Advertisement

બાંગ્લાદેશ ક્રિકેટ ટુર્નામેન્ટ માટે જામનગરની બે યુવા ખેલાડીઓની પસંદગી

જામનગર તા. ૧પઃ આંતરરાષ્ટ્રીય ક્રિકેટ ક્ષેત્રે જામનગરનું નામ વિશ્વના નક્શામાં ગૌરવભેર અંકિત થયેલું છે. જામ રણજી, દુલીપસિંહજી, સલીમ દુરાની, વિનુ માંકડથી લઈને રવિન્દ્ર જાડેજા સુધીના ખેલાડીઓએ જામનગરનું નામ રોશન કર્યું છે.

હવે જામનગરની મહિલા ક્રિકેટરોએ પણ રાષ્ટ્રીય સ્તરે પસંદગી પામીને જામનગરને વધુ ગૌરવ અપાવ્યું છે.

બાંગ્લાદેશમાં બાંગ્લાદેશ પ્રિમિયમ લીગ ટુર્નામેન્ટ રમાનાર છે. આ ટુર્નામેન્ટમાં ભારતની પાંચ મહિલા ક્રિકેટરોની પસંદગી બીસીસીઆઈ દ્વારા કરવામાં આવી છે જેમાં જામનગરની રિદ્ધિ રૃપારેલ તથા નેહા ચાવડાની પસંદગી થઈ છે.

જામનગરના કોચ મહેન્દ્રસિંહ ચૌહાણે ખૂબ જ આનંદની લાગણી સાથે જણાવ્યું હતું કે રિદ્ધિ પોસ્ટ ગ્રેજ્યુએટનો અભ્યાસ કરે છે. સારી વિકેટ કિપર તથા બેટધર છે. જ્યારે નેહા ચાવડા લેફ્ટ આર્મી લેગ સ્પીનર બોલર છે. તેણીએ અગાઉ ગુજરાતમાં ઉત્તમ બોલીંગ પ્રદર્શન કર્યું છે. ઈન્ડિયન પ્રિમિયર લીગની જેમ બાંગ્લાદેશમાં મહિલાઓ માટેની આ લીગ ટુર્નામેન્ટ પસંદગી પામીને રિદ્ધિ તથા નેહાએ  જામનગરના મહિલા ક્રિકેટરો પણ ઉત્તમ કોટીના હોવાનું દૃષ્ટાંત  પૂરૃં પાડ્યું છે.



Advertisement

અન્ય સમાચારો

Advertisement
close
Ank Bandh 29 March
close
PPE Kit