Author: નોબત સમાચાર
ભારતીય શેરબજારમાં પ્રત્યાઘાતી ઘટાડે ખરીદીનો માહોલ...!!!
તા. ૨૯.૧૨.૨૦૨૫ ના રોજ સવારે ૧૦ કલાકે....
સપ્તાહના પ્રથમ કારોબારી દિવસે ઇન્ડેક્સ બેઝડ ભારતીય શેરબજારની શરૂઆત ઘટાડા સાથે થઇ હતી. ક્રિસમસ બાદ શેર બજારોમાં હોલી-ડે મૂડ અને અમેરિકામાં ટ્રમ્પ સરકારે એચ૧બી વીઝા માટેની લોટરી સિસ્ટમ બંધ કરતાં વૈશ્વિક આઈટી ઉદ્યોગ સાથે ભારતીય આઈટી-સોફ્ટવેર સર્વિસિઝ ઉદ્યોગ માટે ચિંતાએ ફંડોનું આઈટી શેરો પાછળ શરૂઆતી પ્રોફિટ બુકિંગ થતું જોવાયું હતું. પરંતુ ત્યારબાદ ભારતીય શેરબજાર પોઝીટીવ ઝોનમાં કારોબાર કરી રહ્યું હતું.
વૈશ્વિક શેરબજારની વાત કરીએ તો શુક્રવારે અમેરિકન માર્કેટમાં ડાઉ જોન્સ ૦.૧૩%ના ઉછાળા સાથે બંધ રહ્યો હતો. જ્યારે એસ એન્ડ પી ૫૦૦ ૦.૦૩% અને નેસ્ડેક ૦.૦૭% ઘટીને સેટલ થયા હતા. બીએસઇ પર મીડકેપ ઈન્ડેક્સ ૦.૨૦% અને સ્મોલકેપ ઈન્ડેક્સ ૦.૧૩% વધીને ટ્રેડ થઇ રહ્યા હતા.
બીએસઈમાં સવારે ૧૦ કલાકે કુલ ટ્રેડીંગ થયેલી ૩૬૭૦ સ્ક્રિપોમાંથી ઘટનારની સંખ્યા ૧૬૯૭ અને વધનારની સંખ્યા ૧૭૪૭ રહી હતી, ૨૨૬ શેરના ભાવમાં કોઈ ફેરબદલ જોવાયો ન હતો. જ્યારે ૮૭ શેરોમાં ઓનલી સેલરની મંદીની નીચલી સર્કિટ સામે ૧૧૯ શેરોમાં ઓનલી બાયરની તેજીની ઉપલી સર્કિટ રહી હતી.
ભારતીય શેરબજારમાં આજે બીએસઈ પર યુટીલીટી, સર્વિસ, પીએસયુ બેન્ક અને હેલ્થકેર સેક્ટરમાં ઘટાડો જોવા મળ્યો હતો, જયારે અન્ય બીજા તમામ સેક્ટરલ ઈન્ડાયસીસ ઉછાળા સાથે કારોબાર કરી રહ્યા હતા.
કોમોડિટી...
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ફેબ્રુઆરી ગોલ્ડ રૂ।.૧,૩૯,૮૦૮ પોઈન્ટના મથાળેથી ખુલીને રૂ।.૧,૪૦,૪૦૭ પોઈન્ટના ઊંચા મથાળેથી ઘટાડો નોંધાવી રૂ।.૧,૩૯,૫૦૧ પોઈન્ટના નીચા મથાળે નોંધાવી ૫૨૭ પોઈન્ટના ઉછાળા સાથે રૂ।.૧,૪૦,૩૯૨ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે માર્ચ સિલ્વર રૂ।.૨,૪૭,૧૯૪ પોઈન્ટના મથાળેથી ખુલીને રૂ।.૨,૫૪,૧૭૪ પોઈન્ટના ઊંચા મથાળેથી ઘટાડો નોંધાવી રૂ।.૨,૪૭,૧૯૪ પોઈન્ટના નીચા મથાળે નોંધાવી ૧૪,૧૫૮ પોઈન્ટના ઉછાળા સાથે રૂ।.૨,૫૩,૯૪૫ આસપાસ ટ્રેન્ડ નોંધાયેલ..!!
સ્ટોક સ્પેસિફિક રેન્જ મુવમેન્ટ....
એક્સીસ બેન્ક (૧૨૨૨) : પ્રાઇવેટ બેન્ક સેક્ટરની આ કંપનીના શેરનો ભાવ હાલમાં રૂ।.૧૨૦૮ આસપાસ પ્રવર્તી રહ્યો છે. રૂ।.૧૧૯૮ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૧૨૩૨ થી રૂ।.૧૨૪૦ આસપાસ ભાવ સપાટી નોંધાવે તેવી શક્યતા છે...!! રૂ।.૧૨૪૪ ઉપર તેજી તરફી ધ્યાન...!!
એચડીએફસી બેન્ક (૯૯૩) : એ/ટી+૧ ગ્રુપનો આ સ્ટોક રૂ।.૯૮૪ આસપાસ પોઝીટીવ બ્રેકઆઉટ!! રૂ।.૯૭૮ ના સપોર્ટથી આ સ્ટોક ૧૦૦૩ થી રૂ।.૧૦૧૨ આસપાસ ભાવ સપાટી નોંધાવે તેવી સંભાવના છે...!!
ઝાયડસ લાઈફસાયન્સીસ (૯૦૮) : રૂ।.૮૯૭ નો પ્રથમ તેમજ રૂ।.૮૯૦ બીજા ફાર્મા સેક્ટરનો રોકાણલક્ષી આ સ્ટોક રૂ।.૯૧૯ થી રૂ।.૯૨૩ આસપાસ ભાવ સપાટી નોંધાવે તેવી શક્યતા છે...!!
લાઈફ ઈન્સ્યુરન્સ કોર્પોરેશન (૮૫૦) : લાઈફ ઈન્સ્યુરન્સ સેક્ટરનો આ સ્ટોક ટ્રેડીંગલક્ષી રૂ।.૮૬૩ થી રૂ।.૮૭૦ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ।.૮૩૦ નો સ્ટ્રોંગ સપોર્ટ ધ્યાને લેવો...!!!
બજારની ભાવિ દિશા.... મિત્રો, વૈશ્વિક સ્તરે વ્યાજદર, ભૂરાજકીય તણાવ, ક્રૂડ ઓઈલના ભાવ અને વિદેશી મૂડી પ્રવાહ જેવા પરિબળો ભારતીય શેરબજાર પર અસર કરી શકે છે. તેમ છતાં, ચીનની વૈશ્વિક અસર ધીમે ધીમે ઘટતી જતાં ભારત માટે વૈકલ્પિક મેન્યુફેક્ચરિંગ અને સપ્લાય ચેઇન હબ બનવાની તક વધી રહી છે, જે બજાર માટે હકારાત્મક સંકેત છે. સોનાની તેજી અને ક્રિપ્ટોકરન્સીની હાજરી પણ સૂચવે છે કે રોકાણકારો વૈકલ્પિક એસેટ્સ તરફ ધ્યાન આપી રહ્યા છે, પરંતુ ઇક્વિટી ખાસ કરીને ફંડામેન્ટલ અને વિકાસલક્ષી કંપનીઓ લાંબા ગાળે મુખ્ય પસંદગી બની રહેશે. કુલ મળીને, સુધારા અને સાવચેતી સાથે ભારતીય શેરબજાર મજબૂત વૃદ્ધિ તરફ આગળ વધે તેવી સંભાવના છે.
બીજી તરફ, ભારતીય શેરબજારની ભાવિ દિશા જોવામાં આવે તો લાંબા ગાળે રૂઝાન સકારાત્મક રહેવાની સંભાવના છે. ભારતની વિશાળ યુવા લોકસંખ્યા, ઝડપી શહેરીકરણ, ઈન્ફ્રાસ્ટ્રક્ચર પર વધતું રોકાણ અને નીતિગત સુધારા ભારતીય અર્થતંત્ર માટે મજબૂત આધાર પૂરો પાડે છે. ખાસ કરીને આર્ટિફિશિયલ ઈન્ટેલિજન્સની ક્રાંતિ ભારતમાં ટેક્નોલોજી, સોફ્ટવેર, મેન્યુફેક્ચરિંગ અને સર્વિસ સેક્ટરમાં નવી તકો ઊભી કરી શકે છે. જો કે એઆઈ ક્ષેત્રમાં હાલ થોડી અતિઉત્સાહ જેવી સ્થિતિ છે, છતાં જે કંપનીઓ વાસ્તવિક અને વ્યવહારુ એઆઈ સોલ્યુશન્સ પર કામ કરી રહી છે તે લાંબા ગાળે રોકાણકારોને સારું વળતર આપી શકે છે. ચિપ્સ, હાર્ડવેર, પાવર અને ડેટા ઈન્ફ્રાસ્ટ્રક્ચર સાથે જોડાયેલી કંપનીઓ ભારતીય બજારમાં આગામી વર્ષોમાં મુખ્ય ગતિશીલ પરિબળ બની શકે છે.
અન્ય સમાચારો
