બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

ખાસ મુલાકાત

કયા કહે કિતના ગમ રોઝ સહતે હૈ હમ, આખરી અલવિદા સબકો કહતે હૈ હમ

સત્ય મહદ્અંશે અપ્રિય હોય છે એમાંય જીવનનું અંતિમ સત્ય એટલે કે મૃત્યુ કોઈને પણ પસંદ નથી જીવનનાં અંતિમ સત્યનો રોજ સામનો કરનાર લોકોના મનોભાવ કેવા હોય એ વિચાર કોઈ કરતું નથી. જામનગરના વતની અને છેલ્લા દોઢ દાયકાથી દુબઈમાં સ્થાયી થયેલા સચિનભાઈ માંકડ દ્વારા નગરનાં સમાજસેવક મહાવીર દળ સંચાલિત આદર્શ સ્મશાનમાં લોકોની અંતિમ વિધિ કરવાની ફરજ બજાવતા કર્મચારીઓના સંવેદનો ઉજાગર કરતી 'ધ ફાયનલ પુશ' નામની શોર્ટ ફિલ્મ બનાવવામાં આવી છે. સચિનભાઈએ તેમના પત્ની પૂજાબેન સાથે 'નોબત' કાર્યાલયની મુલાકાત લઈ 'નોબત' ના તંત્રી પ્રદિપભાઈ માધવાણી 'નોબત' પરિવારના દર્શકભાઈ માધવાણી તથા પત્રકાર આદિત્ય સાથે શોર્ટ ફિલ્મ તથા પોતાની કારકિર્દી વિશે વાત કરી હતી.

જામનગરની ડીસીસી હાઈસ્કૂલ તથા ડીકેવી કોલેજના વિદ્યાર્થી રહી ચૂકેલા સચિનભાઈ બીએસસીની ડીગ્રી મેળવ્યા પછી ક્રિએટીવ પ્રોફેશન તરફ વળી ગયા અને દુબઈ જઈ આર્ટ ડાયરેકટર તરીકે કારકિર્દી બનાવી કોરોના અને લોકડાઉનને કારણે ઓકટોબરમાં તેઓ દુબઈથી જામનગર પરત આવ્યા હતાં.

સચિનભાઈના પિતા જગદિશભાઈ માંકડ તેમની જ્ઞાતિમાં તથા બહોળા મિત્રવર્તુળમાં સેવાભાવી વ્યક્તિ તરીકે જાણીતા છે. પરિચિત કે કોઈ અપરિચિત વ્યક્તિનું નિધન થાય ત્યારે તેમની અંતિમવિધિ સંપન્ન કરાવવા માટે નિઃસ્વાર્થભાવે જગદિશભાઈ અને તેમના મિત્રો ખડેપગે હોય છે. નાનપણથી પિતાની આ પ્રવૃત્તિ જોઈ સચિનભાઈને 'ધ ફાયનલ પુશ' શોર્ટ ફિલ્મ બનાવવાનો વિચાર આવ્યો એમ કહી શકાય.

'ધ ફાયનલ પુશ' શોર્ટ ફિલ્મમાં સ્મશાનમાં કપરી ફરજ બજાવતા કર્મચારીઓની લાગણીઓને દર્શાવવામાં આવી છે. જ્ઞાતિ-જાતિનાં કે ધર્મના ભેદભાવ વગર મૃતકોની અંતિમવિધિની ફરજ બજાવતા સ્મ્શાનનાં કર્મચારીઓ કાયમી ડાઘુ જેવી મનઃસ્થિતિમાં કઈ રીતે જીવનના સંઘર્ષો કરે છે એ સમજવા માટે તથા તેમની પીડાને સમજવા માટે 'ધ ફાયનલ પુશ' ફિલ્મ અચૂક નિહાળવી જોઈએ.

આ શોર્ટ ફિલ્મના નિર્માણની વાત કરીએ તો તેમની સ્ટોરી, સ્ક્રીન પ્લે, ડાયરેકશન તથા એડીટીંગ સચિન માંકડે જ કર્યું છે. સ્ક્રિપ્ટ એટલે કે પટકથા સ્તુતિ ધોળકીયા બુચની છે તથા નરેશન તુમુલ બુચ દ્વારા કરવામાં આવ્યું છે. નિલેશ વ્યાસ તથા સહીશ વિલ્સનનું માર્ગદર્શન છે તેમજ તમલ માંકડ અને પૂજા માંકડ દ્વારા સહાયકની ભૂમિકા નિભાવવામાં આવી છે. સચિનભાઈ પોતાની શોર્ટ ફિલ્મના તમામ ક્રિએટીવ-લોકો ઉપરાંત આ શોર્ટ ફિલ્મ બનાવવા જેમની મંજૂરી અનિવાર્ય હતી એવા સમાજસેવક મહાવીર દળ તથા દર્શનભાઈ ઠકકરનો ઋણ સ્વીકાર કરે છે.

અત્યાર સુધીમાં 'ધ ફાયનલ પુશ' ઉપરાંત કવોરન્ટાઈન તથા દિવાળી વિષય પર શોર્ટ ફિલ્મ બનાવી ચૂકેલા સચિનભાઈ ભવિષ્યમાં વૃદ્ધાશ્રમમાં રહેતા વડીલોની સંવેદનાઓ ઉજાગર કરતી 'ધ ગોલ્ડન એજર'નામની શોર્ટ ફિલ્મ બનાવવાનો નિર્ધાર ધરાવે છે. સચિન માંકડ નામની યૂટ્યૂબ ચેનલ પર 'ધ ફાયનલ પુશ' શોર્ટ ફિલ્મ નિહાળી શકાય છે.

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

સગા-સંબંધી-મિત્રવર્ગના લીધે ઉદ્વેગ-ઉચાટ-અશાંતિ રહ્યાં કરે. વડીલવર્ગના સ્વાસ્થ્ય બાબતે ચિંતા રહે. શુભ રંગઃ મેંદી - શુભ અંકઃ ૪-૫

Capricorn (મકર: ખ-જ)

નોકરી-ધંધાના કામમાં આપને શાંતિ જણાય નહીં. નાણાકીય વ્યવહાર કરતી વખતે સાચવવું. શુભ રંગઃ બ્લુ - શુભ અંકઃ ૨-૮

Aquarius (કુંભ: ગ-શ-સ)

આકસ્મિક ઉપાધિ-મુશ્કેલીમાં ચિંતા રહે. નોકરી-ધંધાના કામમાં, આરોગ્યની બાબતમાં ધ્યાન રાખવું. શુભ રંગઃ મોરપીંછ - શુભ અંકઃ ૩-૯

Pisces (મીન: દ-ચ-ઝ-થ)

નાણાકીય બાબતે સાનુકૂળતા રહે. નોકરી-ધંધામાં પ્રગતિકારક તકો પ્રાપ્ત થાય. સ્વાસ્થ્ય સચવાય. શુભ રંગઃ કેસરી - શુભ અંકઃ ૨-૭

Aries (મેષ: અ-લ-ઈ)

આરોગ્યની અસ્વસ્થતા અને માનસિક વ્યગ્રતાને કારણે નોકરી-ધંધાના કામમાં એકાગ્રતા જળવાય નહીં. શુભ રંગઃ લીલો - શુભ અંકઃ ૨-૪

Taurus (વૃષભ: બ-વ-ઉ)

નોકરી-ધંધાની મુલાકાત - ચર્ચા-વિચારણામાં યશ-સફળતા મળે. ચિંતાનો ભાર હળવો બની રહે. શુભ રંગઃ પીળો - શુભ અંકઃ ૧-૫

Gemini (મિથુન: ક-છ-ધ)

વડીલ વર્ગના આરોગ્ય બાબતે ચિંતા રહે. નોકરી-ધંધામાં કાર્ય સફળતા-પ્રગતિ - વ્યસ્તતા રહે. શુભ રંગઃ લાલ - શુભ અંકઃ ૨-૬

Cancer (કર્ક: ડ-હ)

આકસ્મિક કોઈ કામ થાય. નોકરી-ધંંધામાં ફાયદો-લાભ થવા પામે. વિલંબમાં પડેલા કામ ઉકેલાય. શુભ રંગઃ ગુલાબી - શુભ અંકઃ ૪-૭

Leo (સિંહ: મ-ટ)

સ્વાસ્થ્ય બાબતે ઋતુગત બિમારીથી સાધવાની રાખવી પડે. ઘર-પરિવારના પ્રશ્નો ઉકેલાય. શુભ રંગઃ દુધિયા - શુભ અંકઃ ૮-૫

Virgo (કન્યા: પ-ઠ-ણ)

તમારા રોજિંદા કામ ઉકેલવામાં સાનુકૂળતા રહે. નોકરી-ધંધાના કામમાં હળવાશ રહે. શુભ રંગઃ બ્રાઉન - શુભ અંકઃ ૨-૯

Libra (તુલા: ર-ત)

આપના કામ ઉકેલવામાં સાનુકૂળતા રહે. અન્યના સહકારથી કાર્યબોજ હળવો થતો જણાય. શુભ રંગઃ બ્લુ - શુભ અંકઃ ૬-૪

Scorpio (વૃશ્ચિક: ન-ય)

નોકરી-ધંધાના કામ ઉકેલાય. મિલન-મુલાકાત, ચર્ચા-વિચારણામાં મહત્ત્વના નિર્ણય લેવામાં સાનુકૂળતા રહે. શુભ રંગઃ પિસ્તા - શુભ અંકઃ ૬-૯

Sagittarius (ધન: ભ-ધ-ફ-ઢ)

તમારા માટે પરિશ્રમદાયક સમય સાથે લાવતું સપ્તાહ શરૃ થવા જાય છે. સપ્તાહના સમય દરમિયાન સફળતા મેળવવા માટે આપે સખત મહેનત અને પરિશ્રમ કરવા પડે. આપની મહેનતના પ્રમાણમાં આપને ફળ મળતું જણાય. દાંપત્યજીવનમાં મધૂરતા જળવાઈ રહે. સંતાન બાબતે ચિંતા રહે, તેના સ્વાસ્થ્ય બાબતે દોડધામ થાય. નાણાકીય સ્થિતિ એકંદરે સારી રહે. નોકરિયાત વર્ગને ઉપરી અધિકારી સાથે મતભેદ-વિવાદ થઈ શકે છે. નાની-મોટી યાત્રા-પ્રવાસ સફળ થાય. તા. ૧૮ થી ર૧ આનંદદાયી, તા. રર થી ર૪ પરિશ્રમ.

Capricorn (મકર: ખ-જ)

આપના માટે આત્મમંથન કરાવનારો સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના ભૂતકાળના સારા-નરસા બનાવોથી શીખ મેળવીને, આત્મમંથન કરીને આપના ભવિષ્યના નિર્માણનું આયોજન કરતા જણાવ. ભૌતિક સુખ-સગવડના સાધનો પાછળ નાણાનો વ્યય કરવા આપ આકર્ષાઈ શકો છો. નાણાકીય રીતે સમય નબળો પૂરવાર થાય. વડીલ વર્ગ સાથે મતભેદ હશે તો દૂર થશે. કૌટુંબિક ક્ષેત્રે આનંદભર્યું વાતાવરણ જોવા મળે. યાત્રા-પ્રવાસનું આયોજન શક્ય બને. તા. ૧૮ થી ર૧ ખર્ચ-વ્યય. તા. રર થી ર૪ મધ્યમ.

Aquarius (કુંભ: ગ-શ-સ)

તમારા માટે ખર્ચ-ખરીદીના યોગ સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના ઘર-પરિવારના સભ્યો માટે કોઈ નાની-મોટી વસ્તુની ખરીદી કરી શકો છો, પરંતુ આવક કરતા જાવકનું પ્રમાણ વધી ન જાય તેનું ધ્યાન રાખવું. કૌટુંબિક સંબંધોમાં કોઈ વિવાદ હશે તો તેનો સુખદ અંત આવતા માનસિક ચિંતા હળવી બને. મિલકત, જમીન-મકાન, રહેઠાણને લગતી બાબતોમાં પરિણામ આપના પક્ષમાં આવી શકે છે. નોકરિયાત વર્ગને કાર્યના બદલામાં પ્રશંસા-વખાણ સાંભળવા મળે. તા. ૧૮ થી ર૧ મિશ્ર. તા. રર થી ર૪ ખર્ચ-વ્યય.

Pisces (મીન: દ-ચ-ઝ-થ)

આપના માટે નવી રાહ-નવી દિશા સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને નવી તકો મળે અને નવિન વિચાર, યોજના, કાર્યો અમલમાં મૂકી શકશો. રાજકીય ક્ષેત્રે સંકળાયેલા જાતકોએ સંભાળવું. વિદ્યાર્થીઓને મહેનતનું ફળ આશા મુજબ મળે. સંતાન બાબતેના પ્રશ્નોનું સમાધાન મળે. વ્યાપાર-ધંધા-વ્યવસાયમાં અણધારી મુસિબત જણાય. નાણાકીય ભીડ રહે. શત્રુ વિરોધીઓ પ્રબળ જણાય. સ્વાસ્થ્ય સાચવવું, વાણી ઉપર સંયમ રાખવો. દાંપત્યજીવનમાં સુમેળ રહે. તા. ૧૮ થી ર૧ નવિન કાર્ય થાય. તા. રર થી ર૪ મધ્યમ.

Aries (મેષ: અ-લ-ઈ)

તમારા માટે ક્રોધ-આવેશ ઉપર નિયંત્રણ રાખવાની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન આપને માનસિક દ્વિધા-બેચેનીના અનુભવ થાય. નજીકના સ્નેહીજનો સાથે બોલાચાલી થાય. પરિસ્થિતિ વિકટ બનતી જણાય. નાણાકીય સ્થિતિ મજબૂત બનતી જણાય. આકસ્મિક ધનલાભ થવાની પૂર્ણ શક્યતા છે. વ્યાપારી વર્ગ માટે નવી ધંધાકીય ખરીદી શક્ય બને. સ્વાસ્થ્ય નરમ-ગરમ રહે. ઋતુગત રોગોથી સાચવવું. વિદ્યાર્થી વર્ગને અભ્યાસમાં રૃચિ વધતી જણાય. તા. ૧૮ થી ર૧ લાભદાયી. તા. રર થી ર૪ વિવાદ ટાળવા.

Taurus (વૃષભ: બ-વ-ઉ)

આપના માટે સુખ-દુઃખ જેવી મિશ્ર પરિસ્થિતિનો અનુભવ કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપની પરિસ્થિતિ ચડાવ-ઉતારભરી બની રહે. વ્યાવસાયિક ક્ષેત્રે સારો એવો લાભ પ્રાપ્ત થઈ શકે છે. કોઈ નવો ઓર્ડર-ટેન્ડર મળી શકે તેમ જણાય છે. ધાર્યો લાભ મેળવવાની આશા ફળીભૂત થતી જણાય, જો કે કૌટુંબિક ક્ષેત્રે કલેશ-કલહભર્યું વાતાવરણ ઊભું થાય. નજીકના સંબંધોમાં તિરાડ ઊભી ન થાય તે જો જો. આરોગ્ય બાબતે પડવા-વાગવાથી સાચવવું. તા. ૧૮ થી ર૧ મિશ્ર. તા. રર થી ર૪ સારી.

Gemini (મિથુન: ક-છ-ધ)

તમારા પ્રવાસ-મુસાફરીના યોગ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને નાના-મોટા પ્રવાસ-મુસાફરી માટે સાનુકૂળતા રહેતી જણાય. ચિંતા-પરેશાનીનો ભાર હળવો થતો જણાય. વેપાર-ધંધા-રોજગાર ક્ષેત્રેનું સાહસ કે નવી ખરીદારી થઈ શકે છે. આર્થિક ક્ષેત્રે મહત્ત્વના ફેરફારો શક્ય બને, જો કે સ્વાસ્થ્ય બાબતે સંભાળ રાખવી જરૃરી બને. જમીન-મકાન-મિલકત અંગેના પ્રશ્નો ગુંચવાઈ શકે છે. વિવાદિત બાબતોમાં સમાધાનકારી વલણ અપનાવવું હિતાવહ બની રહે. તા. ૧૮ થી ર૧ સ્વાસ્થ્ય સાચવવું. તા. રર થી ર૪ યાત્રા-પ્રવાસ.

Cancer (કર્ક: ડ-હ)

આપના માટે ઉત્સાહવર્ધક સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના ધાર્યા કામ પૂરા કરવા માટે એક નવા ઉમંગ અને ઉત્સાહથી કામ કરતા જણાવ. આપ તનતોડ મહેનત અને પરિશ્રમ કરશો. વ્યાવસાયિક ક્ષેત્રે આકસ્મિક લાભ થવાની પૂર્ણ શક્યતા જણાય છે, જો કે આરોગ્ય અંગેની બેદરકારી આપને ગંભીર નુક્સાન પહોંચાડી શકે છે. ખાન-પાનમાં તકેદારી રાખવી. નોકરિયાત વર્ગને ઉપરી અધિકારી તરફથી કાર્યની પ્રશંસા-વખાણ સાંભળવા મળે. તા. ૧૮ થી ર૧ શુભ ફળદાયી. તા. રર થી ર૪ મિશ્ર.

Leo (સિંહ: મ-ટ)

તમારા માટે કાર્યબોજ વધારતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપના માટે એક કરતા વધારે જવાબદારી આવી શકે છે. વ્યાપાર-વ્યવસાયના કાર્યો ઉપરાંત ઘર-પરિવારના પડતર પ્રશ્નો પૂરા કરવા માટે દબાણ સહન કરવું પડી શકે છે, જેથી માનસિક તાણ તથા બોજનો અનુભવ થાય. નાણાકીય વૃદ્ધિનો માર્ગ મોકળો થતો જણાય. આકસ્મિક ધનલાભની શક્યતા નકારી ન શકાય. આરોગ્ય નરમ-ગરમ જણાય. જીવનસાથી સાથે મતભેદ દૂર કરી શકાય. શત્રુઓ પરાસ્ત થાય. તા. ૧૮ થી ર૧ સાનુકૂળ. તા. રર થી ર૪ કાર્યબોજ.

Virgo (કન્યા: પ-ઠ-ણ)

આપના માટે નાણાભીડ સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપની આકસ્મિક ખર્ચાઓને કારણે નાણાકીય સ્થિતિ કથળતી જણાય. આપનું મહિનાનું બજેટ ખોરવાઈ શકે છે. બિનજરૃરી ખર્ચ ટાળવો અન્યથા ઉછીના નાણા લઈ વ્યવહાર ચલાવવો પડી શકે છે. આરોગ્ય સુધરતું જણાય. સાંસારિક જીવનમાં પરિવારજનોનો સાથ-સહકાર પ્રાપ્ત થાય. નાની-મોટી યાત્રા-પ્રવાસનું આયોજન શક્ય બને. શત્રુ વિરોધીઓ પર વિજય પ્રાપ્ત કરી શકશો. મિત્રોની મદદ મળી રહે. તા. ૧૮ થી ર૧ નાણાભીડ રહે. તા. રર થી ર૪ સ્વાસ્થ્ય સુધરે.

Libra (તુલા: ર-ત)

તમારા માટે ભાવનાત્મક સૂચક સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપે આપની લાગણીઓ ઉપર કાબૂ રાખવો. સ્નેહીજનો-પરિવારજનો સાથેના સંબંધો ગાઢ બનતા જણાય. ચિંતાઓ-જવાબદારીઓનો ભાર હળવો થતો જણાય. નાની-મોટી યાત્રા-પ્રવાસનું આયોજન શક્ય બને. મોજશોખ પાછળ સમય અને નાણાનો વ્યય થતો જોવા મળે. જમીન-મકાન-મિલકત અંગેના વિવાદોનો ઉકેલ લાવી શકો. સામાજિક જીવનમાં સંકળાયેલા જાતકો માટે સમય નબળો પૂરવાર થાય. સંતાન તરફથી સારા સમાચાર મળે. તા. ૧૮ થી ર૧ ખર્ચ-વ્યય. તા. રર થી ર૪ સાનુકૂળ.

Scorpio (વૃશ્ચિક: ન-ય)

આપના માટે આકસ્મિક લાભ અપાવતું સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને કોઈ આકસ્મિક લાભ પ્રાપ્ત થઈ શકે છે. આર્થિક ક્ષેત્રે સુખદ ફેરફાર થતા જોવા મળે. વ્યાપાર-ધંધા-વ્યવસાયમાં ઓચિંતો લાભ થાય. મહેનતનું મીઠું ફળ મળતા આપના ઉત્સાહમાં વધારો થાય. જમીન-મકાન-રહેઠાણને લગતા પ્રશ્નો હળવા થાય, જો કે ગૃહસ્થજીવનનું વાતાવરણ ખોરવાઈ શકે છે. પરસ્પર સમજુતિનો અભાવ જોવા મળે. ક્ષમા કરવાની ભાવના કેળવશો તો ફાયદામાં રહેશો. તા. ૧૮ થી ર૧ લાભદાયી. તા. રર થી ર૪ વિવાદ ટાળવા.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી