| | |

તેડી જવા આવેલા પતિની બળજબરીથી પત્નીએ ગોળીઓ ગળી

જામનગર તા. ૧૫ઃ જામનગરના એક પરિણીતા પતિના ત્રાસથી કંટાળી પિયર ચાલ્યા આવ્યા પછી તેડવા આવેલા પતિએ બળજબરી કરતા આ પરિણીતાએ ગોળીઓ ગળી લીધી છે. સારવારમાં ખસેડાયેલી પરિણીતાની ફરિયાદ સામે ગુન્હો નોંધાયો છે.

જામનગરના દિગ્વિજય પ્લોટ વિસ્તારની શેરી નં. ૪૫માં ગણેશ ફળીમાં રહેતા પૂનમબેન વિપુલભાઈ (ઉ.વ. ૩૨) નામના પરિણીતા સોમવારની બપોરે પોતાના ઘેર હતાં ત્યારે ત્યાં આવેલા પતિ વિપુલભાઈ નાથાભાઈ મકવાણાએ તુ ઘેર ચાલ તેમ કહી દબાણ કરતા પૂનમબેને સાસરે પરત ફરવાનો ઈન્કાર કર્યો હતો. તેથી ઉશ્કેરાટમાં આવેલા વિપુલે ગાળો ભાંડતા નાસીપાસ થઈ ગયેલા પૂનમબેને ઘરમાં પડેલી માથાના દુખાવાની ચોવીસ જેટલી ગોળીઓ એકસાથે ગળી લીધી હતી. જેની અસર થતા ઉલટીઓ થવા લાગી હતી.

આ પરિણીતાને સારવાર માટે દવાખાને ખસેડવામાં આવ્યા પછી પોલીસને જાણ કરાતા સિટી 'એ' ડિવિઝનના પીએસઆઈ વાય.એસ. ગામીત દોડી આવ્યા હતાં. તેઓની સમક્ષ પૂનમબેને નિવેદન આપતા જણાવ્યું છે કે તેણીના લગ્ન વિપુલ સાથે થયા પછી અવારનવાર શરાબનો નશો કરી ઘેર આવતો પતિ શારીરિક તથા માનસિક ત્રાસ આપતો હોય પોતે બે મહિના પહેલાં પિયર ચાલ્યા આવ્યા હતાં જ્યાં તેડી જવા આવેલા પતિએ કરેલા વર્તનથી આત્મહત્યાનો પ્રયાસ કર્યો છે. આ બાબતની મહિલા પોલીસ સ્ટેશનમાં પૂનમબેને ફરિયાદ નોંધાવી છે. પોલીસે આઈપીસી ૪૯૮ (એ), ૩૨૩, ૩૦૪ હેઠળ ગુન્હો નોંધ્યો છે.

close
Nobat Varsik Lavajam Yojna 2020-21
close
PPE Kit