રર માર્ચઃ વિશ્વ જલ દિવસઃ વર્ષ ર૦રપ નું થીમઃ ગ્લેશિયર સંરક્ષણ

Author: નોબત સમાચાર

રર માર્ચઃ વિશ્વ જલ દિવસઃ વર્ષ ર૦રપ નું થીમઃ ગ્લેશિયર સંરક્ષણ

દર વર્ષે રર માર્ચે વિશ્વ જલ દિવસ મનાવાય છે. યુનેસ્કો દ્વારા થતી આ ઉજવણીમાં દર વર્ષે જુદી જુદી થીમ હોય છે. આ વર્ષે ગ્લેશિયર સંરક્ષણની થીમ છે.

ક્લાઈમેટ ચેઈન્જ, ગ્લોબલ વોર્મીંગ અને બદલતા રહેતા વૈશ્વિક પ્રવાહોના કારણે ગ્લેશિયરો પીગળી રહ્યા છે. ગ્લેશિયરોને પીગળતા અટકાવવા યુનો દ્વારા વિશ્વ પ્લેટફોર્મ પરથી કાર્યક્રમો યોજીને જનજાગૃતિના પ્રયાસો થાય છે. પેરિસ સમજુતિમાંથી અમેરિકા હટી ગયા પછીની પરિસ્થિતિમાં વિશ્વ પાસે ગ્લોશિયર સંરક્ષણના ક્ષેત્રે વધુ મોટા પડકારો ઊભા થયા છે, જેની ચર્ચા પણ વિશ્વમાં થઈ રહી છે, જો કે વિવિધ દેશોના જુથો વચ્ચે તથા કેટલાક દેશો વચ્ચે દ્વિપક્ષીય સમજુતિઓ પણ થઈ રહી છે.

વિશ્વમાં વર્ષ ૧૯૯ર-૯૩ થી વિશ્વ જલ દિવસ ઉજવાઈ રહ્યો છે. ગુજરાતના મુખ્યમંત્રી હતાં, ત્યારે હાલના વડાપ્રધાન નરેન્દ્ર મોદીએ પણ પંચશક્તિ પૈકીની એક શક્તિ તરીકે જલશક્તિને મહત્ત્વ આપ્યું હતું. અત્યારે કેન્દ્ર કક્ષાએ નલ સે જલ અને જલસંચય, સંરક્ષણ અને શુદ્ધિકરણના ક્ષેત્રે ઘણી યોજનાઓ ચાલી રહી છે, પરંતુ તેને વ્યાપક સમર્થન સાથે જનજાગૃતિની પણ જરૂર છે.

યુનેસ્કો દ્વારા દુનિયાના મોટાભાગના દેશોમાં વિવિધ પ્રવૃત્તિઓ ચાલી રહી છે, જેમાં ગ્લેશિયર પીગળતા અટકાવવા માટે વૈશ્વિક જાગૃતિ અભિયાનનો પણ સમાવેશ થાય છે. સમગ્ર વિશ્વમાં ઘેર-ઘેર શુદ્ધ જલ પહોંચાડવાના લક્ષ્ય સાથે આજના વિશ્વ જલ દિવસે પાણીના કરકસરપૂર્વકનો ઉપયોગ, ભૂગર્ભ વોટર રિચાર્જીંગ, રિ-સાઈક્લીંગ અને લોકો શુદ્ધ, મીઠું પીવાનું પાણી પૂરૃં પાડીને જાહેર સ્વાસ્થ્ય સુધારણાને સાંકળીને વિવિધ પ્રવૃત્તિઓ યોજાઈ રહી છે, ત્યારે, આવો, આપણે પણ પાણીનો વેડફાટ બંધ કરીએ, કરકસરપૂર્વક જલનો ઉપયોગ કરીએ અને ગ્લેશિયર પીગળતા અટકાવવા માટે જે કાંઈ સૂચનો થાય, તેનું પાલન કરીએ... પાણી અને વાણી વિચારીને વાપરવા જોઈએ, ખરૃં ને?

જો આપને આ પોસ્ટ ગમી હોય તો શેર કરો...