પ. બંગાળમાં લાગુ થશે નવો વકફ કાયદોઃ મમતા બેનર્જીનો યૂ-ટર્ન

Author: નોબત સમાચાર

પ. બંગાળમાં લાગુ થશે નવો વકફ કાયદોઃ મમતા બેનર્જીનો યૂ-ટર્ન

અધિકારીઓને આપ્યા આદેશઃ

કોલકાતા તા. ર૯: મમતા સરકારએ યૂ-ટર્ન લઈને પ. બંગાળમાં વકફ કાયદો લાગુ કરવા અધિકારીઓને નિર્દેશ આપ્યા છે.

કેન્દ્ર સરકારના વા વકફ સુધારા અધિનિયમ ર૦રપ નો મહિનાઓ સુધી જાહેરમાં વિરોધ કર્યા પછી પશ્ચિમ બંગાળની મમતા બેનર્જી સરકારે આખરે આ કાયદાનો સ્વીકાર કરી લીધો છે. રાજ્ય સરકારે તમામ જિલ્લા મેજિસ્ટ્રેટને તાત્કાલિક કાર્યવાહી કરીને ૬ ડિસેમ્બર ર૦રપ સુધીમાં રાજ્યની લગભગ ૮ર,૦૦૦ વકફ મિલકતોની વિગતો કેન્દ્રિય પોર્ટલ પર અપલોડ કરવાનો આદેશ આપ્યો છે.

અહેવાલો અનુસાર મમતા સરકારનો આ 'યૂ-ટર્ન' રાજકીય રીતે અત્યંત મહત્ત્વપૂર્ણ માનવામાં આવે છે, કારણ કે મુખ્યમંત્રી મમતા બેનર્જીએ અગાઉ જાહેરમાં જાહેરાત કરી હતી કે તેઓ પશ્ચિમ બંગાળમાં આ નવા કાયદાને લાગુ થવા દેશે નહીં. એપ્રિલમાં જ્યારે સંસદમાં આ બિલ પસાર થયું હતું ત્યારે રાજ્યમાં વ્યાપક વિરોધ પ્રદર્શનો ફાટી નીકળ્યા હતાં. તેમણે નવમી એપ્રિલના જૈન સમુદાયના એક કાર્યક્રમમાં દાવો કર્યો હતો કે, 'હું બંગાળમાં વકફ સુધારા કાયદાને લાગુ થવા દઈશ નહીં. તેમનું રક્ષણ કરવું એ મારી ફરજ છે.'

રાજ્ય સરકારે ત્યારપછી કાયદાકીય લડાઈ પણ લડી હતી, પરંતુ કોર્ટમાંથી તેમને કોઈ અનુકૂળ નિર્ણય મળ્યો નહોતો. કાયદાની કલમ ૩૮ સ્પષ્ટ આદેશ આપે છે કે બધી નોંધાયેલ વકફ મિલકતોની માહિતી છ મહિનાની અંદર કેન્દ્રિય પોર્ટલ પર અપલોડ થવી જોઈએ. આ સમયમર્યાદા પૂરી થવાના આરે હોવાથી રાજ્ય વહીવટી તંત્રે હવે તાત્કાલિક ડેટા-એન્ટ્રી પ્રક્રિયા શરૂ કરવાના પગલાં લીધા છે.

વકફ સુધારો અધિનિયમ ર૦રપ માં કરવામાં આવેલી કેટલીક મહત્ત્વપૂર્ણ જોગવાઈઓ વિવાદનું કેન્દ્ર બની હતી. વકફ બોર્ડ અને વકફ ટ્રિબ્યુનલમાં બિન-મુસ્લિમ સભ્યોની નિમણૂક કરવી, કોઈપણ મિલકતને વકફ તરીકે જાહેર કરવા અંગે સરકારનો અંતિમ નિર્ણય માન્ય ગણગો. આ જોગવાઈઓના કારણે જ પશ્ચિમ બંગાળ સહિત અનેક રાજ્યોમાં વિરોધ પ્રદર્શનો થયા હતાં, જો કે કેન્દ્રના આદેશનું પાલન કરવું રાજ્ય સરકાર માટે ફરજિયાત બનતા મમતા સરકારે કાયદાનો સ્વીકાર કર્યો છે.

જો આપને આ પોસ્ટ ગમી હોય તો શેર કરો...