Author: નોબત સમાચાર
જામનગરમાં સિઝનનું સૌથી ઓછું તાપમાન ૭.પ ડીગ્રીઃ સમગ્ર હાલારમાં જનજીવન ઠૂંઠવાયું
એક દિ'માં ૪.પ ડીગ્રીનો કડાકોઃ હાલાર બન્યું હિમાળો
જામનગર તા. ૧૬ઃ જામનગરમાં આજે સવારે પૂરા થતાં ચોવીસ કલાક દરમિયાન ૪.પ ડીગ્રીના કડાકા સાથે લઘુતમ તાપમાન ૭.પ ડિગ્રી નોંધાયું હતું. આ સાથે જ જામનગરમાં સિઝનમાં પ્રથમ વખત લઘુતમ તાપમાન સિંગલ ડિઝિટમાં નોંધાયું હતું. ઉત્તર ભારતના પવનોના પગલે હાલાર જાણે હિમાળો બની ગયું હોય તેવી હાડ થીજવતી કાતિલ ઠંડીની અનુભૂતિ સાથે જનજીવન ઠૂંઠવાઈ ગયું છે.
ઉત્તર ભારતમાં ફરી એક વખત હિમવર્ષાનો દોર શરૃ થયો છે. જમ્મુ-કાશ્મીર, હિમાચલપ્રદેશ અને ઉત્તરાખંડમાં બરફવર્ષા થઈ રહી છે. જેના પગલ ત્યાંના મોટાભાગના વિસ્તારોમાં માર્ગો, મેદાનો, પહાડો, વૃક્ષો તથા ઘરો પર બરફના થર જામી ગયા છે. તળાવો તથા ઝરણાઓ થીજી ગયા છે. તાપમાનનો પારો માઈનસમાં ચાલ્યો જતા ત્યાં જનજીવન ખોરવાઈ ગયું છે.
ઉત્તર ભારતમાંથી આવતા હિમસમાન ઠંડા પવનોના પગલે હરિયાણા, દિલ્હી, પંજાબ, ઉત્તરપ્રદેશ, રાજસ્થાન તથા ગુજરાતમાં પણ ઠંડીમાં વધારો થયો છે.
ઉત્તર ભારતમાંથી વાતા બર્ફિલા પવનોના પગલે જામનગર સહિત સમગ્ર હાલાર પંથકમાં કડકડતી ઠંડી અનુભવાઈ રહી છે. હાલાર જાણે હિમાળો બની ગયું હોય, તેવી હાડ થીજવતી ઠંડીથી જનજીવન ઠૂંઠવાઈ ગયું છે.
જામનગરમાં એક જ દિવસમાં ૪.પ ડીગ્રીના કડાકા સાથે લઘુતમ તાપમાન ૭.પ ડીગ્રીએ પહોંચી ગયું હતું. સિઝનમાં પ્રથમ વખત તાપમાનનો પારો સિંગલ ડિઝિટમાં પહોંચી જતાં લોકો કાતિલ ઠંડીથી ધ્રુજી ઊઠ્યા હતાં. નગરસીમ તથા ગ્રામ્ય વિસ્તારોમાં વધારે ઠંડી અનુભવાઈ હતી. ઠંડી સામે રક્ષણ મળે તે માટે લોકો ગરમ પીણા, ગરમ વસ્ત્રો તથા તાપણાનો સહારો લઈ રહ્યા છે.
જામનગરમાં આજે સવારે પૂરા થતાં ચોવીસ કલાક દરમિયાન અડધો ડીગ્રી ઘટીને મહત્તમ તાપમાન ર૩.પ ડીગ્રી નોંધાયું હતું. વાતાવરણમાં ભેજનું પ્રમાણ ૧પ ટકા વધીને ૭૧ ટકા રહ્યું હતું. પવનની ગતિ પ્રતિકલાકની સરેરાશ ૧૦ થી ૧પ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
