Author: નોબત સમાચાર
મીરા ગાર્ડનનું બાલ ક્રિડાંગણ ધ્વસ્તઃ દિવા તળે અંધારૂ !
દ્વારકામાં કરોડોના વિકાસ કામો શું કામના ?
દ્વારકા તા. ૯: દેવભૂમિ દ્વારકાના મુખ્ય આકર્ષણ સમા મીરા ગાર્ડનમાં બાલ ક્રિડાંગણના સંશોધનો જીર્ણ હાલતમાં છે. કરોડોની ગ્રાન્ટ મેળવતી દ્વારકા નગરપાલિકાના વિકાસ કાર્યોમાં દિવા તળે અંધારૃં હોય તેવો ઘાટ સર્જાયો છે.
દ્વારકા નગરપાલીકાની પાસે જ આવેલ શહેરના બાળકો માટે એકમાત્ર બાલ ક્રિડાંગણ એવા મીરા ગાર્ડનને કરોડો રૂપિયાના ખર્ચે બનાવ્યા બાદ ગાર્ડનમાં આવેલ બાળોકોને રમવા માટેના સંશાધનો જાળવણીના અભાવે જીર્ણ હાલતમાં છે. કેન્દ્ર અને રાજય સરકાર દ્વારા વર્ષે કરોડો રૂપિયાની ગ્રાન્ટ મેળવતી અને વર્ષોથી સરપ્લસમાં બજેટ ધરાવતી દ્વારકા નગરપાલિકાને વિકાસ માટે કરોડો રૂપિયાની ફાળવણી થતી હોવા છતાં બાળકોમાં દ્વારકાના પ્રમુખ આકર્ષણ સમા મીરા ગાર્ડનમાં હાલ બાળકોને રમવા લાયક સંશાધનો યોગ્ય જાળવણીના અભાવે તૂટેલી અને જીર્ણ હાલતમાં જોવા મળી રહયા છે. જેના કારણે નગરપાલિકાની બાજુમાં જ આવેલ એકમાત્ર માણવાલાયક સ્થળમાં સંશાધનોની જીર્ણ હાલતને લીધે બાળકો મીરા ગાર્ડનની મુલકાતે આવ્યા પછી નિરાશા સાથે પાછા ફરે છે. વિકાસકાર્યોમાં લખલૂંટ ખર્ચ કરતી દ્વારકા નગરપાલિકા કચેરી પાસે જ આવેલ મીરા ગાર્ડનમાં યોગ્ય મેનેજમેન્ટ અને મેઈન્ટેનન્સ જાળવવામાં ઉણી ઉતરી હોય તેમ દિવા તળે અંધારા જેવો ઘાટ ઉપસ્થિત થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
