Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
એ-૩૨૦ ફેમિલીના હજારો વિમાનો ગ્રાઉન્ડેડઃ સોફટવેરની ખામી કારણભૂત
નવી દિલ્હી તા. ૨૯: એરબસ એ૩૨૦માં સોફટવેરની ખામીને કારણે વિશ્વભરની ૬,૦૦૦ ફલાઈટ્સ પર બ્રેક લાગી છે, અને ભારતની ઈન્ડિગો અને એર ઈન્ડિયા સહિત ૧૫થી વધુ એરલાઈન્સમાં મોટો વિક્ષેપ થતા ૩૦૦ થી ૩૫૦ વિમાનો પ્રભાવિત થશે.
વિશ્વના સૌથી વધુ વેચાતા વિમાન, એરબસ એ૩૨૦ ફેમિલીના હજારો વિમાનોને આ સપ્તાહના અંતે મોટા પાયે ગ્રાઉન્ડેડ કરવામાં આવી રહૃાા છે, જેના કારણે ભારત સહિત સમગ્ર વિશ્વમાં હવાઈ મુસાફરી પર ગંભીર અસર પડવાની છે. તાજેતરમાં સામે આવેલા એક મોટા તકનીકી જોખમને પગલે આ નિર્ણય લેવામાં આવ્યો છે, જેના નિવારણ માટે વ્યાપક સોફ્ટવેર અને કેટલાક જૂના વિમાનોમાં હાર્ડવેર અપગ્રેડ ફરજિયાત કરવામાં આવ્યું છે.
ભારતમાં ઈન્ડિગો અને એર ઈન્ડિયા ગ્રુપના ૩૫૦થી વધુ એ૩૨૦ ફેમિલી વિમાનો આ પ્રક્રિયાનો ભાગ બનશે. ઈન્ડિગોના કાફલામાં ૩૫૦થી વધુ એ૩૨૦ વિમાનો છે, જેમાંથી લગભગ ૨૫૦ને અપગ્રેડની જરૂર છે. તેવી જ રીતે, એર ઈન્ડિયાના ૧૨૦-૧૨૫ એ૩૨૦ વિમાનોમાંથી ૧૦૦થી વધુ વિમાનો પ્રભાવિત થશે.
આ અપગ્રેડમાં ૨-૩ દિવસનો સમય લાગવાની ધારણા છે, અને વિમાનો સોમવાર કે મંગળવારથી ફરી ઉડાન ભરી શકે છે. આને કારણે સપ્તાહના અંતે અને સોમવાર સુધી ઘણી ફ્લાઇટ્સ મોડી પડવાની કે રદ કરવાની ફરજ પડી શકે છે.
આ ખામીના કારણે કોલંબિયાની એરલાઇન એવિયન્કા સૌથી વધુ પ્રભાવિત થઈ છે, જેનો ૭૦% થી વધુ ફ્લીટ આનાથી અસરગ્રસ્ત છે. તેના કારણે આગામી ૧૦ દિવસ સુધી નોંધપાત્ર વિક્ષેપોની સંભાવના છે અને તેણે ૮ ડિસેમ્બર સુધીની ટિકિટોનું વેચાણ સ્થગિત કર્યું છે. એર ફ્રાન્સે શુક્રવારે ૩૫ ફ્લાઇટ્સ રદ કરી છે. વિશ્વની સૌથી મોટી એ-૩૨૦ ઓપરેટર અમેરિકન એરલાઇન્સના ૪૮૦ વિમાનોમાંથી ૩૪૦ ને સુધારાની જરૂર પડશે.
જર્મનીની લુફ્થાન્સા અને મેક્સિકોની વોલારિસને પણ સપ્તાહના અંતમાં વિલંબ અને રદ્દીકરણનો અંદાજ છે. એર ન્યૂઝીલેન્ડ અને વિઝ એરની ફ્લાઇટ્સ પણ પ્રભાવિત થઈ છે. જોકે, બ્રિટિશ એરવેઝ, ડેલ્ટા એર લાઇન્સ, અને એર લિંગુસને ઓપરેશનલ અસર ઓછી થવાની અપેક્ષા છે. ટર્કિશ એરલાઇન્સના ૮ છ૩૨૦ વિમાનો પ્રભાવિત છે, પરંતુ તેણે કામગીરી ચાલુ રાખવાની ખાતરી આપી છે.
જોકે, ઇઝીજેટ એ ઘણાં વિમાનોમાં અપડેટ પૂર્ણ કરી લીધું છે, જ્યારે યુનાઇટેડ એરલાઇન્સ અને બ્રાઝિલની એઝુલ એસએએ જણાવ્યું છે કે તેઓ આ રિકોલથી પ્રભાવિત નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial