Author: નોબત સમાચાર
જાન્યુઆરીથી ઓક્ટોબર-ર૦રપ દરમિયાન દસ મહિનામાં ટીબીના સૌથી વધુ કેસ યુપીમાંઃ ગુજરાત છઠ્ઠું
યોગાનુયોગ ટોપ-ફાઈવ તથા ગુજરાતમાં એનડીએનું શાસન છે!
નવી દિલ્હી તા. ૧૦ઃ જાન્યુઆરી-ર૦રપ થી પ્રથમ ૧૦ મહિનામાં દેશમાં ટી.બી.ના કેસોમાં ઉત્તરપ્રદેશ પ્રથમ સ્થાને છે, જ્યારે ગુજરાત છઠ્ઠા સ્થાને છે. યોગાનુયોગ આ તમામ ૬ રાજ્યોમાં એન.ડી.એ.નું શાસન છે.
દેશમાં ટી.બી.ના કેસોની આંકડાકીય માહિતી મીડિયાના માધ્યમથી સામે આવી છે. આ આંકડાઓ મુજબ વર્ષ-ર૦રપ ના જાન્યુઆરીથી ડિસેમબર સુધીના પ્રથમ છ મહિનામાં ઉત્તરપ્રદેશમાં ટી.બી.ના ૬.૦૪ લાખ, બિહારમાં ૧.૮૦ લાખ, મહારાષ્ટ્રમાં ૧.૮૮ લાખ, રાજસ્થાનમાં ૧.પ૧ લાખ, મધ્યપ્રદેશમાં ૧.૪૭ લાખ અને ગુજરાતમાં ૧.૧૧ લાખથી વધુ ટી.બી.ના કેસો નોંધાયા છે.
વિશ્વ આરોગ્ય સંસ્થાના રિપોર્ટ પછી કેટલાક સંશોધનો તથા સરકારી વિભાગોના જુદા જુદા રિપોર્ટના અભ્યસના આધારે નીકળેલા અંદાજો મુજબ જાન્યુઆરીથી ડિસેમ્બર-ર૦રપ ના ૧૦ મહિનાના સમયગાળામાં ટોપ-ટેનમાં યુ.પી., મહારાષ્ટ્ર, રાજસ્થાન, બિહાર, એમ.પી., આંધ્રપ્રદેશ, તેલંગાણા, ગુજરાત, પ. બંગાળ અને તમિલનાડુ ટોપ-ટેનમાં છે. આમ એક અન્ય અભ્યાસ મુજબ ગુજરાતને દેશમાં નવમા સ્થાને પણ દર્શાવાયું છે. દૃષ્ટિએ જોઈએ તો ટોપ-ટેનના ૭ રાજ્યમાં એન.ડી.એ.નું શાસન છે, જ્યારે અન્ય ત્રણ રાજ્યોમાં વિપક્ષની સરકારો છે, અને તે પૈકી બે રાજ્યોમાં પ્રાદેશિક પક્ષોની સરકારો છે. ઉત્તરપ્રદેશ, ગુજરાત, રાજસ્થાન અને મધ્યપ્રદેશમાં ભાજપની સ્પષ્ટ બહુમતીવાળી એનડીએની સરકાર છે, જ્યારે તેલંગાણામાં કોંગ્રેસ, તમિલનાડુમાં ડીએમકે અને પ. બંગાળમાં ટીએમસી નેતૃત્વ ધરાવતી સરકારો છે. આથી એવું પણ કહીં શકાય કે ટી.બી.ના ચિંતાજનક મામલે સર્વપક્ષિય અને તદ્ન બિનરાજકીય દૃષ્ટિકોણથી કામ થતું હોય તો તે આવકાર્ય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
