Author: નોબત સમાચાર
ગુરૂદ્વારા સર્કલ પાસે પુલ નીચેથી એક શખ્સ દારૂની બોટલો સાથે ઝબ્બે
ઝૂંપડાઓમાંથી દેશી દારૂ, આથો કબજે કરાયાઃ
જામનગર તા.૧૪ : જામનગરના ગુરૂદ્વારા સર્કલ પાસે નવા બનતા પુલ નીચેથી એલસીબીએ એક શખ્સને રૂ.૧૮ હજારની ઈંગ્લીશ દારૂની ચાર બોટલ સાથે પકડી પાડ્યો છે. જ્યારે જાગૃતિનગર તથા જોગવડમાં ઝૂંપડાઓમાંથી દેશી દારૂ, આથો વગેરે કબજે કરવામાં આવ્યા છે.
જામનગરના ગુરૂદ્વારા સર્કલ પાસેથી શનિવારે રાત્રે પસાર થતાં એક શખ્સ પાસે ઇંગ્લીશ દારૂની બોટલ હોવાની બાતમી એલસીબીને મળતા એલસીબીના સ્ટાફે વોચ રાખી હતી.
તે દરમિયાન સરૂ સેક્શન રોડ પર રહેતો હર્ષ મનોજભાઈ ખેતવાણી નામનો શખ્સ પસાર થતા તેને રોકાવી એલસીબીએ તલાસી લીધી હતી. આ શખ્સના કબજા માટે ભારતીય બનાવટના અંગ્રેજી શરાબની ચાર બોટલ મળી આવી હતી. એલસીબીએ દારૂ તથા મોબાઈલ મળી કુલ રૂ.૬૮૭૩૩નો મુદ્દામાલ કબજે કર્યાે છે અને સિટી બી ડિવિઝન પોલીસ સ્ટેશનમાં હર્ષ ખેતવાણી સામે ગુન્હો રજીસ્ટર કરાવ્યો છે.
જામનગરના દિગ્જામ વુલન મીલ નજીક જાગૃતિ નગરમાં જમનાબેન ધનસીંગ ડાભીના ઝૂંપડામાં પોલીસે શનિવારે રાત્રે દરોડો પાડી આથાનો જથ્થો કબજે કર્યાે છે. જ્યારે લાલપુર તાલુકાના જોગવડ ગામમાં તળાવનેસ પાસે સુમરાજ બુધરાજ સોમાત નામના શખ્સના ઝૂંપડામાંથી દેશી દારૂની ભઠ્ઠી પકડી પાડવામાં આવી છે. તેનો સાગરિત બુધરાજ નકાભાઈ સોમાત નાસી ગયો છે. જ્યારે જેકન જેસુર ઘોડા નામના શખ્સના ઝૂંપડામાંથી પણ ભઠ્ઠી, દારૂ, આથો કબજે કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
