પરિણીતાની આત્મહત્યાના કેસમાં સાસરિયાનો છૂટકારો

જામનગર તા. ૧૯ઃ ધ્રોળ તાલુકાના ખેંગારકા ગામના વિજય નરેશભાઈ વરણા સાથે ગીર સોમનાથ જિલ્લાના ઈણાજ ગામના લીલાબેન સોમાભાઈના લગ્ન વર્ષ ર૦૧પ માં થયા પછી માત્ર અઢી મહિના વિત્યે આ પરિણીતાએ ગળાફાંસો ખાઈ આત્મહત્યા કરી હતી. આ બનાવ અંગે મૃતકના ભાઈ હરસુખભાઈ વાળાએ પોલીસમાં ફરિયાદ નોંધાવી હતી. આ ગુન્હો પોલીસે આઈ.સી.પી. કલમ ૩૦૬, ૪પ૮, પ૦૬, ૧૧૪ હેઠળ નોંધી આરોપી પતિ વિજય, સસરા નરેશભાઈ જીવાભાઈ, સાસુ સવિતાબેનની ધરપકડ કરી હતી. આ કેસ ચાલી જતાં અદાલતે આરોપીઓના વકીલની દલીલોને માન્ય રાખી આરોપીઓનો છૂટકારો ફરમાવ્યો છે. આરોપી તરફથી વકીલ પરબત મકવાણા, એન.જે. પરમાર, ભરત એમ. ચૌહાણ, પી.ડી. પાલા રોકાયા હતાં.

close
Nobat Varsik Lavajam Yojna 2020-21
close
PPE Kit