Advertisement

ગુજરાતના વિવિધ વિસ્તારોમાં ભારે વરસાદની આગાહી

દ. ગુજરાત, દમણ, દાદરાનગરમાં રવિવારે રેડ એલર્ટઃ

અમદાવાદ તા. ર૪ઃ આજથી આગામી ચાર દિવસ સુધી ગુજરાતના વિવિધ વિસ્તારોમાં ભારેથી અતિભારે વરસાદની આગાહી કરવામાં આવી છે, જ્યારે દ. ગુજરાતના વિસ્તારોમાં રવિવારે વરસાદનું રેડએલર્ટ આપ્યું છે.

દક્ષિણ ગુજરાતમાં છેલ્લા એક સપ્તાહમાં સાર્વત્રિક વરસાદ થયો છે. આજથી ચાર દિવસ દરમિયાન રાજ્યના વિવિધ વિસ્તારમાં ધોધમાર વરસાદ પડવાની હવામાન ખાતા દવારા આગાહી કરવામાં આવી છે, જેમાં નવસારી, વલસાડ, ડાંગ, દમણ અને દાદરા અને નગર-હવેલીમાં હવામાન વિભાગે ભારે વરસાદની આગાહી કરતા રવિવારે રેડએલર્ટ જાહેર કરવામાં આવ્યું છે. બંગાળની ખાડીમાં લો પ્રેશર સક્રિય થયું છે, જેને પગલે આગામી ચાર દિવસ દરમિયાન ગુજરાતના વિવિધ વિસ્તારમાં વરસાદી માહોલ સર્જાશે, જેમાં કેટલાક વિસ્તારોમાં તો ભારેથી અતિભારે વરસાદ પડશે.હવામાન વિભાગે આજથી આગામી ચાર દિવસ સુધી સમગ્ર ગુજરાતમાં ભારેથી અતિભારે વરસાદની આગાહી કરી છે. હવામાન વિભાગના કહેવા પ્રમાણે તા. ર૬ જુલાઈ સુધી ગુજરાતમાં સાર્વત્રિક વરસાદ પડશે. આ દરમિયાન અનેક ઠેકાણે ભારે વરસાદ પડવાની આગાહી વ્યક્ત કરવામાં આવી છે. મધ્ય ગુજરાત અને દક્ષિણ ગુજરાતની સાથે સાથે આ દરમિયાન ઉત્તર ગુજરાતમાં પણ ભારે વરસાદ પડવાની આગાહી કરવામાં આવી છે.

આજે સુરત, નવસારી, વલસાડ, દમણ, દાદરા અને નગર-હવેલી, બનાસકાંઠા, પાટણ, અરવલ્લી, આણંદ, દાહોદ, મહીસગાર, ભરૃચ, ડાંગ, તાપી, જામનગર, મોરબી, દ્વારકા અને કચ્છ જિલ્લામાં ભારેથી અતિભારે વરસાદની આગાહી કરવામાં આવે છે, જ્યારે રપ જુલાઈએ ભરૃચ, સુરત, નવસારી, વલસાડ, દમણ, દાદરા અને નગર-હવેલી, પોરબંદર, જૂનાગઢ, દ્વારકા, બનાસકાંઠા, પાટણ, મહેસાણા, સાબરકાંઠા, આણંદ, છોટાઉદેપુર, નર્મદા, ડાંગ, તાપી, રાજકોટ, અમરેલી, ભાવનગર, ભારેથી અતિભારે વરસાદની આગાહી કરવામાં આવી છે. ર૬ જુલાઈએ નવસારી, વલસાડ, દમણ, દાદરા અને નગર-હવેલી, બનાસકાંઠા, પાટણ, પોરબંદર, જૂનાગઢ, ગીર-સોમનાથમાં ભારેથી અતિભારે વરસાદની આગાહી છે.

ગુજરાતમાં હજુ સુધી ૮.પ૭ ઈંચ સાથે મોસમનો સરેરાશ રપ.૯ર ટકાવરસાદ નોંધાયો છે. અત્યાર સુધી કચ્છમાં ૪.૭ર ઈંચ સાથે ર૮.૩પ ટકા, ઉત્તર ગુજરાતમાં પ.૪૩ ઈંચ સાથે ૧૯.ર૯ ટકા, પૂર્વ મધ્ય ગુજરાતમાં ૮.૯૬ ઈંચ સાથે રર.પ ટકા, સૌરાષ્ટ્રમાં ૬.૬૧ ઈંચ સાથે ર૪.૦૭ ટકા અને દક્ષિણ ગુજરાતમાં ૧૮.રર ઈંચ સાથે મોસમનો ૩૧.૯ર ટકા વરસાદ નોંધાઈ ચૂક્યો છે.



Advertisement

અન્ય સમાચારો

Advertisement
close
Ank Bandh
close
PPE Kit