તા. ૦૯-૦૨-૨૦૨૬ ના રોજ સવારે ૧૦ કલાકે....

અઠવાડિયાની શરૂઆત શાનદાર તેજી સાથે થઈ છે, જેમાં નિફ્ટી ૨૬૨૦૨ પોઈન્ટની સપાટી તરફ આગળ વધી રહી છે.

વૈશ્વિક બજારોમાં મિશ્ર વાતાવરણ વચ્ચે ભારતીય શેરબજાર અત્યારે સ્થાનિક આર્થિક નીતિઓ અને વૈશ્વિક ભૌગોલિક-રાજકીય પરિબળોના ક્રોસવાયર પર છે.

એક તરફ આરબીઆઈની સાવચેતીભરી નીતિ છે, તો બીજી તરફ વૈશ્વિક બજારોમાં જોવા મળતો ઉત્સાહ ભારતીય બુલ્સને ટેકો આપી રહ્યો છે.

વૈશ્વિક પરિબળો : 'રિસ્ક-ઓન' મૂડ 

વૈશ્વિક સ્તરે અત્યારે બજારોમાં સકારાત્મક માહોલ છે, જેની સીધી અસર ભારતીય સેન્ટિમેન્ટ પર પડી છે જેમ કે...

- અમેરિકી બજાર : ગત સપ્તાહે વોલ સ્ટ્રીટમાં ડાઉ જોન્સ અને નાસ્ડેક (દ્ગટ્ઠજઙ્ઘટ્ઠૂ) માં ૨% થી વધુનો ઉછાળો જોવા મળ્યો હતો. અમેરિકામાં ફુગાવાના આંકડા અપેક્ષા મુજબ આવતા ફેડરલ રિઝર્વ દ્વારા વ્યાજદરમાં ભાવિ ઘટાડાની આશા જાગી છે.

- એશિયન બજાર : જાપાનનો નીક્કી ઇન્ડેક્સ ૪% થી વધુ ઉછળીને ઐતિહાસિક સ્તરે પહોંચ્યો છે, જે એશિયામાં મજબૂત વિદેશી ભંડોળના આગમનનો સંકેત છે.

- ભારત-અમેરિકા ટ્રેડ ડીલ : આ ડીલ બજાર માટે ગેમ-ચેન્જર સાબિત થઈ રહી છે. ખાસ કરીને ટેક્સટાઈલ અને આઈટી સેક્ટરને આશા છે કે આ કરારથી નિકાસના નવા દ્વાર ખુલશે.

- કોમોડિટી બજાર : ક્રૂડ અને સોનામાં હલચલ - કોમોડિટી બજારમાં અત્યારે ભારે અસ્થિરતા જોવા મળી રહી છે, જેની અસર કંપનીઓના ઇનપુટ કોસ્ટ પર પડી શકે છેઃ

- ક્રૂડ ઓઈલ : રશિયા અને યુક્રેન વચ્ચેના જિઓપોલિટિકલ ટેન્શન અને ઓપેક રાષ્ટ્રોના ઉત્પાદન કાપને કારણે ક્રૂડ ઓઈલના ભાવમાં ઉછાળો જોવા મળ્યો છે. ભારત તેની જરૂરિયાતનું ૮૦% ક્રૂડ આયાત કરે છે, તેથી વધતા ભાવ રૂપિયા પર દબાણ લાવી રહ્યા છે. જોકે, રશિયા પાસેથી સસ્તા ભાવે તેલની આયાત ચાલુ રાખવાનો ભારતનો મક્કમ નિર્ણય બજાર માટે રાહતજનક છે.

- સોનું અને ચાંદી :  વૈશ્વિક અનિશ્ચિતતા અને મજબૂત ડોલરને કારણે સોનાના ભાવમાં ઉતાર-ચઢાવ જોવા મળી રહ્યો છે. ચાંદીમાં થયેલી ભારે અફડાતફડીથી ટ્રેડર્સ દૂર થઈ રહ્યાં છે જ્યારે રોકાણકારો અત્યારે 'સેફ હેવન' તરીકે સોનામાં પસંદગીપૂર્વક રોકાણ કરી રહ્યા છે. હાલમાં સોનાનો ભાવ અંદાજીત રૂ।.૧,૫૭,૨૯૦ તેમજ ચાંદીનો ભાવ રૂ।.૨,૬૧,૮૦૦ ભાવ આસપાસ ટ્રેડ થઈ રહ્યા છે જે જોતા સાવધાનીપૂર્વક ખરીદી કરવી આગામી દિવસોમાં તબક્કાવાર તેજી જોવાં મળી શકે છે.

બેઝ મેટલ્સ : ચીનના અર્થતંત્રમાં રિકવરીના સંકેતોને કારણે કોપર અને એલ્યુમિનિયમ જેવી મેટલ્સમાં સ્થિરતા જોવા મળી છે, જે મેટલ સેક્ટરના શેરો માટે પોઝિટિવ છે.

સ્થાનિક સ્તરે રૂપિયો : રૂપિયો ડોલર સામે ૯૦.૬૦ ના સ્તરે સ્થિર છે જ્યારે આરબીઆઈ એ રેપોરેટ ૫.૨૫% પર યથાવત રાખ્યો છે. ગવર્નર શક્તિકાંત દાસે 'ન્યુટ્રલ' જાળવી રાખીને સંકેત આપ્યો છે કે મોંઘવારી અંકુશમાં આવતા જ વ્યાજદરમાં ઘટાડાનો વિચાર થઈ શકે છે.

મિત્રો, બજારની નજર આગામી ૧૨ ફેબ્રુઆરીએ જાહેર થનારા સીપીઆઈ ફુગાવાના આંકડા પર છે. આરબીઆઈ દ્વારા એફવાય૨૬ માટે જીડીપી ગ્રોથ અંદાજ વધારીને ૭.૪% કરવો એ ભારતીય અર્થતંત્રની મજબૂતીની મહોર છે.

રૂપિયો : ડોલર સામે ૯૦.૬૦ ના સ્તરે સ્થિર.

નિફટી ફ્યુચર : ૨૫૪૭૪ પોઈન્ટ મજબૂત સપોર્ટ છે અને ૨૫૮૦૮ પોઈન્ટ ઉપર બંધ થશે તો ૨૬૨૦૦ પોઈન્ટના ટેકનિકલ સ્તર જોવા મળી શકે...!!

માર્કેટ બ્રેડ્થ : કુલ ૪૩૭૧ સ્ક્રિપોમાંથી ૧૮૮૫ વધનાર અને ૨૩૦૯ ઘટનાર શેર રહ્યા છે.

સ્ટોક સ્પેસિફિક રેન્જ મુવમેન્ટ....

ગોદરેજ પ્રોપર્ટી (૧૭૩૩) : રેસિડેન્શિયલ, કોમર્શીયલ પ્રોજેક્ટ સેક્ટરની આ કંપનીના શેરનો ભાવ હાલમાં રૂ।.૧૭૨૦ આસપાસ પ્રવર્તી રહ્યો છે. રૂ।.૧૭૦૭ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૧૭૫૩ થી રૂ।.૧૭૭૦ આસપાસ ભાવ સપાટી નોંધાવે તેવી શક્યતા છે...!! રૂ।.૧૭૮૪ ઉપર તેજી તરફી ધ્યાન...!!

લોઢા ડેવલોપર્સ (૧૦૬૦) : એ/ટી+૧ ગ્રુપનો આ સ્ટોક રૂ।.૧૦૪૭ આસપાસ પોઝીટીવ બ્રેકઆઉટ!! રૂ।.૧૦૩૩ ના સપોર્ટથી આ સ્ટોક રૂ।.૧૦૭૭ થી રૂ।.૧૦૯૦ આસપાસ ભાવ સપાટી નોંધાવે તેવી સંભાવના છે...!!

ટાટા કન્ઝ્યુમર (૭૪૩) : રૂ।. ૭૩૪ નો પ્રથમ તેમજ રૂ।.૭૩૦ બીજા સ્ટ્રોંગ સપોર્ટથી ટી એન્ડ કોફી સેક્ટરનો રોકાણલક્ષી આ સ્ટોક રૂ।.૭૫૪ થી રૂ।.૭૬૦ આસપાસ ભાવ સપાટી નોંધાવે તેવી શક્યતા છે...!!

અદાણી ગ્રીન (૭૪૩) : પાવર જનરેશન સેક્ટરનો આ સ્ટોક ટ્રેડીંગલક્ષી રૂ।.૭૩૦ થી રૂ।.૭૬૦ ના ભાવ સપાટીની રેન્જ મુવમેન્ટ ધરાવે છે!! અંદાજીત રૂ।.૭૨૪ નો સ્ટ્રોંગ સપોર્ટ ધ્યાને લેવો...!!!

બજારની ભાવિ દિશા.... મિત્રો, ટેકનિકલ ચાર્ટ મુજબ બજાર અત્યારે મજબૂત 'અપટ્રેન્ડ' માં છે. મારાં અંગત મતે 'બાય ઓન ડીપ્સ' ની નીતિ અપનાવવી. ખાસ કરીને બેન્કિંગ, એફએમસીજી અને ટેક્સટાઈલ સેક્ટરના મજબૂત ફંડામેન્ટલ ધરાવતા શેરોમાં ધ્યાન કેન્દ્રિત કરવું. શોર્ટ ટર્મમાં વૈશ્વિક સંકેતો અને ક્રૂડ ઓઈલના ભાવ બજારને વોલેટાઈલ રાખશે, પરંતુ લાંબા ગાળે ભારતની આર્થિક પ્રગતિ (૭.૪% જીડીપી ગ્રોથ) બજારને નવી ઊંચાઈએ લઈ જશે એ ના ભૂલવું જોઈએ...!!!