| | |

મસીતીયા પાસેથી દેશી બનાવટના તમંચા સાથે એકની કરાઈ ધરપકડ

જામનગર તા. ૯ઃ જામનગર તાલુકાના મસીતીયા ગામ પાસેથી ગઈકાલે પોલીસે એક શખ્સને દેશી બનાવટના તમંચા સાથે પકડી પાડી તેની રીમાન્ડ પર લેવાની તજવીજ હાથ ધરી છે.

જામનગર તાલુકાના વિસ્તારોમાં ગેરકાયદેસર હથિયાર ધરાવતા હોય તેવા શખ્સોને ૫કડી પાડવા માટે અપાયેલી સૂચનાના પગલે ગઈકાલે જામનગરની પંચકોશી બી ડિવિઝન પોલીસ સ્ટેશનની ટુકડી પેટ્રોલીંગમાં હતી ત્યારે સ્ટાફના પ્રદ્યુમનસિંહ તથા શોભરાજસિંહ જાડેજાને મળેલી બાતમીના આધારે જામનગર તાલુકાના મસીતીયાના ખારા વાડી વિસ્તારમાં વોચ ગોઠવવામાં આવી હતી. આ સ્થળેથી પસાર થતા મસીતીયાના ઈમરાન મહમદહુસેન ખફી નામના શખ્સને પોલીસે રોકાવી તેની તલાસી લેતા આ શખ્સના કબજામાંથી બાર બોરનો હાથ બનાવટનો દેશી તમંચો મળી આવ્યો હતો. પોલીસે તમંચો કબજે કરી આ શખ્સની ધરપકડ કરી છે અને તેને રિમાન્ડ પર લેવાની તજવીજ શરૃ કરી છે. આ કાર્યવાહીમાં પીએસઆઈ જે.ડી. પરમાર, સ્ટાફના કિશોરભાઈ રાઠોડ, કરણસિંહ, સુરેશભાઈ આહીર, રણછોડભાઈ શેખા, હાર્દિક ભટ્ટ સાથે રહ્યા હતાં.

close
Nobat Varsik Lavajam Yojna 2020-21
close
PPE Kit