Author: નોબત સમાચાર
યુવાનને તેની પત્ની તથા અન્ય શખ્સે ગાળો ભાંડી પતાવી દેવાની ધમકી આપી
કાલાવડમાંથી તડીપાર યુવાને નોંધાવી ફરિયાદઃ
જામનગર તા. ૧: જામનગરના બેઠક રોડ પર રહેતા એક યુવાનને ગઈરાત્રે કાલાવડથી ધસી આવેલા એક શખ્સ તથા આ યુવાનના પત્નીએ ગાળો ભાંડી મારી નાખવાની ધમકી આપ્યાની પોલીસમાં ફરિયાદ કરાઈ છે. આ યુવાન કાલાવડમાંથી તડીપાર હોવાથી જામનગર રહે છે.
જામનગરના કાલાવડ નાકા બહારના વિસ્તારમાં બેઠક રોડ પર વસવાટ કરતા મૂળ કાલાવડના કુંભનાથ પરામાં રહેતા ઈરફાન હસનભાઈ પટ્ટણી નામના યુવાનને ગઈરાત્રે તેના પત્ની ખતીજાબેન તથા કાલાવડના ચિરાગ તરૂણભાઈ ઠક્કરે ગાળો ભાંડી જાનથી મારી નાખવાની ધમકી આપ્યાની સિટી એ ડિવિઝનમાં ફરિયાદ નોંધાવી છે.
ફરિયાદમાં જણાવાયા મુજબ ઈરફાન હસનને હાલમાં કાલાવડમાંથી તડીપાર કરવામાં આવ્યો છે. તેથી પરિવારથી અલગ થઈ ઈરફાન જામનગરમાં બેઠક રોડ પર રહેવા આવ્યો છે. અગાઉ તેના પરિવારની એક સગીરાએ ચિરાગ ઠક્કર સામે પોલીસમાં પોક્સો એક્ટ હેઠળ ફરિયાદ નોંધાવી હતી. તે બાબતનો ખાર રાખી ગઈકાલે ચિરાગ તથા ઈરફાનના પત્ની જામનગર આવ્યા હતા.
આ બંને વ્યક્તિએ ગાળો ભાંડી જાનથી મારી નાખવાની ધમકી પણ આપી હતી. ઈરફાને સિટી એ ડિવિઝનમાં ચિરાગ તરૂણભાઈ ઠક્કર તથા તેની તરફેણ કરી પતિને ગાળો ભાંડી ધમકી આપનાર પત્ની સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
