Author: નોબત સમાચાર
વાઘેરવાડામાં ગઈકાલની ક્રિકેટ મેચ પર સટ્ટો રમતો શખ્સ ઝડપાઈ ગયોઃ મોબાઈલ કબજે
આરોપીએ અન્ય એક શખ્સનું નામ આપ્યું:
જામનગર તા. ૧૨: જામનગરના વાઘેરવાડા વિસ્તારમાંથી ગઈકાલે સાંજે પોલીસે એક શખ્સને ક્રિકેટનો સટ્ટો રમતો પકડી પાડ્યો છે. આ શખ્સે પોતાની પાસેથી કપાત લેતા શખ્સનું નામ આપ્યું છે. પોલીસે રોકડ તથા મોબાઈલ કબજે કર્યા છે.
જામનગરના વાઘેરવાડા વિસ્તારમાં આવેલા જૂના કુંભારવાડા પાસે ગઈકાલે સાંજે એક શખ્સ પોતાના મોબાઈલમાં ક્રિકેટનો સ્કોર નીહાળી તેના પર જુગાર રમતો હોવાની બાતમી મળતા સિટી એ ડિવિઝનના સ્ટાફે પીઆઈ એન.એ. ચાવડાની સૂચનાથી ત્યાં આવેલી પાનની એક દુકાન પાસે દરોડો પાડ્યો હતો.
આ સ્થળેથી આંબલી વાળી દરગાહ પાસે રહેતો અસલમ નુરમામદ કુરેશી નામનો શખ્સ મળી આવ્યો હતો. આ શખ્સ ક્રિકબઝ નામની એપ્લિકેશન પર ગઈકાલની વડોદરામાં રમાયેલી ભારત તથા ન્યુઝીલેન્ડની ક્રિકેટ ટીમ વચ્ચેના મેચનો સ્કોર નીહાળી વોટ્સએપ પર રનફેરના સોદા કરતો મળી આવ્યો હતો.
પોલીસે આ શખ્સની અટકાયત કરી તેનો મોબાઈલ તથા રોકડ મળી કુલ રૂ।.૫૧૧૦નો મુદ્દામાલ કબજે કર્યાે છે. આ શખ્સે પોતાની પાસેથી કપાત લેતા કુંભારવાડામાં રહેતા છોટીયા દરજીનું નામ આપ્યું છે. બંને સામે જુગારધારાની કલમ ૧ર હેઠળ ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
