Author: નોબત સમાચાર
જામજોધપુરમાં બાઈકમાં દારૂની સાત બોટલ લઈને જતાં સેલ્સમેન સહિત બે શખ્સ પકડાયા
ભીમવાસમાં મકાનમાંથી મળ્યા બીયરના ૧પ ટીનઃ
જામનગર તા. ૨૫: જામનગરના ભીમવાસ-૧માં એક શખ્સના મકાનમાં પોલીસે પૂર્વ બાતમીના આધારે દરોડો પાડી ત્યાં વેચાણ માટે રાખવામાં આવેલા બીયરના ૧પ ટીન કબજે કર્યા છે. જ્યારે જામજોધપુરમાં બાઈકમાં ઈંગ્લીશ દારૂની સાત બોટલ લઈને જતા વાલાસણ ગામના સેલ્સમેન સહિત બેની ધરપકડ કરવામાં આવી છે.
જામનગરમાં જૂના રેલવે સ્ટેશન નજીક આવેલા ભીમવાસ-૧માં એક શખ્સના મકાનમાં બીયરનો જથ્થો પડ્યો હોવાની બાતમી મળતા ગઈકાલે રાત્રે સિટી બી ડિવિઝનના પીઆઈ પી.પી. ઝાની સૂચનાથી પીએસઆઈ જે.પી. સોઢા તથા સ્ટાફે ત્યાં આવેલા મનિષ ધરમશીભાઈ ગોહિલ નામના શખ્સના મકાનમાં દરોડો પાડ્યો હતો.
તે મકાનની તલાશી લેવામાં આવતા ત્યાંથી બીયરના ૧પ ટીન મળી આવ્યા હતા. વેચાણ માટે રાખવામાં આવેલા ટીન કબજે કરી પોલીસે દરોડા પહેલાં નાસી ગયેલા મનિષ ધરમશી ભાઈની શોધ શરૂ કરી છે.
જામજોધપુર શહેરના ગીંગણી રોડ પર સર્કલ પાસેથી ગઈકાલે સાંજે જઈ રહેલા જીજે-૧૦-ઈએફ ૨૨૯૧ નંબરના મોટરસાયકલને પોલીસે શકના આધારે રોકાવી તેના ચાલક જામજોધપુર તાલુકાના વાલાસણ ગામના રહેવાસી અને સેલ્સમેનનું કામ કરતા સમીર યુનુસ સોઢા તથા અસરફ મામદ બુકેરાની તલાશી લેતા આ શખ્સો પાસેથી ઈંગ્લીશ દારૂની સાત બોટલ મળી આવી હતી. પોલીસે બોટલ તથા બાઈક કબજે કરી બંનેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
