Author: નોબત સમાચાર
જામનગરના દિગ્વિજય પ્લોટમાં રહેણાંક મકાનમાંથી દારૂની ૬૦ બોટલ ઝડપાઈ
બાઈક પર બોટલ લઈને જતાં બે પકડાયાઃ
જામનગર તા. ૧૫: જામનગરના દિગ્વિજય પ્લોટ વિસ્તારમાં આવેલા એક મકાનમાંથી પોલીસે ઈંગ્લીશ દારૂની નાની મોટી ૬૦ બોટલ કબજે કરી છે. દરોડા પહેલાં મકાન માલિક તથા તેનો સાગરિત નાસી ગયા છે. પાછલા તળાવ પાસેથી બાઈક પર બોટલ લઈને જતા બે પરપ્રાંતીય પકડાઈ ગયા છે.
જામનગરના દિગ્વિજય પ્લોટ વિસ્તારની શેરી નં.૬૪માં આવેલા એક શખ્સના મકાનમાં ઈંગ્લીશ દારૂનો જથ્થો વેચાણ માટે રાખવામાં આવ્યો હોવાની બાતમી પરથી સિટી એ ડિવિઝનના સર્વેલન્સ સ્ટાફે પીઆઈ એન.એ. ચાવડાની સૂચનાથી ત્યાં આવેલા એક બ્યુટીપાર્લર સામેના રમેશ ગોવિંદભાઈ મંગે ઉર્ફે ગોપુ નામના શખ્સના મકાનમાં દરોડો પાડ્યો હતો.
આ મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની ૨૪ મોટી બોટલ, ૩૬ નાની બોટલ મળી આવી હતી. પોલીસે રૂ.૨૧૬૦૦નો દારૂનો જથ્થો કબજે કર્યાે છે. દરોડા પહેલાં આરોપી રમેશ ઉર્ફે ગોપુ અને કપિલ ધનવાણી નાસી ગયા છે.
જામનગરના રણમલ તળાવના પાછળના ભાગ પરથી પસાર થતા આરજે-૧૯-ઝેડએસ ૫૬૬૬ નંબરના મોટર સાયકલને પોલીસે શકના આધારે રોકાવી તલાશી લેતા તેના પર જઈ રહેલા ગુલાબનગર પાસેના યોગેશ્વરનગરવાળા ઝુમરરામ સોનારામ પ્રજાપતિ તથા હાપા યાર્ડ રોડ પર મેરીયા કોલોનીમાં રહેતા રાવલસિંગ સાગસિંગ ભાટી નામના બે પરપ્રાંતીય શખ્સના કબજામાંથી ઈંગ્લીશ દારૂની બોટલ મળી આવી હતી. પોલીસે બોટલ તથા બાઈક કબજે કરી બંનેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
