Author: નોબત સમાચાર
હાલારમાં રાતથી વહેલી સવાર સુધી ટાઢોડુંઃ બે ડીગ્રીના ઘટાડા સાથે લઘુતમ તાપમાન ૧ર.પ ડીગ્રી
ઉત્તર ભારતમાંથી આવતા હિમ જેવા ઠંડા પવનના પગલે
જામનગર તા. ૧૦ઃ ઉત્તર ભારતમાંથી આવતા હિમ જેવા ઠંડા પવનના પગલે સમગ્ર હાલાર પંથકમાં ઠંડીનું મોજુ ફરી વળ્યું છે. જામનગરમાં છેલ્લા ચોવીસ કલાકમાં લઘુતમ તાપમાનનો પારો બે ડીગ્રી સુધી નીચે શરકીને સિઝનમાં બીજી વખત ૧ર.પ ડીગ્રીએ પહોંચી ગયો હતો.
ઉત્તરાખંડ, જમ્મુ-કાશ્મીર અને હિમાચલપ્રદેશમાં હિમવર્ષાનો દોર ચાલી રહ્યો છે. વૃક્ષો, મેદાનો તથા ઘરો પર બરફની ચાદર જોવા મળી રહી છે. કાતિલ ઠંડીના પગલે ત્યાંનુ જનજીવન ઠૂંઠવાઈ ગયું છે. પહાડી વિસ્તારોમાં થઈ રહેલ બરફવર્ષાની અસર ભારતના બીજા રાજ્યો પર પણ પડી રહી છે. હરિયાણા, પંજાબ, દિલ્હી, યુપી, બિહાર, મધ્યપ્રદેશ, રાજસ્થાન અને ગુજરાત સહિતના રાજ્યોમાં શિયાળાએ ગતિ પકડી લીધી છે. તાપમાનમાં ધીમે ધીમે ઘટાડો થઈ રહ્યો છે.
જામનગરમાં આજે સવારે પૂરા થતાં ચોવીસ કલાક દરમિયાન બે ડીગ્રી સુધી નીચે શરકીને લઘુતમ તાપમાનનો પારો સિઝનમાં બીજી વખત ૧ર.પ ડીગ્રીએ પહોંચી ગયો હતો. ઉત્તર ભારતના પહાડી વિસ્તારમાંથી આવતા હિમ જેવા ઠંડા પવનના પગલે જામનગર સહિત સમગ્ર હાલાર પંથકમાં ઠંડીનું મોજુ ફરી વળ્યું છે. રાતથી લઈને વહેલી સવાર સુધી વધારે ઠંડી અનુભવાઈ હતી. ઠંડીમાં જેમ-જેમ વધારો થઈ રહ્યો છે તેમ તેમ સ્વેટર, જેકેટ, ટોપી સહિતના ગરમ વસ્ત્રોના વિક્રેતાઓને ત્યાં ખરીદી માટે લોકોના ધસારામાં પણ વધારો થઈ રહ્યો છે.
નગરમાં બુધવારે સવારે પૂરા થતા ચોવીસ કલાક દરમિયાન અડધા ડીગ્રીના વધારા સાથે મહત્તમ તાપમાન ર૯.પ ડીગ્રી નોંધાયું હતું. વાતાવરણમાં ભેજનું પ્રમાણ ૬૯ ટકા રહ્યું હતું. પવનની ગતિ પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
