Author: નોબત સમાચાર
ભારતીય શેરબજારમાં વોલેટાઈલીટી સાથે સ્ટોક સ્પેશિફીક તેજી...!!!
તા. ૧૩-૦૧-૨૦૨૬ ના રોજ સવારે ૧૦ કલાકે....
અમેરિકી પ્રમુખ ડોનાલ્ડ ટ્રમ્પના આકરાં વલણને કારણે વિશ્વ અસાધારણ અનિશ્ચિતતાના દોરમાંથી પસાર થઈ રહ્યું હોઈ ઈરાન પર ગમે તે ઘડીએ અમેરિકી સૈન્યની એટેકની તૈયારી અને બીજી તરફ ગ્રીનલેન્ડ સહિતને કબજે કરવાના મક્કમ નિર્ધારને લઈ જીઓપોલિટીકલ ટેન્શન વધી રહ્યું છે. જ્યારે બીજી તરફ ભારત અને અમેરિકા વચ્ચે ટ્રેડ ડિલ રશિયા પાસેથી ઓઈલ ખરીદી મામલે ઘોંચમાં પડી હોઈ હવે ભારતે વેનેઝુએલા પાસેથી અમેરિકાએ કબજે કરેલા ઓઈલની ખરીદી કરવાની તૈયારીના સંકેત આપતાં ટ્રેડ વાટાઘાટ ફરી શરૂ થવાના અહેવાલોએ આજે સપ્તાહના બીજા કારોબારી દિવસે ભારતીય શેરબજારની શરૂઆત ઉછાળા સાથે થઇ હતી.
વૈશ્વિક શેરબજારની વાત કરીએ તો ગઈકાલે અમેરિકન માર્કેટમાં ડાઉ જોન્સ ૦.૦૫%ના ઉછાળા સાથે બંધ રહ્યો હતો. જ્યારે એસ એન્ડ પી ૫૦૦ ૦.૧૬% અને નેસ્ડેક ૦.૨૭% વધીને સેટલ થયા હતા. બીએસઇ પર મીડકેપ ઈન્ડેક્સ ૦.૩૫% અને સ્મોલકેપ ઈન્ડેક્સ ૦.૬૭% વધીને ટ્રેડ થઇ રહ્યા હતા.
બીએસઈમાં સવારે ૧૦ કલાકે કુલ ટ્રેડીંગ થયેલી ૩૦૨૧ સ્ક્રિપોમાંથી ઘટનારની સંખ્યા ૬૭૯ અને વધનારની સંખ્યા ૨૧૬૪ રહી હતી, ૧૭૮ શેરના ભાવમાં કોઈ ફેરબદલ જોવાયો ન હતો. જ્યારે ૫૪ શેરોમાં ઓનલી સેલરની મંદીની નીચલી સર્કિટ સામે ૬૬ શેરોમાં ઓનલી બાયરની તેજીની ઉપલી સર્કિટ રહી હતી.
ભારતીય શેરબજારમાં આજે બીએસઈ પર માત્ર હેલ્થકેર અને ટેલિકોમ્યુનિકેશન સેક્ટરમાં ઘટાડો જોવા મળ્યો હતો, જયારે અન્ય બીજા તમામ સેક્ટરલ ઈન્ડાયસીસ ઉછાળા સાથે કારોબાર કરી રહ્યા હતા.
કોમોડિટી...
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ફેબ્રુઆરી ગોલ્ડ રૂ।.૧,૪૧,૮૪૭ પોઈન્ટના મથાળેથી ખુલીને રૂ।.૧,૪૧,૯૩૮ પોઈન્ટના ઊંચા મથાળેથી ઘટાડો નોંધાવી રૂ।.૧,૪૧,૬૬૦ પોઈન્ટના નીચા મથાળે નોંધાવી ૨૩૨ પોઈન્ટના ઘટાડા સાથે રૂ।.૧,૪૧,૮૧૪ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે માર્ચ સિલ્વર રૂ।.૨,૬૯,૭૦૧ પોઈન્ટના મથાળેથી ખુલીને રૂ।.૨,૭૦,૦૦૦ પોઈન્ટના ઊંચા મથાળેથી ઘટાડો નોંધાવી રૂ।.૨,૬૮,૪૯૭ પોઈન્ટના નીચા મથાળે નોંધાવી ૩૮૭ પોઈન્ટના ઉછાળા સાથે રૂ।.૨,૬૯,૩૫૭ આસપાસ ટ્રેન્ડ નોંધાયેલ..!!
સ્ટોક સ્પેસિફિક રેન્જ મુવમેન્ટ....
ઓબેરોઈ રિયલ્ટી (૧૯૩૪) : રેઝીડેન્શીયલ, કોમર્શીયલ પ્રોજેક્ટ સેક્ટરની આ કંપનીના શેરનો ભાવ હાલમાં રૂ।.૧૯૧૩ આસપાસ પ્રવર્તી રહ્યો છે. રૂ।.૧૯૦૯ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૧૯૫૩ થી રૂ।.૧૯૬૦ આસપાસ ભાવ સપાટી નોંધાવે તેવી શક્યતા છે...!! રૂ।.૧૯૭૭ ઉપર તેજી તરફી ધ્યાન...!!
લોઢા ડેવલોપર્સ (૧૦૬૦) : એ/ટી+૧ ગ્રુપનો આ સ્ટોક રૂ।.૧૦૫૩ આસપાસ પોઝીટીવ બ્રેકઆઉટ!! રૂ।.૧૦૪૪ ના સપોર્ટથી આ સ્ટોક ૧૦૭૮ થી રૂ।.૧૦૯૩ આસપાસ ભાવ સપાટી નોંધાવે તેવી સંભાવના છે...!!
લાઈફ ઈન્સ્યુરન્સ કોર્પોરેશન (૮૩૯) : રૂ।.૮૨૮ નો પ્રથમ તેમજ રૂ।.૮૨૦ બીજા લાઈફ ઈન્સ્યુરન્સ સેક્ટરનો રોકાણલક્ષી આ સ્ટોક રૂ।.૮૫૪ થી રૂ।.૮૬૦ આસપાસ ભાવ સપાટી નોંધાવે તેવી શક્યતા છે...!!
જ્યુબિલન્ટ ફૂડવર્ક્સ (૫૨૫) : રેસ્ટોરન્ટ્સ સેક્ટરનો આ સ્ટોક ટ્રેડીંગલક્ષી રૂ।.૫૩૪ થી રૂ।.૫૪૦ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ।.૫૧૩ નો સ્ટ્રોંગ સપોર્ટ ધ્યાને લેવો...!!!
બજારની ભાવિ દિશા.... મિત્રો, ભારતીય શેરબજારની ભાવિ દિશા અંગે જો વાત કરીએ તો ટૂંકા ગાળામાં બજારમાં વોલેટિલિટી યથાવત્ રહેવાની શક્યતા વધુ દેખાઈ રહી છે. વૈશ્વિક સ્તરે અમેરિકાચીન વેપાર સંબંધો, ટેરિફ નીતિઓ, જીઓ-પોલિટિકલ અનિશ્ચિતતા તથા વૈશ્વિક વ્યાજદરની દિશા જેવા પરિબળો ભારતીય બજારના માનસ પર સતત અસર કરતા રહેશે. મિડકેપ અને સ્મોલકેપ શેરોમાં થયેલા તીવ્ર કરેકશન પછી રિટેલ રોકાણકારોની રિસ્ક લેવાની ક્ષમતા ઘટી છે, જે સેકન્ડરી માર્કેટમાં ભાગીદારી ઘટાડે છે. તેમ છતાં, સેન્સેક્સ અને નિફ્ટીએ ડબલ ડિજિટની નજીકનું વાર્ષિક વળતર આપ્યું હોવું સૂચવે છે કે લાર્જકેપ અને ક્વોલિટી સ્ટોક્સમાં વિશ્વાસ હજુ યથાવત્ છે. આગામી સમયમાં કમાણી આધારિત પસંદગી અને સેક્ટર રોટેશન બજારની મુખ્ય ઓળખ બની શકે છે.
લાંબા ગાળાની દિશા જોતા ભારતીય શેરબજારની મૂળભૂત મજબૂતી યથાવત્ છે. ડીમેટ ખાતાની સંખ્યા સતત નવા રેકોર્ડ પર પહોંચવી એ દેશની ફાઇનાન્શિયલાઇઝેશનની પ્રક્રિયા અને ઇક્વિટી કલ્ચરના વ્યાપને દર્શાવે છે. ભલે નવા ખાતાના ઉમેરાની ગતિ ધીમી પડી હોય, પરંતુ પ્રાઈમરી માર્કેટમાં રિટેલ રોકાણકારોની વધતી રસદારી સૂચવે છે કે લાંબા ગાળાના રોકાણ પ્રત્યે વિશ્વાસ મજબૂત છે. સરકારના ઈન્ફ્રાસ્ટ્રક્ચર ખર્ચ, મેન્યુફેક્ચરિંગ પર ભાર, કેપેક્સ સાઇકલમાં તેજી અને ડિજિટલ ઇકોનોમીનો વિસ્તારો આવનારા વર્ષોમાં કોર્પોરેટ કમાણી માટે આધાર પૂરું પાડશે. તેથી, ટૂંકા ગાળાની અસ્થિરતા વચ્ચે પણ લાંબા ગાળે ભારતીય શેરબજાર ગ્રોથ-ઓરિએન્ટેડ અને રોકાણ માટ ે આકર્ષક રહેવાની શક્યતા પ્રબળ છે.
અન્ય સમાચારો
