Author: નોબત સમાચાર
ભારતીય શેરબજારમાં ઉછાળે નફારૂપી વેચવાલી યથાવત્...!!
તા. ૦૩-૧૨-૨૦૨૫ ના સવારે ૧૦ કલાકે....
અમેરિકી ડોલર સામે ભારતીય રૂપિયો ફરી પતનના માર્ગે પટકાઈને ઐતિહાસિક નવી નીચી સપાટીએ ખાબકતાં અને ફોરેન પોર્ટફોલિયો ઈન્વેસ્ટરો માટે હવે એનએસડીએલ પર ઓડીઆઈ રજીસ્ટ્રેશન ફરજિયાત કરવાના અહેવાલે ફોરેન ફંડોનું ઉછાળે હેમરિંગ થતા આજે સપ્તાહના ત્રીજા કારોબારી દિવસે ભારતીય શેરબજાર ઘટાડા સાથે કારોબાર કરી રહ્યું હતું.
ભારતનો આર્થિક-જીડીપી વૃદ્ધિનો ત્રિમાસિક આંક ૮.૨% પ્રોત્સાહક જાહેર થતાં અને ફુગાવા અંકુશમાં રહેતાં આરબીઆઈની મોનીટરી પોલિસી કમિટી (એમપીસી)ની મળનારી મીટિંગમાં આ વખતે વ્યાજ દરમાં ૦.૨૫% ઘટાડો અપેક્ષિત હોવા છતાં અમુક વર્ગ જીડીપીના મજબૂત આંકડાએ આરબીઆઈ વ્યાજ દર ઘટાડવાનું આ વખતે ટાળશે એવો અંદાજ મૂકવા લાગતાં અને અમેરિકી ડોલર સામે રૂપિયો તૂટીને નવી રેકોર્ડ નીચી સપાટીએ આવી જતાં ફંડો, મહારથીઓએ આજે પ્રોફિટ બુકિંગ કર્યું હતું.
વૈશ્વિક શેરબજારની વાત કરીએ તો ગઈકાલે અમેરિકન માર્કેટમાં ડાઉ જોન્સ ૦.૩૦%ના ઉછાળા સાથે બંધ રહ્યો હતો. જ્યારે એસશ્પી ૫૦૦ ૦.૨૩% અને નેસ્ડેક ૦.૬૦% વધીને સેટલ થયા હતા. બીએસઇ પર મીડકેપ ઈન્ડેક્સ ૦.૦૭% ઘટીને અને સ્મોલકેપ ઈન્ડેક્સ ૦.૧૫% વધીને ટ્રેડ થઇ રહ્યા હતા.
બીએસઈમાં સવારે ૧૦ કલાકે કુલ ટ્રેડીંગ થયેલી ૨૬૩૪ સ્ક્રિપોમાંથી ઘટનારની સંખ્યા ૧૦૪૩ અને વધનારની સંખ્યા ૧૪૧૬ રહી હતી, ૧૭૫ શેરના ભાવમાં કોઈ ફેરબદલ જોવાયો ન હતો. જ્યારે ૪૬ શેરોમાં ઓનલી સેલરની મંદીની નીચલી સર્કિટ સામે ૫૫ શેરોમાં ઓનલી બાયરની તેજીની ઉપલી સર્કિટ રહી હતી.
ભારતીય શેરબજારમાં આજે બીએસઈ પર કન્ઝ્યુમર ડ્યુરેબલ્સ, એફએમસીજી, ઓટો, એનર્જી, ફાઈનાન્શીયલ સર્વિસ, ઓઈલ એન્ડ ગેસ, યુટીલીટી, પાવર, કેપિટલ ગુડ્સ અને રિયલ્ટી સેક્ટરમાં ઘટાડો જોવા મળ્યો હતો, જયારે અન્ય બીજા તમામ સેક્ટરલ ઈન્ડાયસીસ ઉછાળા સાથે કારોબાર કરી રહ્યા હતા.
કોમોડિટી...
એમસીએક્સ ગોલ્ડ : ઇન્ટ્રા ડે ટ્રેડીંગની શરૂઆતે ડિસેમ્બર ગોલ્ડ રૂ.૧,૨૮,૧૨૦ પોઈન્ટના મથાળેથી ખુલીને રૂ.૧,૨૮,૧૨૦ પોઈન્ટના ઊંચા મથાળેથી ઘટાડો નોંધાવી રૂ.૧,૨૮,૦૧૧ પોઈન્ટના નીચા મથાળે નોંધાવી ૬૭૭ પોઈન્ટના ઉછાળા સાથે રૂ.૧,૨૮,૦૧૧ આસપાસ ટ્રેન્ડ નોંધાયેલ..!!
એમસીએક્સ સિલ્વર : ઇન્ટ્રા ડે ટ્રેડીંગની શરૂઆતે ડિસેમ્બર સિલ્વર રૂ.૧,૮૩,૭૯૯ પોઈન્ટના મથાળેથી ખુલીને રૂ.૧,૮૪,૭૨૭ પોઈન્ટના ઊંચા મથાળેથી ઘટાડો નોંધાવી રૂ.૧,૮૩,૦૦૦ પોઈન્ટના નીચા મથાળે નોંધાવી ૨૫૪૬ પોઈન્ટના ઘટાડા સાથે રૂ.૧,૮૪,૧૪૭ આસપાસ ટ્રેન્ડ નોંધાયેલ..!!
સ્ટોક સ્પેસિફિક રેન્જ મુવમેન્ટ....
એચડીએફસી બેન્ક (૯૯૪) : પ્રાઇવેટ બેન્ક સેક્ટરની આ કંપનીના શેરનો ભાવ હાલમાં રૂ.૯૭૮ આસપાસ પ્રવર્તી રહ્યો છે. રૂ.૯૭૦ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ.૧૦૦૩ થી રૂ.૧૦૧૩ આસપાસ ભાવ સપાટી નોંધાવે તેવી શક્યતા છે...!! રૂ.૧૦૧૭ ઉપર તેજી તરફી ધ્યાન...!!
ટાટા ટેકનોલોજી (૬૮૫) : એ/ટી+૧ ગ્રુપનો આ સ્ટોક રૂ.૬૭૬ આસપાસ પોઝીટીવ બ્રેકઆઉટ!! રૂ.૬૭૦ ના સપોર્ટથી આ સ્ટોક રૂ.૬૯૪ થી રૂ.૬૯૮ આસપાસ ભાવ સપાટી નોંધાવે તેવી સંભાવના છે...!!
એક્સાઇડ ઇન્ડસ્ટ્રીઝ (૩૭૮) : રૂ.૩૬૭ નો પ્રથમ તેમજ રૂ.૩૬૦ બીજા સપોર્ટથી ઓટો કમ્પોનન્ટ્સ અને ઇક્વિપ્મેંટ કંપની સેક્ટરનો રોકાણલક્ષી આ સ્ટોક રૂ.૩૮૪ થી રૂ.૩૯૦ આસપાસ ભાવ સપાટી નોંધાવે તેવી શક્યતા છે...!!
વિપ્રો લિ. (૨૫૩) : કમ્પ્યુટર્સ - સોફ્ટવેર અને કન્સલ્ટિંગ સેક્ટરનો આ સ્ટોક ટ્રેડીંગલક્ષી રૂ.૨૬૦ થી રૂ.૨૬૩ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ.૨૪૪ નો સ્ટ્રોંગ સપોર્ટ ધ્યાને લેવો...!!!
બજારની ભાવિ દિશા.... મિત્રો, ચાલુ નાણાકીય વર્ષના બીજા ક્વાર્ટરના મજબૂત જીડીપી આંકડાઓને જોતાં ભારતીય રિઝર્વ બેન્ક ૩-૫ ડિસેમ્બરના રોજ તેની બેઠકમાં દરને યથાવત રાખી શકે છે. રિઝર્વ બેંક દ્વારા રેપો રેટમાં કોઈ ફેરફાર ન કરવાની અપેક્ષાએ બજારમાં સ્થિરતા તો જળવાઈ રહેશે, પરંતુ સ્પષ્ટ દિશા હજુ મોનેટરી પોલિસીના સંકેતો પર નિર્ભર રહેશે. બીજી તરફ મજબૂત જીડીપી વૃદ્ધિ દર અને રિઝર્વ બેન્કનું તટસ્થ વલણ બજારમાં લાંબા ગાળાના રોકાણકારો માટે વિશ્વાસજનક પરિસ્થિતિ સર્જી શકે છે.
બીજી બાજુ, ફુગાવાનો અંદાજ ઘટાડીને ૨% સુધી લાવવાથી અને જીડીપી વૃદ્ધિનો અંદાજ ૭%થી વધુ વધારવાથી ભારતીય અર્થતંત્રની મજબૂતાઈનો સંદેશ મળે છે, જે રોકાણકારોના મનોબળને ટેકો આપે છે. મજબૂત મેક્રો ડેટા, સ્થિર નીતિગત વલણ અને પ્રવાહિતા સપોર્ટ જેવી પરિસ્થિતિઓ વિદેશી મૂડી પ્રવાહમાં ફરી સુધારો લાવી શકે છે. લાંબા ગાળે ભારતીય બજાર વિકાસકાળીન ચક્ર તરફ આગળ વધી રહ્યું છે, જ્યાં બેંકિંગ, ઇન્ફ્રાસ્ટ્રક્ચર, મેન્યુફેક્ચરિંગ અને કન્ઝ્યુમર સેક્ટર્સ મુખ્ય ડ્રાઇવર્સ બની શકે છે. ટૂંકા ગાળે બજારમાં વૈશ્વિક જોખમો અસ્થિરતા લાવી શકે છે તેથી દરેક ઉછાળે સાવચેતી જરૂરી બની રહેશે.
અન્ય સમાચારો
