Author: નોબત સમાચાર
મહાદેવનગરમાં મકાનમાંથી મળી શરાબની અઠ્ઠાવન બોટલઃ સાત ચપલા સાથે એક ઝબ્બે
પાંચ દરોડામાં પોલીસે રૃપિયા અડધા લાખ ઉપરાંતનો શરાબનો જથ્થો પડકી પાડ્યોઃ
જામનગર તા.૧૬ ઃ જામનગરના મહાદેવનગરમાં મકાનમાંથી પોલીસે શરાબની અઠ્ઠાવન બોટલ પકડી પાડી છે. અન્ય ત્રણ દરોડામાં બે શખ્સ બે બોટલ અને સાત ચપલા સાથે પકડાઈ ગયા છે. કુલ રૃપિયા અડધા લાખ ઉપરાંતનો શરાબનો જથ્થો પોલીસે કબજે કર્યાે છે.
જામનગરના મહાદેવનગર વિસ્તારમાં આવેલા મયુર કરસનભાઈ ભાટિયા નામના શખ્સના મકાનમાં અંગ્રેજી શરાબનો જથ્થો રાખવામાં આવ્યો હોવાની બાતમી સીટી-સી ડિવિઝનના યુવરાજસિંહ, હરદીપ બારડને મળતા પીઆઈ પી.એલ. વાઘેલા તથા એન.એ. ચાવડાના માર્ગદર્શન હેઠળ પીએસઆઈ વી.બી. બરબસીયાના વડપણ હેઠળ પોલીસે શનિવારે દરોડો પાડયો હતો. તે મકાનમાંથી અંગ્રેજી શરાબની ૫૮ બોટલ મળી આવી છે.
જામજોધપુર શહેરના ગાય સર્કલ પાસેથી શુક્રવારે સાંજે પસાર થતાં એક્ટિવા સ્કૂટરને પોલીસે રોકાવી તેના ચાલક ધ્રાફા ગામના પુષ્પરાજસિંહ કાંતુભા જાડેજાની તલાશી લેતા આ શખ્સના કબજામાંથી ભારતીય બનાવટના અંગ્રેજી શરાબની બે બોટલ મળી આવી હતી. પોલીસે બોટલ તથા સ્કૂટર કબજે કર્યા છે.
જામનગરના સાધના કોલોની વિસ્તારમાં રહેતા પિયુષ મુકુન્દરાય કાકુ નામના શખ્સના મકાનમાં શુક્રવારે સિટી એ ડિવિઝન પોલીસ સ્ટેશનના સ્ટાફે દરોડો પાડી મકાનની તલાશી લેતા ત્યાંથી અંગ્રેજી શરાબના સાત ચપલા મળી આવ્યા છે. આરોપી પિયુષ કાકુની પૂછપરછમાં તેણે આ ચપલા શબ્બીર ઉર્ફે સબલા રાધે મેમણ પાસેથી લીધા હોવાની કબુલાત આપી છેે.
જામનગરના દિગ્વિજય પ્લોટ વિસ્તારની શેરી નં.૫૪માં આવેલા દર્શન શેઠિયા નામના શખ્સના મકાનમાં શુક્રવારે સાંજે પોલીસે દરોડો પાડતા ત્યાંથી અંગ્રેજી શરાબની બે બોટલ મળી આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
