Author: નોબત સમાચાર
દેવભૂમિ દ્વારકા જિલ્લામાં કરાશે વિશ્વ વસ્તી દિવસની ઉજવણી
આવતીકાલ તા. ૧૮ જુલાઈ દરમ્યાન
ખંભાળિયા તા. ૧૦: દેવભૂમિ દ્વારકા આરોગ્ય વિભાગ દ્વારા વસ્તીની સ્થિરતા અને વસ્તી વધારા બાબતે જાગૃતિ લાવવા તાલુકા કક્ષાએ વિવિધ પ્રવૃત્તિઓ સાથે વિશ્વ વસ્તી દિવસની ઉજવણી કરવામાં આવશે. જિલ્લામાં તા.૧૧ થી ૧૮ જુલાઈ દરમ્યાન માં બનવાની ઉમર એ જ, જયારે શરીર અને મન તૈયાર હોય* થીમ સાથે જિલ્લા વિકાસ અધિકારી તથા મુખ્ય જિલ્લા આરોગ્ય અધિકારીના માર્ગદશન હેઠળ વિશ્વ વસ્તી દિવસ ઝુંબેશની ઉજવણી કરવામાં આવશે.
આરોગ્ય વિભાગ દ્વારા શરૂ કરવામાં આવેલી આ ઝુંબેશનો મુખ્ય ઉદેશ્ય માતા અને બાળકોના આરોગ્ય તેમજ સુખાકારી માટે ગર્ભાવસ્થામાં યોગ્ય અંતરના મહત્વ અંગે સમુદાયમાં જાગૃતિ લાવવાનો છે. વધતી જતી વસ્તીથી ઉદભવતા પ્રશ્નો અંગે જાણકારી આપવા તથા વિવિધ કુટુંબ કલ્યાણની પદ્ધતિઓના ઉપયોગ વધારવા બાબતે, લગ્ન નિયત ઉંમર બાદ કરવા, લગ્ન બાદ પ્રથમ બાળક તરત નહી, બે બાળકો વચ્ચે સુરક્ષિત અંતર અને કુટુંબના સર્વાંગી વિકાસમાં નાના કુટુંબોનો ફાળો વગેરે બાબતો પર ચર્ચા કરવામાં આવશે.
કુટુંબ નિયોજન વિષે જન જાગૃતિ લાવવા માટે સામુદાયિક બેઠકો, કાર્યશાળાઓ અને પરિસંવાદો, ઘરે ઘરે મુલાકાતો લઈ યોગ્ય સગર્ભાવસ્થા અંતરના ફાયદાઓ વિષે પરિવારોને માહિતગાર કરવામાં આવશે. ઉપરાંત, તાલુકા કક્ષાએ સ્ત્રી નસબંધી કેમ્પ, દરેક સરકારી આરોગ્ય સંસ્થાઓ ખાતે કુટુંબ નિયોજનની વિવિધ પદ્ધતિઓ જેવી કે, આંકડી, ગર્ભનિરોધક ઈન્જેકશન, ગોળીઓ, નિરોધ, ઈમરજન્સી પીલ્સની સેવાઓ ઉપલબ્ધ કરશે. દરેક નાગરિક સેવાઓનો વિનામૂલ્યે લાભ લઈ શકશે તેમ મુખ્ય જિલ્લા આરોગ્ય અધિકારી દેવભૂમિ દ્વારકાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
