Author: નોબત સમાચાર
મીઠોઈના વેપારીને આત્મહત્યાની દુષ્પ્રેરણા અંગેના કેસમાં આગોતરા જામીન અરજી રદ્દ
એક આરોપીની રેગ્યુલર જામીન અરજી પણ નકારાઈઃ
જામનગર તા. ૨૬: લાલપુરના મીઠોઈ ગામના એક વેપારીએ વ્યાજના વિષચક્રમાં ફસાઈ ગયા પછી આત્મહત્યા કરી લીધી હતી. પોલીસે તેમના પુત્રની ફરિયાદ પરથી ત્રણ સામે ગુન્હો નોંધ્યો હતો. જેલહવાલે થયેલા એક આરોપીની રેગ્યુલર જામીન અરજી તથા બે આરોપીની આગોતરા જામીન અરજી અદાલતે નકારી કાઢી છે.
લાલપુર તાલુકાના મીઠોઈ ગામમાં રહેતા અને વેપાર કરતા વિક્રમસિંહ ચંદુભા જેઠવા નામના વેપારીએ ગઈ તા.૧૧-૪-૨૫ના દિને ઝેરી દવા પી લઈ આત્મહત્યા કરી લીધી હતી. તે બનાવ અંગે મૃતક વિક્રમસિંહના પુત્ર વિશ્વરાજસિંહે મેઘપર પોલીસ સ્ટેશનમાં બીએનએસની કલમ ૧૦૮, ૩૦૮ (ર), ૩૫૨, ૩૫૧ (ર) તથા ૫૪ અને મની લેન્ડરીંગ એક્ટ હેઠળ બાલાભાઈ રબારી, રામદેવ કેશવાલા, રાજુ કેશવાલા વિરૂદ્ધ ફરિયાદ નોંધાવી તેમાં જણાવ્યું હતું કે, તેમના પિતા વિક્રમસિંહ ચંદુભા જેઠવા જમીન લે-વેચનું કામ બાલાભાઈ રબારી સાથે કરતા હોય બાલાભાઈએ એક જમીન ખરીદવા અને તે જમીન કંપનીમાં વેચી આપવાનું કહી ઉંચા વ્યાજે નાણા લેવડાવ્યા હતા.
ત્યારપછી રાજુ કેશવાલા તથા રામદેવ કેશવાલા હોટલે આવી ઉઘરાણી કરતા હતા અને દોઢેક મહિના પહેલાં વિક્રમસિંહની મોટર લઈ ગયા હતા. વ્યાજના વિષચક્રમાં ફસાયેલા વિક્રમસિંહે કંટાળી જઈ આત્મહત્યા કરી લીધી હતી. પોલીસે ઉપરોક્ત ગુન્હો નોંધી તપાસ શરૂ કરી હતી.
તે દરમિયાન આરોપી પૈકીના બાલાભાઈ રબારીએ આગોતરા જામીન મેળવવા જામનગર કોર્ટમાં અરજી કરી હતી. તે રદ્દ થતા આરોપીની ધરપકડ કરાઈ હતી. આ આરોપીએ કરેલી રેગ્યુલર જામીન અરજી પણ રદ્દ કરાઈ છે. અન્ય આરોપી રામદેવ કેશવાલા, રાજુ કેશવાલાએ આગોતરા જામીન મેળવવા અદાલતમાં અરજી કરતા તે અરજીઓ પણ રદ્દ કરાઈ છે. મૂળ ફરિયાદી તરફથી વકીલ નીખિલ બુદ્ધભટ્ટી, મહાવીરસિંહ જાડેજા, પાર્થ સામાણી, સમર્થ વેકરીયા અને સરકાર તરફથી ડીજીપી જમન ભંડેરી રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
