બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

વાંચન વિશેસ ન્યૂ

"કેમ છો તબિયત સારી ને?" એવી મીઠી પૃચ્છા સાથે હોમ કવોરન્ટાઇન કરાયેલ અનેક લોકોના સ્વાસ્થ્યની જામનગરના કંટ્રોલરૃમ દ્વારા આશરે બે મહિનાથી વધુ સમયથી સતત દરકાર લેવાઈ  છે. જામનગર જિલ્લામાં કોવિડ-૧૯ના પ્રારંભના સમયમાં જ કલેકટર રવિશંકરના માર્ગદર્શન હેઠળ જિલ્લા ગ્રામ વિકાસ એજન્સી હેઠળ  જિલ્લાનો કંટ્રોલરૃમ ચાલુ કરવામાં આવેલ હતો. આ કંટ્રોલરૃમના માધ્યમથી હોમ કવોરેંટાઇન થયેલ લોકોને તેમના મનમાં રહેલા કોવિડ વિશેના પ્રશ્નોના સમાધાન, તેઓ ઘરમાં જ છે અને ક્વોરેંટાઇનનું સંપૂર્ણ પાલન કરેછે કે નહીં? તેના વિશેનું ધ્યાન અને મનમાં છુપા ડરને દૂર કરવા માટે કંટ્રોલરૃમના કાર્યરત સભ્યો દ્વારા સતત બે મહિનાથી આ કામગીરી  કરી કોરોના વોરિયર્સ તરીકેની લડત લડાઇ રહી છે. જામનગરમાં પ્રારંભના સમયમાં એક પણ સંક્રમણનો કેસ ન આવે તે માટે વિદેશથી આવેલા લોકો કે જેઓને હોમક્વોરેંટાઇન કરવામાં આવેલ હતા તેના પર સતત નિરીક્ષણ કરી તેમની તબિયતનું ધ્યાન રાખી અને જો કોઈપણ વ્યક્તિને કોરોનાના કોઈપણ લક્ષણો દેખાય તો તેમને પૂરતા માર્ગદર્શન સાથે તેમના પ્રશ્નોના સમાધાન માટે જિલ્લા ગ્રામ વિકાસ એજન્સીના સેવાકર્મીઓ દ્વારા લોકોની અનોખી સેવા કરવામાં આવી છે.

અહીં દિવસ-રાત લોકોના આરોગ્યની ચિંતા કરતા સેવાકર્મી કેનેડી ગેબ્રિયલ કહે છે કે, પ્રારંભના સમયમાં વિદેશથી આવેલા લોકો કે અહીંના સ્થાનિક લોકોમાં પણ કોરોના વિશેની જાણકારીના અભાવથી એક અત્યંત ભયનો માહોલ હતો એવા સમયે હોમક્વોરેન્ટાઇન થયેલ વ્યક્તિની તબિયતની કાળજી અમારા દ્વારા લેવાઈ રહી હતી પરંતુ સાથે જ અમારો પ્રયાસ હતો કે, સમાજથી એકલા રહેલા આ લોકોના મનમાં જે કોવિડનો છૂપો ડર છે એ કાઢી તેમને મુંઝવતા અનેક પ્રશ્નોના અમે સમાધાન આપી શકીએ અને તેમની પાસે ક્વોરેન્ટાઇનનું સંપૂર્ણ પાલન કરાવી તેમના સ્વાસ્થ્યની કાળજી અને સમાજના સ્વાસ્થ્યની કાળજી લઈ શકીએ. તો અહીં કાર્યરત દુષ્યંતભાઇ જાડેજા કહે છે કે, આશરે બે મહિનામાં ૮૦૦૦થી વધુ કોલ ઉપર વાત કરી, લોકોને આ બીમારી વિષે અવગત કર્યા છે અને જામનગરને સંક્રમણથી બચાવવા માટેના પ્રયાસો કર્યા છે. આ પ્રયાસોની ફલશ્રુતિરૃપે જ જામનગરમાં આવેલ હાલના ઘણા કેસો આરોગ્ય, પોલીસ, વહીવટીતંત્રના સંયુક્ત પ્રયાસથી સમરસ હોસ્ટેલમાં અથવા તો કોઈ એક જ વિસ્તારમાં એક જ ઘર પૂરતા જ મર્યાદિત રાખી અને લોકલ ટ્રાંસમિશનથી જામનગરને બચાવી શકાયું છે. જામનગરમાં આવી જ રીતે લોકોને મુંઝવતા પ્રશ્નોના નિવારણ માટે ૧૦૭૭ હેઠળનો કંટ્રોલરૃમ કાર્યરત છે. કોરોનાવાયરસ બીમારીના કારણે લોકડાઉનનિર્મિત થયું ત્યારથી જ લોકોને કોઈપણ આવશ્યક વસ્તુઓ માટે માર્ગદર્શન મેળવવા, પૂછપરછ કરવા રાજ્ય સરકાર દ્વારા ૧૦૭૭ હેલ્પલાઇન નંબર હેઠળ સ્ટેટ કંટ્રોલરૃમ નિર્માણ કરવામાં આવ્યું છે. જેમાં દરેક જિલ્લામાં આ હેલ્પલાઇન અંતર્ગતના કંટ્રોલરૃમ કાર્યરત કરાયા. જામનગર જિલ્લામાં ડિઝાસ્ટર ઓફિસ અંતર્ગત અધિક નિવાસી કલેકટર રાજેન્દ્ર સરવૈયાના નેજા હેઠળ કોરોના, ફુડ પેકેટ, પરપ્રાંતિઓ અને ક્યુઆરટી ટીમ વિશેના  ૪૫૦૦ સૌથી વધુ કોલમાં  લોકોની પૂછપરછના જવાબ, તેમના ફરિયાદના નિવારણ કરવામાં આવ્યા છે.  ૧૦૭૭ના કંટ્રોલરૃમ દ્વારા લોકોના કોઈપણ પ્રશ્નોના નિવારણ માટે તેમને જરૃરી માર્ગદર્શન મળી રહે તે માટે વહીવટીતંત્ર ખંતથી સતત બે મહિનાથી કામ કરી રહ્યું છે તેમ જણાવતા અધિક નિવાસી કલેકટર કહ્યું હતું કે, આ કંટ્રોલરૃમ દ્વારા ૨૯૯૦ઓનલાઇન ફરિયાદનું નિવારણ કરાયું, જ્યારે ૨૬૭ જેટલી  ક્યુઆરટી ટીમ મારફત મળેલી ફરિયાદોનું નિવારણ થયું છે અને ૧૮૩૮૧જેટલી જુદી-જુદી ફરિયાદોનું નિવારણ સ્ટેટ કંટ્રોલરૃમ  દ્વારા કરાયું છે.

તદ્ઉપરાંત આ હેલ્પલાઇન દ્વારા ૪૯૪૫ જેટલાં શ્રમિકોના પૂછપરછ અંગેના કોલ પર શ્રમિકોને માર્ગદર્શન આપવામાં આવ્યું છે. કંટ્રોલરૃમ દ્વારા ૧૧૦૦ જેટલા પાસનું વિતરણ પણ કરાયું છે. કોરોનાની મહામારીએ લોકોના મન માં અનેક પ્રશ્નો ઉત્પન્ન કર્યા છે અનેક  પ્રતિકૂળ પરિસ્થિતિઓ નિર્મિત થઈ છે, ત્યારે પ્રારંભથી લઇને હાલ સુધી અને હજુ પણ આગળ જામનગર જિલ્લાના લોકોને આ મહામારીમાં પણ લોકલ ટ્રાંસમિશનથી બચાવવા સતત પ્રયાસો કરવામાં આવી રહ્યા છે. ૨૪ કલાક કાર્યરત આ કંટ્રોલરૃમો દ્વારા લોકોને માર્ગદર્શન આપીને લોકોના અમૂલ્ય જીવનને બચાવવા અનોખી સેવા થઈ રહી છે, તે અથાગ પ્રયત્નો અત્યંત સરાહનીય છે.?

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

નક્કર વાસ્તવિકતાનો વિચાર કરી તક ઝડપી લેશો તો લાભ થશે. ગૃહવિવાદ ટાળજો. નાણાભીડ અનુભવાય. શુભ રંગઃ પિસ્તા - શુભ અંકઃ ૨-૫

Capricorn (મકર: ખ-જ)

તમે ઉતાવળા નિર્ણયો લેશો તો ગુુંચવણ વધે. માનસિક સંયમજરૃરી બને. આવકનો માર્ગ મળી રહે. શુભ રંગઃ લવંડર - શુભ અંકઃ ૬-૮

Aquarius (કુંભ: ગ-શ-સ)

અંતઃકરણમાં ઉચાટનો અનુભવ થતો લાગે. હકારાત્મક વલણ છોડજો. સ્વજનનો સહકાર મળે. શુભ રંગઃ બ્લુ - શુભ અંકઃ ૩-૧

Pisces (મીન: દ-ચ-ઝ-થ)

કેટલાક અગત્યનાં કામકાજમાં વિલંબ કે વિધ્નનો અનુભવ થાય. પ્રયત્નો ચાલુ રાખશો તો સફળતા મળી રહે. શુભ રંગઃ પીળો - શુભ અંકઃ ૨-૭

Aries (મેષ: અ-લ-ઈ)

મુંઝવણોમાંથી માર્ગ મળશે. આર્થિક આયોજન પર ધ્યાન આપજો. ખોટા ખર્ચા અટકાવજો. શુભ રંગઃ લીલો - શુભ અંકઃ ૩-૧

Taurus (વૃષભ: બ-વ-ઉ)

આપના પ્રયત્નો વ્યર્થ ન બને તે જો જો. ગૃહજીવનના કાર્ય પાર પડે. તબિયત નરમ-ગરમબની રહે. શુભ રંગઃ લાલ - શુભ અંકઃ ૫-૯

Gemini (મિથુન: ક-છ-ધ)

આપના ધાર્યા કામમાં રૃકાવટ જણાશે. નાણાકીય બાબતો અંગે ગુંચવણ સર્જાતી લાગે. શુભ રંગઃ ગુલાબી - શુભ અંકઃ ૨-૭

Cancer (કર્ક: ડ-હ)

ધીરજની કસોટી થતી લાગે. કાર્ય સફળતા મેળવવા માટે ટેન્શનમાંથી મુક્તિ મળશે. યાત્રા-પ્રવાસ થવા પામે. શુભ રંગઃ દુધિયા - શુભ અંકઃ ૧-૬

Leo (સિંહ: મ-ટ)

તમારા મનની મુરાદ મનમાં ન રહી જાય તે માટે હાર્ડવર્ક જરૃરી છે. આર્થિક સમસ્યા જણાય. શુભ રંગઃ ગ્રે - શુભ અંકઃ ૯-૨

Virgo (કન્યા: પ-ઠ-ણ)

તમારા પ્રયત્નોનું મીઠું ફળ ચાખી શકશો. વાદ-વિવાદ દૂર કરજો. સંયમજરૃરી તબિયત સુધરતી લાગે. શુભ રંગઃ સફેદ - શુભ અંકઃ ૪-૮

Libra (તુલા: ર-ત)

સંતાન અંગે મુંઝવણ અને વિલંબનો પ્રસંગ બનતો જણાય. આખરે સફળતાની મજા માણી શકશો. શુભ રંગઃ કેસરી - શુભ અંકઃ ૬-૫

Scorpio (વૃશ્ચિક: ન-ય)

આપના પ્રયત્નોનું શુભ ફળ ચાખી શકશો. ધીરજની કસોટી થશે ખરી. વ્યવસાયીક ક્ષેત્રે સાનુકૂળતા રહે. શુભ રંગઃ મેેંદી - શુભ અંકઃ ૩-૯

Sagittarius (ધન: ભ-ધ-ફ-ઢ)

તમારા માટે કાર્યબોજ વધારતું સપ્તાહ શરૃ થવા જાય છે. આ સપ્તાહના સમયગાળા દરમિયાન એક કરતા વધારે જવાબદારીઓ આપના શિરે આવી શકે છે. વ્યાપાર-ધંધા-વ્યવસાયના કાર્યો ઉપરાંત કૌટુંબિક પડતર પ્રશ્નો પૂરા કરવા માટે દબાણ સહન કરવું પડી શકે છે, જેથી માનસિક તાણ તથા બોજનો અનુભવ થાય. નાણાકીય વૃદ્ધિનો માર્ગ મોકળો થાય. આકસ્મિક ધનલાભની શક્યતા પણ નકારી ન શકાય. આરોગ્ય નરમ-ગરમ રહેવા પામે. જીવનસાથી સાથે મતભેદ દૂર કરી શકશો. શત્રુ વિરોધીઓને પરાસ્ત કરી શકશો. તા. રપ થી ર૮ કાર્યબોજ રહે. તા. ર૯ થી ૩૧ સારી.

Capricorn (મકર: ખ-જ)

તમારા માટે મિલન-મુલાકાત કરાવનારો સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન કોઈ મહત્ત્વની કે વગદાર વ્યક્તિ સાથેની આપની મુલાકાત આપના ભવિષ્યના નિર્માણ માટે મહત્ત્વની સાબિત થાય. નોકરી-ધંધા-વ્યવસાય બાબતે આપ આપની બુદ્ધિ અને કૌશલ્યથી ધારી સફળતા પ્રાપ્ત કરી શકશો. કૌટુંબિક સંબંધોમાં આપની લાગણીઓ ઉપર કાબૂ રાખવો. દિલની જગ્યાએ દિમાગથી કામ લેશો તો સફળતા મેળવી શકશો. મિત્રો-સ્વજનોનો સાથ-સહકાર મેળવી શકશો. તા. રપ થી ર૮ સારી. તા. ર૯ થી ૩૧ મિલન-મુલાકાત.

Aquarius (કુંભ: ગ-શ-સ)

આપના માટે આર્થિક આયોજનની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન આવકની સામે જાવકનું પ્રમાણ સવિશેષ રહેવાના કારણે આપની નાણાકીય સ્થિતિ તંગ રહેવા પામે. નિશ્ચિત આયોજન સાથે આગળ વધશો તો લાભદાયી રહેશે. સામાજિક-જાહેરજીવન ક્ષેત્રે યશ-કીર્તિ પ્રાપ્ત થાય. આપના કાર્યોને વખાણવામાં આવે. આરોગ્ય સુખાકારી ઉત્તમ રહેવા પામે. શારીરિક તથા માનસિક સ્વસ્થતાનો અનુભવ થાય. કૌટુંબિક ક્ષેત્રે માંગલિક પ્રસંગનું આયોજન થઈ શકે તેમ જણાય છે. તા. રપ થી ર૮ સારી. તા. ર૯ થી ૩૧ નાણાભીડ.

Pisces (મીન: દ-ચ-ઝ-થ)

તમારા માટે આત્મવિશ્વાસ સભર સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપની મહેનત તથા કુનેહથી સફળતા પ્રાપ્ત કરી શકશો. વ્યાપાર-વ્યવસાય ક્ષેત્રે ધીમી ગતિએ પણ મક્કમ પ્રગતિ સાધી શકશો. જમીન-મકાન-મિલકતને લગતી બાબતોમાં સમાધાનકારી વલણ અપનાવવાથી લાભ થાય. સ્વાસ્થ્યમાં સુધારો આવતો જોવા મળે. દાંપત્યજીવનમાં સુમેરભર્યું વાતાવરણ જોવા મળે. વાણી અને વર્તનને કાબૂમાં રાખશો તો ફાયદામાં રહેશો તથા આવનારી સમસ્યાને ટાળી શકશો. તા. રપ થી ર૮ લાભદાયી. તા. ર૯ થી ૩૧ મિશ્ર.

Aries (મેષ: અ-લ-ઈ)

આપના માટે વ્યાવસાયિક દૃષ્ટિએ મહત્ત્વનો સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને આપના વ્યાપાર-ધંધા-વ્યવસાય ક્ષેત્રે પ્રગતિકારક મહત્ત્વની તકો પ્રાપ્ત થતી જણાય. નાણાકીય સ્થિતિ સદ્ધર બનતા રાહત અનુભવી શકશો. સામાજિક ક્ષેત્રે મહત્ત્વની વ્યક્તિ સાથેની મિલન-મુલાકાત લાભદાયી સાબિત થાય. મહત્ત્વના સંબંધો ઉપયોગી સાબિત થાય. ઘર-પરિવાર ક્ષેત્રે સમય થોડો નબળો પૂરવાર થાય. ભાઈ-ભાંડુ સાથે બોલાચાલી કે વાદ-વિવાદ થઈ શકે છે. સંયમ તથા શાંતિથી વ્યવહાર કરવો સલાહભર્યો રહેશે. તા. રપ થી ર૮ લાભદાયી. તા. ર૯ થી ૩૧ મિશ્ર.

Taurus (વૃષભ: બ-વ-ઉ)

તમારા માટે તડકા-છાંયા જેવી મિશ્ર પરિસ્થિતિનો અનુભવ કરાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપને થોડી હાનિકારક ઘટનાઓનો સામનો કરવો પડી શકે છે. પડવા-વાગવાથી સંભાળવું. કૌટુંબિક ક્ષેત્રે નાના-મોટા વિખવાદ રહ્યા કરે. સ્થિતિમાં મંદગતિએ સુધાર જોવા મળે. માનસિક સ્વસ્થતા પરત મેળવી શકશો. નોકરી-ધંધા-વ્યવસાયમાં મન પરોવીને મહેનત કરશો. આર્થિક-આધ્યાત્મિક બાબતો પ્રત્યે રૃચિમાં વધારો થતો જણાય. વ્યાપાર-ધંધામાં નોંધપાત્ર લાભ મળે. નાણાકીય સ્થિતિમાં સ્થિરતા જોવા મળે. તા. રપ થી ર૮ મિશ્ર. તા. ર૯ થી ૩૧ સામાન્ય.

Gemini (મિથુન: ક-છ-ધ)

આપના માટે નવી રાહ, નવી દિશા સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને નવી તકો મળે અને નવિન વિચાર, યોજના, કાર્યો અમલમાં મૂકી શકશો. રાજકીય ક્ષેત્રે સંકળાયેલ જાતકોએ સંભાળવું. વિદ્યાર્થીઓને મહેનતનું ફળ આશા મુજબનું મળે. સંતાન બાબતેના પ્રશ્નોનું સમાધાન મળી રહે. વ્યાપાર-ધંધા-વ્યવસાયમાં અણધારી મુસિબત જણાય. નાણાકીય ભીડ રહે. શત્રુ વિરોધીઓ પ્રબળ જણાય. સ્વાસ્થ્ય બાબતે સાચવવું. વાણી ઉપર સંયમ રાખવો. કૌટુંબિક પ્રશ્નો ચિંતા રખાવે. સરકારી કાર્યોમાં રૃકાવટ જણાય. તા. રપ થી ર૮ નવિન કાર્ય થાય. તા. ર૯ થી ૩૧ સાચવવું.

Cancer (કર્ક: ડ-હ)

તમારા માટે ભાગ્યબળ વધારતું સપ્તાહ શરૃ થવા જાય છે. આ સપ્તાહના દિવસો દરમિયાન આપને ઓછી મહેનતે વધુ ફળ પ્રાપ્ત થતો જણાય. મહેનતનું મીઠું ફળ ચાખવા મળી શકે છે. ધંધા-વેપાર ક્ષેત્રે અણધારી તેજી જોવા મળે. નાણાના સ્ત્રોતો ખૂલતા જણાય. તબિયત અંગે ઋતુગત રોગોથી સાવધાની રાખવી. જાહેરજીવન-સામાજિક ક્ષેત્રે વ્યસ્તતાનો અનુભવ થાય. કોર્ટ-કચેરીની બાબતોમાં સમય સાનુકૂળ બની રહે. જીવનસાથી સાથે નાની-મોટી બાબતમાં તકરાર થઈ શકે છે. ક્ષમા કરવાની ભાવના કેળવશો તો ફાયદામાં રહેશો. તા. રપ થી ર૮ શુભ. તા. ર૯ થી ૩૧ વાદ-વિવાદ ટાળવા.

Leo (સિંહ: મ-ટ)

આપના માટે સ્વાસ્થ્યની સંભાળ રાખવાની સલાહ આપતું સપ્તાહ શરૃ થવા જાય છે. આ સપ્તાહના સમયગાળા દરમિયાન સ્વાસ્થ્ય સાથેની બેદરકારી આપના માટે નુક્સાનકારક સાબિત થઈ શકે છે. બહારના ખાન-પાન તથા આહાર-વિહારમાં તકેદારી રાખવી સલાહભરી રહેશે. વ્યાપાર-વ્યવસાય ક્ષેત્રે સમય મધ્યમ બની રહે. વ્યાપારી વર્ગ માટે નવી ખરીદી માટે સમય શ્રેષ્ઠ બની રહે. સામાજિક-જાહેરજીવન ક્ષેત્રે સંકળાયેલ જાતકોને શત્રુ વિરોધીઓ પર વિજય મેળવી શકશો. સમય પ્રગતિકારક બની રહે. દાંપત્યજીવનમાં પરસ્પર સહકારની ભાવના રહે. તા. રપ થી ર૮ શુભ. તા. ર૯ થી ૩૧ આરોગ્ય સાચવવું.

Virgo (કન્યા: પ-ઠ-ણ)

તમારા માટે આત્મચિંતન કરાવવાવાળો સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના ભૂતકાળના અનુભવોને વાગોળતા જણાવ, જેના થકી આપ આપના ઉજ્જવળ ભવિષ્યનું સપનું સાકાર કરી શકશો. આપને આપના કાર્યક્ષેત્રે પ્રગતિકારક તકો પ્રાપ્ત થતી જણાય. સામાજિક ક્ષેત્રે હોદ્દા, માન, મોભામાં વૃદ્ધિ થતી જણાય. ઘર-પરિવારના વ્યક્તિઓ સાથે સમય સુખરૃપ પસાર થાય. દાંપત્યજીવનમાં વસંત ખીલતી જણાય. આકસ્મિક ધનલાભ થવાની શક્યતા નકારી ન શકાય. તા. રપ થી ર૮ સુખદ. તા. ર૯ થી ૩૧ સાનુકૂળ.

Libra (તુલા: ર-ત)

તમારા માટે ક્રોધ-આવેશ ઉપર નિયંત્રણ રાખવાની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન વ્યર્થ લડાઈ-ઝઘડાથી દૂર રહેવા અંગત સલાહ છે. ગૃહસ્થજીવનનું વાતાવરણ અજંપાભર્યું રહે. અકારણ આયોજનો સાથે મનભેદ-મતભેદ થતો જણાય. નાણાકીય સ્થિતિ સમતોલ રહેવા પામે. વ્યાપાર-ધંધા-વ્યવસાય ક્ષેત્રે લાભની તક સાંપડે. વિદ્યાર્થી વર્ગને અભ્યાસ અંગે નવી દિશા મળે. નોકરિયાત વર્ગને વધારાની જવાબદારી પોતાના શિરે લેવી પડી શકે છે. સ્વાસ્થ્ય સુધરતું જણાય, જુના રોગોમાંથી મુક્તિ મળતા રાહતનો અનુભવ થાય. તા. રપ થી ર૮ લાભદાયી. તા. ર૯ થી ૩૧ વિવાદ ટાળવા.

Scorpio (વૃશ્ચિક: ન-ય)

આપના માટે પરિશ્રમ કરાવતું સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન સફળતાના શિખરો સર કરવા માટે આપે તનતોડ મહેનત અને પરિશ્રમ કરવા પડે. આપ જેટલો પરિશ્રમ કરશો તેટલું પરિણામ આપ મેળવી શકશો. દાંપત્યજીવનમાં એકરસતા અને મધૂરતા જળવાઈ રહે, જો કે સંતાન બાબતે ચિંતા રહ્યા કરે. તેના સ્વાસ્થ્ય બાબતે દોડધામ કરવી પડે. નાણાકીય સ્થિતિ એકંદરે સારી રહે. આવકના સ્ત્રોત અવિરત ચાલું રહે. નોકરિયાત વર્ગને ઉપરી અધિકારી સાથે મતભેદ થઈ શકે છે. તા. રપ થી ર૮ આનંદદાયી. તા. ર૯ થી ૩૧ કાર્યશીલ.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી