Author: નોબત સમાચાર
મોટરની પાછળ ટ્રક ટકરાઈ જવાના કિસ્સામાં વળતરનો ઈન્કાર કરનાર વીમા કંપનીને હુકમ
રૂ.૧૬,૬૭,૧૨૫ વ્યાજ સાથે ચૂકવવા આદેશઃ
જામનગર તા. ૧૫: જામનગરના એક આસામીની મોટર પાછળ ટ્રક ઘૂસી જતાં મોટર ટોટલ લોસ થઈ ગઈ હતી. તેનો ક્લેઈમ ચૂકવવાનો વીમા કંપનીએ ઈન્કાર કરતા ગ્રાહક ફોરમમાં ધા નાખવામાં આવી હતી. ફોરમે રૂ.૧૬,૬૭,૧૨૫ વ્યાજ સાથે ચૂકવવા હુકમ કર્યાે છે.
જામનગરના મહંમદઆમીર બશીર અલારખા નામના આસામીએ પોતાની મર્સીડીઝ બેન્ઝ કંપનીની મોટર માટે રિલાયન્સ જનરલ ઈન્સ્યુરન્સ કંપની પાસેથી વીમો મેળવ્યો હતો. વીમો ચાલુ હતો તે દરમિયાન બે વર્ષ પહેલાં જૂનાગઢ ધોરીમાર્ગ પર રાખવામાં આવેલી મોટરની પાછળ ટ્રક ઘૂસ્યો હતો અને મોટરને ભારે નુકસાન થયું હતું.
તે નુકસાનીનું વળતર મેળવવા માટે રૂ.પ૮,૯૩,૯૬૦નો ક્લેઈમ કરાયો હતો. તે ક્લેઈમ વીમા કંપનીએ રદ્દ કરી નાખતા ગ્રાહક તકરાર નિવારણ ફોરમમાં ફરિયાદ કરાઈ હતી. ફોરમે રૂ.૧૬,૬૭,૧૨૫ની રકમ છ ટકાના વ્યાજ સાથે ચૂકવી આપવા અને રૂ.પ હજાર ખર્ચના પણ આપવા વીમા કંપનીને હુકમ કર્યાે છે. ફરિયાદી તરફથી વકીલ વસંત ગોરી, દીપક નાનાણી, નેહલ સંચાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
