Author: નોબત સમાચાર
ભોગાતમાં કાળમુખા ડમ્પરની ઠોકરે ચઢી ગયેલા ભાણખોખરીના પ્રૌઢનું મૃત્યુ
મોપેડ ચાલક પર ફરી વળ્યું ટેન્કરઃ
ખંભાળિયા તા. ૧પઃ કલ્યાણપુરના ભોગાત ગામમાં આજે સવારે એક ડમ્પરે આગળ જતાં ભાણખોખરી ગામના મોપેડચાલકને ઠોકરે ચઢાવ્યા પછી ચગદી નાખ્યા હતા. આ પ્રૌઢનું ગંભીર ઈજા થવાથી ઘટનાસ્થળે જ મૃત્યુ નિપજ્યું હતું.
દેવભૂમિ દ્વારકા જિલ્લાના કલ્યાણપુર તાલુકાના ભોગાત ગામ પાસે આજે સવારે સર્જાયેલા ગમખ્વાર અકસ્માતમાં ખંભાળિયા તાલુકાના ભાણખોખરી ગામના ધીરજલાલ નામના પ્રૌઢનું મૃત્યુ નિપજ્યું છે.
આ પ્રૌઢ પોતાના ઘરેથી જીજે-૩૭-એન ૨૧૭૭ નંબરના ટીવીએસ કંપનીના મોપેડ પર નીકળ્યા પછી ભોગાત ગામ પાસે પહોંચ્યા ત્યારે ઉપરોક્ત અકસ્માત સર્જાયો હતો. જેમાં તેઓનું મૃત્યુ નિપજ્યું છે.
આ પ્રૌઢ જ્યારે ભોગાત ગામમાંથી પસાર થતાં હતા ત્યારે પાછળથી ધસી આવેલા મહાકાય ડમ્પરે તેઓને ઠોકરે ચઢાવ્યા પછી ડમ્પરની ડાબી સાઈડના પૈંડાઓ હેઠળ ચગદાઈ ગયેલા ધીરજલાલનું મૃત્યુ થયું હતું. બનાવની જાણ થતાં પોલીસ કાફલો દોડી આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
