Author: નોબત સમાચાર
વેપારીને બ્લેકમેઈલ કરનાર બે શખ્સને દબોચી લેવાયાઃ પોલીસ દ્વારા પૂછપરછ
સીસીટીવીનું રેકોર્ડિંગ બતાવી ધમકાવાયા હતાઃ
જામનગર તા. ૧: જામનગરના એક વેપારીને દુકાનનું સીસીટીવી રેકોર્ડિંગ બતાવી બે શખ્સે રૂા.અડધો લાખ પડાવી લીધા પછી વધુ રૂા.૧ લાખની માગણી કર્યાની પોલીસમાં ફરિયાદ કરાયા પછી પોલીસે બંને બ્લેકમેઈલરને દબોચી લીધા છે.
જામનગરના મેમણ સમાજના અગ્રણી ફારૂકભાઈ કાદરભાઈ મેમણ (ઉ.વ.૫૯) નામના વેપારી થોડા દિવસ પહેલા પોતાના સ્ત્રી મિત્ર સાથે અબ્દુલસતાર લાખાણીની દુકાનમાં ડ્રાયફ્રૂટ તથા ચોકલેટ લેવા ગયા હતા જ્યાં ફારૂકભાઈએ પોતાના સ્ત્રી મિત્રને ચોકલેટ ખવડાવી હતી.
આ બાબતનું રેકોર્ડિંગ દુકાનના સીસીટીવીમાં થઈ ગયા પછી તે રેકોર્ડિંગના આધારે ડરાવી ધમરાવી વેપારી અબ્દુલસતાર તથા સમીર રાવકરડા નામના બે શખ્સે રૂા.૫૦ હજાર પડાવી લીધા હતા. તે પછી બીજો વીડિયો બતાવી રૂા.૧ લાખની આ શખ્સોએ શાક માર્કેટ પાસે આવેલી ફારૂકભાઈની દુકાને જઈ માગણી કરતા પોલીસમાં ફરિયાદ કરાઈ હતી. પોલીસે બ્લેકમેઈલ કરનાર આ બંને શખ્સને પકડી પાડ્યા પછી તેની વિગતો અને ફોટા સહિતની જાણકારી પત્રકારો સમક્ષ રજૂ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
