Author: નોબત સમાચાર
પૈસા પાણીમાં... વાહનો ખાડામાં... તંત્ર સૂસ્ત !
જામ્યુકોની પ્રિ-મોન્સુન કામગીરી પોકળ
જામનગર તા. ૧: જામનગરમાં પ્રિ-મોન્સુન કામગીરીના દાવા પોકળ સાબિત થઈ રહ્યા છે. હિરજી મીસ્ત્રી માર્ગે ખરાબ રોડનાં કારણે અનેક વાહનો ગારા-કાદવમાં ખૂંચી જવાના બનાવો બની રહ્યા છે. હિરજી મીસ્ત્રી માર્ગ છેલ્લા બે માસથી સીસીરોડ માટે રસ્તો ખોદી નાંખવામાં આવ્યો હતો. આ પછી અધકચરૂ બુરાણ કરવામાં આવ્યું હતું. આથી ત્યાંથી પસાર થતા વાહન ચાલકો ત્યારે પરેશાની ભોગવી રહ્યા છે. છેલ્લા બે દિવસમાં અહિં ચાર-પાંચ ગાડી ફસાઈ હતી.
ઓશવાળકોલોની-૨માં સીસીરોડ માટે રોડમાં ખોદાણ કરવામાં આવ્યા પછી કાચુ-બુરાણ કર્યુ હતું. આથી એક ગાડી ત્યાં ખાડામાં ફસાઈ ગઈ હતી. જેને માંડ માંડ બહાર કાઢવામાં આવી હતી. આ અંગે સ્થાનિક રહીશો દ્વારા સ્થાનિક કોર્પોરેટરો સમક્ષ અનેક વખત રજૂઆતો કરવા છતાં કોઈએ દાદ આપી ન હતી. આમ મહાનગર પાલિકા તંત્રની બેદરકારીનો ભોગ વાહન ચાલકો બની રહ્યા છે. સત્વરે અહિં મરામત કામગીરી કરવા લોક માંગણી ઉઠવા પામી છે. અહીં મેયર, કમિશનર કે કલેકટરની ગાડી ચલાવીને પ્રયોગ કરવા જેવો ખરો !?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
