મોરીના વડપણ હેઠળ સાધના કોલોની તેમજ મારૂ કંસારા હોલ પાછળના કેટલાક વિસ્તાર અને નવાગામ ઘેડ, વેલનાથ-૧ વગેરે સ્થળે ચેકીંગ હાથ ધર્યું હતું. જેમાં દારૂબંધી ભંગના બે ગુન્હા નોંધાયા હતા. મિલકત સંબંધી ગુન્હાઓ અગાઉ આચરનાર અગિયાર શખ્સોને ચકાસાયા હતા. જુગારી તેમજ દારૂના ધંધાર્થીઓની પણ તલાશી લેવામાં આવી હતી. ઝૂંપડપટ્ટી, અવાવરૂ જગ્યાઓ પર ચેકીંગ કરાયું હતું. ધાર્મિક સ્થળ, હોટલ, ધાબા પર ચેકીંગ કરવા ઉપરાંત ૪૨ વાહનનું પણ ચેકીંગ થયું હતું. તે ઉપરાંત સિટી સી ડિવિઝન પોલીસ સ્ટેશનના પીઆઈ એન.વી. ડાભી, સિટી એ ડિવિઝનના પીઆઈ એન.એ. ચાવડા, બી ડિવિઝનના પીઆઈ પી.પી. ઝા, બેડી મરીનના પીઆઈ વી.બી. ચૌધરી, મહિલા પોલીસ સ્ટેશનના પીઆઈ એ.કે. પટેલ તથા એસઓજી પીએસઆઈ અને ડોગ સ્કવોડ સહિતની ટીમને સાથે રાખી શંકરટેકરી, પાણાખાણ, ગોકુલનગર, બાવરીવાસમાં સ્પેશિયલ કોમ્બિંગ કરવામાં આવ્યું હતું. દારૂબંધી ભંગના ૧૮ ગુન્હા શોધી કઢાયા હતા. અગાઉ મિલકત સંબંધી ગુન્હા આચરનાર શખ્સોમાંથી ૪૭ને ચેક કરાયા હતા. ૨ર માથાભારે તથા અસામાજિક તત્ત્વો, ૩૮ પ્રોહીબિશન બુટલેગર્સ, ૧૫૭ વાહન, ર૧ હોટલ, ધાબા તથા ધાર્મિક સ્થળ, ૪ અવાવરૂ જગ્યા અને ઝૂંપડપટ્ટી પણ પોલીસ ટીમે ચકાસી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
