Author: નોબત સમાચાર
જામનગરના હાપાના ખારી વિસ્તારમાંથી ઝડપાઈ ગઈ દેશી દારૂની બે ભઠ્ઠીઃ બેની અટક
નશાની હાલતમાં મોટરચાલક પકડાયોઃ
જામનગર તા. ૧૫: જામનગરના હાપા ગામના ખારી વિસ્તારમાં ગઈકાલે સવારે પોલીસે દરોડા પાડી દેશી દારૂની બે ભઠ્ઠી કબજે કરી છે. બંને સ્થળેથી દેશી દારૂ, આથો તથા ભઠ્ઠીના સાધનો સાથે બે શખ્સ મળી આવ્યા હતા. જ્યારે લાલપુરમાં શનિવારે રાત્રે નશાની હાલતમાં સ્કોર્પિયો ચલાવીને જતા શખ્સ સામે પોલીસે કાર્યવાહી કરી છે.
જામનગર નજીકના હાપા ગામના ખારી વિસ્તારમાં રવિવારે વહેલી સવારે પંચકોશી એ ડિવિઝન પોલીસ સ્ટેશનના સ્ટાફે પૂર્વ બાતમીના આધારે દરોડો પાડી સોમશી જેસાભાઈ વીર નામના શખ્સ દ્વારા ચલાવવામાં આવતી દેશી દારૂની ભઠ્ઠી પકડી પાડી છે. તે સ્થળ પરથી તૈયાર દેશી દારૂ તથા ૩૦ લીટર આથો અને ભઠ્ઠીના સાધનો કબજે કરી પોલીસે ગુન્હો નોંધ્યો છે. ત્યાં જ આવેલી નારણ લખમણભાઇ વીર નામના શખ્સની ભઠ્ઠી પણ પોલીસે કબજે કરી છે. ત્યાંથી પણ ૩૦ લીટર આથો તથા દેશી દારૂ અને ભઠ્ઠીના સાધનો મળી આવ્યા હતા.
લાલપુર શહેરમાં શનિવારે રાત્રે પોલીસ સ્ટેશન રોડ પરથી પસાર થતાં જીજે-૨૩-એમ-૧૩ નંબરના સ્કોર્પિયોને પોલીસે રોકી લઇ તેના ચાલકની તલાશી લેતા લાલપુરમાં રહેતો રાજવિજયસિંહ ચંદ્રસિંહ સોઢા નામનો શખ્સ નશાની હાલતમાં મોટર ચલાવતો હોવાનું જણાઈ આવ્યું હતું. પોલીસે તેની સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
