ખંભાળિયાની સ્ટેટ બેંક ઓફ ઈન્ડિયાની ઉત્તમ કામગીરીઃ પ૦ હજારથી વધુ ખાતાઓ ધરાવતી સૌથી મોટી બેંક

Author: નોબત સમાચાર

ખંભાળિયાની સ્ટેટ બેંક ઓફ ઈન્ડિયાની ઉત્તમ કામગીરીઃ પ૦ હજારથી વધુ ખાતાઓ ધરાવતી સૌથી મોટી બેંક

બેંકને ૭૧ વર્ષ પૂરાઃ ૧૯પ૪ માં શરૂ થઈ હતી

ખંભાળિયા તા. ૧પઃ દેવભૂમિ દ્વારકા જિલ્લામાં વર્ષો જુની બેંકો પૈકીની એક તથા ૭૧ વર્ષ પહેલા સ્થપાયેલી સ્ટેટ બેંક ઓફ ઈન્ડિયાએ આટલા વર્ષો થવા છતાં ઉત્તમ કામગીરીના અનેક એવોર્ડ પ્રાપ્ત કર્યા છે.

બેંક મેનેજર શ્રી અમિતકુમારના માર્ગદર્શનમાં ચાલતી કામગીરીમાં બેંકને વીમા યોજના, સી.એલ.એફ. કામગીરીમાં એકાઉન્ટ ખોલવામાં તથા ગ્રાહકોની બચત માટે સંચય એવોર્ડ સહિતના એવોર્ડ ઉત્કૃષ્ટ કામગીરી બદલ મળતા બેંકની કામગીરી ગૌરવપ્રદ બની છે.

૧૯પ૪ ની પહેલી જાન્યુઆરીએ તત્કાલિન સ્ટેટ બેંક ઓફ સૌરાષ્ટ્રની શાખામાં શરૂ થયેલી આ બેંક ૭૧ વર્ષ પૂરા કરી ૭રમા વર્ષમાં પ્રવેશ કરશે. દ્વારકા જિલ્લામાં સૌથી વધુ પ૦ હજાર ઉપરાંત ખાતાઓ બેંકમાં છે તથા સરકારી વિભાગો, બચત એકાઉન્ટ તથા પેન્શન એકાઉન્ટ છે. દર વર્ષે ત્રણેક હજાર નવા ખાતા તથા દર વર્ષે પ૦/૭પ વેપારીઓના ચાલુ ખાતાઓ અહીં ખુલે છે તથા બચત ખાતાઓમાં બેંકમાં ડિપોઝિટ રાખવામાં પણ બેંકને એવોર્ડ મળેલ છે તથા નવા એકાઉન્ટ યોનો રજિસ્ટ્રેશનથી ઓનલાઈન કરાવી દેવાય છે તથા બે નવા ક્લાર્કની નિયુક્તિ સાથે બેંક વ્યવસ્થામાં મદદરૂપ સ્ટાફ પણ અહીં રાખવામાં આવ્યા છે. ખાનગી બેંક પછી જે સુવિધામાં પાછળ છે તે યોનો કેશ એટલે કે એ.ટી.એમ.માંથી કાર્ડ વગર પેમેન્ટ માટે પણ વ્યવસ્થાની જાણકારી પણ અહીંથી અપાય છે.

જો આપને આ પોસ્ટ ગમી હોય તો શેર કરો...