માર્કેટ સ્કેન
તા. ૦૫-૧૨-૨૦૨૫ ના સવારે ૧૦ કલાકે....
રિઝર્વ બેન્ક ઓફ ઈન્ડિયાની મોનિટરી પોલિસી પૂર્વે રૂપિયા સામે અમેરિકી ડોલરની સતત મજબૂતીથી ભારતની આઈટી સર્વિસિઝ નિકાસોને ફાયદો થવાની અપેક્ષાએ સપ્તાહના અંતિમ કારોબારી દિવસે ભારતીય શેરબજાર ઉછાળા સાથે કારોબાર કરી રહ્યું હતું. અમેરિકી ડોલર સામે ભારતીય રૂપિયાનું પતન થતા ભારતની ક્રુડ ઓઈલ સહિતની આયાતો મોંઘી બનવાના અને મોંઘવારી વધવાના ભય વચ્ચે ફંડો, મહારથીઓએ સતત ચાર દિવસ સુધી મોટું હેમરિંગ કર્યું હતું.
પરંતુ બીજી તરફ ભારતની આઈટી-સોફ્ટવેર સર્વિસિઝ કંપનીઓને મજબૂત ડોલરનો ફાયદો થવાની અપેક્ષાએ અને અમેરિકાને ચેકમેટ કરવા ભારતના રશિયા સાથે સંબંધોને વધુ મજબૂત કરવા રશિયાના પ્રમુખ પુતિનની શરૂ થનારી ભારત મુલાકાતમાં ઐતિહાસિક ટ્રેડ ડિલ થવાની અપેક્ષા અને રિઝર્વ બેન્ક ઓફ ઈન્ડિયાની ધિરાણ નીતિ સમીક્ષામાં શુક્રવારે વ્યાજ દરમાં ૦.૨૫%નો ઘટાડો અપેક્ષિત હોવાના કેટલાક બેંકરોના મતે ભારતીય શેરબજાર અફડાતફડી જોવા મળી હતી.
વૈશ્વિક શેરબજારની વાત કરીએ તો ગઈકાલે અમેરિકન માર્કેટમાં ડાઉ જોન્સ ૦.૧૧%ના ઉછાળા સાથે બંધ રહ્યો હતો. જ્યારે એસશ્પી ૫૦૦ ૦.૧૧% અને નેસ્ડેક ૦.૧૩% વધીને સેટલ થયા હતા. બીએસઇ પર મીડકેપ ઈન્ડેક્સ ૦.૧૨% અને સ્મોલકેપ ઈન્ડેક્સ ૦.૪૫% ઘટીને ટ્રેડ થઇ રહ્યા હતા.
બીએસઈમાં સવારે ૧૦ કલાકે કુલ ટ્રેડીંગ થયેલી ૩૧૯૬ સ્ક્રિપોમાંથી ઘટનારની સંખ્યા ૧૬૪૮ અને વધનારની સંખ્યા ૧૩૭૫ રહી હતી, ૧૭૩ શેરના ભાવમાં કોઈ ફેરબદલ જોવાયો ન હતો. જ્યારે ૫૯ શેરોમાં ઓનલી સેલરની મંદીની નીચલી સર્કિટ સામે ૭૧ શેરોમાં ઓનલી બાયરની તેજીની ઉપલી સર્કિટ રહી હતી.
ભારતીય શેરબજારમાં આજે બીએસઈ પર ફોકસ્ડ આઈટી, આઈટી, રિયલ્ટી, ઓટો અને ટેક સેક્ટરમાં ઉછાળો જોવા મળ્યો હતો, જયારે અન્ય બીજા તમામ સેક્ટરલ ઈન્ડાયસીસ ઘટાડા સાથે કારોબાર કરી રહ્યા હતા.
કોમોડિટી...
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ફેબ્રુઆરી ગોલ્ડ રૂ.૧,૨૯,૮૯૭ પોઈન્ટના મથાળેથી ખુલીને રૂ.૧,૩૦,૦૨૯ પોઈન્ટના ઊંચા મથાળેથી ઘટાડો નોંધાવી રૂ.૧,૨૯,૮૦૨ પોઈન્ટના નીચા મથાળે નોંધાવી ૬૮ પોઈન્ટના ઘટાડા સાથે રૂ.૧,૩૦,૦૧૯ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે માર્ચ સિલ્વર રૂ.૧,૭૯,૫૦૯ પોઈન્ટના મથાળેથી ખુલીને રૂ.૧,૮૦,૦૮૨ પોઈન્ટના ઊંચા મથાળેથી ઘટાડો નોંધાવી રૂ.૧,૭૯,૨૦૦ પોઈન્ટના નીચા મથાળે નોંધાવી ૧૯૦૪ પોઈન્ટના ઉછાળા સાથે રૂ.૧,૮૦,૦૪૨ આસપાસ ટ્રેન્ડ નોંધાયેલ..!!
સ્ટોક સ્પેસિફિક રેન્જ મુવમેન્ટ....
એયુ સ્મોલ ફાઈનાન્સ બેન્ક (૯૫૧) : બેન્કિંગ સેક્ટરની આ કંપનીના શેરનો ભાવ હાલમાં રૂ.૯૩૪ આસપાસ પ્રવર્તી રહ્યો છે. રૂ.૯૨૩ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ.૯૬૪ થી રૂ.૯૭૦ આસપાસ ભાવ સપાટી નોંધાવે તેવી શક્યતા છે...!! રૂ.૯૭૯ ઉપર તેજી તરફી ધ્યાન...!!
એચડીએફસી લાઈફ (૭૬૩) : એ/ટી+૧ ગ્રુપનો આ સ્ટોક રૂ.૭૪૪ આસપાસ પોઝીટીવ બ્રેકઆઉટ!! રૂ.૭૩૦ ના સપોર્ટથી આ સ્ટોક રૂ.૭૭૮ થી રૂ.૭૮૫ આસપાસ ભાવ સપાટી નોંધાવે તેવી સંભાવના છે...!!
ડીએલએફ લિ. (૭૧૭) : રૂ.૬૯૬ નો પ્રથમ તેમજ રૂ.૬૯૦ બીજા સપોર્ટથી રેસિડેન્સિયલ, કોમર્શિયલ પ્રોજેક્ટ્સ સેક્ટરનો રોકાણલક્ષી આ સ્ટોક રૂ.૭૩૩ થી રૂ.૭૪૦ આસપાસ ભાવ સપાટી નોંધાવે તેવી શક્યતા છે...!!
કોલ ઈન્ડિયા (૩૮૦) : કોલ સેક્ટરનો આ સ્ટોક ટ્રેડીંગલક્ષી રૂ.૩૮૮ થી રૂ.૩૯૪ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ.૩૭૩ નો સ્ટ્રોંગ સપોર્ટ ધ્યાને લેવો...!!!
બજારની ભાવિ દિશા.... મિત્રો, ભારતમાં પ્રાઈમરી માર્કેટમાં જોવા મળેલી ઐતિહાસિક તેજીનો સીધો અસર સેકન્ડરી માર્કેટની ભાવિ દિશા પર પણ નોંધાય તેવી શક્યતા છે. ૨૦૨૫માં આઈપીઓ મારફતે મોટા પાયે મૂડી પ્રવાહ થવાથી માર્કેટમાં લિક્વિડિટી વધી છે, જે રોકાણકારોના વિશ્વાસને મજબૂતી આપે છે. લિસ્ટ થયેલ અંદાજીત ૬૦ જેટલા આઈપીઓ ઈશ્યૂ પ્રાઈસથી ઉપર ટ્રેડ થઈ રહ્યા છે, તે દર્શાવે છે કે માર્કેટ વેલ્યૂએશનને રોકાણકારો સ્વીકારી રહ્યા છે અને નવા બિઝનેસ મોડલ્સ તથા સેક્ટરો પ્રત્યે તેમની રુચિ મજબૂત છે. આઈપીઓમાં આવેલા રિયલ એસ્ટેટ, ફાર્મા, ન્યૂ-એજ ટેક, ફાઇનાન્સ અને મેન્યુફેક્ચરિંગ જેવા સેક્ટરોના મજબૂત દેખાવને કારણે ઇન્ડેક્સને મધ્ યમગાળે ટેકો મળી શકે છે. જો વૈશ્વિક પરિસ્થિતિ સ્થિર રહે અને ડોલર મજબૂતી શાંત પડે, તો સેકન્ડરી માર્કેટ વધુ મજબૂતી સાથે આગળ વધી શકે છે.
આગામી દિવસોમાં બજારની નજર મુખ્યત્વે વૈશ્વિક જીઓ પોલિટીકલ ઇશ્યુ, મેક્રો ડેટા અને આરબીઆઈની નીતિ પર રહેશે. ડિસેમ્બરથી ૨૦૨૬ની શરૂઆત સુધી આઈપીઓની મજબૂત લાઈન-અપ બજારમાં ફરી નવી લિક્વિડિટી લાવશે, જેના કારણે મિડકૅપ અને સ્મોલકૅપ સેગમેન્ટમાં સિલેક્ટિવ તેજી રહેવાની સંભાવના છે. જોકે સેકન્ડરી માર્કેટમાં ઊંચા વેલ્યૂએશનને કારણે ક્યારેક પ્રોફિટ-બુકિંગ જોવા મળી શકે, પરંતુ ભારતની વૃદ્ધિ આવક, આંતરિક માંગ, કોર્પોરેટ કમાણી અને સરકારના ઇન્ફ્રા ખર્ચને ધ્યાનમાં રાખીએ તો લાંબા ગાળે માર્કેટ માટે દિશા પોઝિટિવ રહેવાની શક્યતા વધુ છે.
