ખંધુ ચીન હવે અંતરિક્ષ યુદ્ધ માટે હથિયારો વિક્સાવી રહ્યું છે... અમેરિકાનું આંતરરાષ્ટ્રીય એલર્ટ...!?

ભારતીય વાયુસેના ચીફે કહ્યું છે કે આપણે બન્ને મોરચે લડવા સક્ષમ છીએ અને વાયુસેનાની તાકાત વધી છે ડોન્ટ વરી... બટ બી એલર્ટ...

ચીન ભારત-ચીન સરહદે ફરીથી સૈનિકોનો જમાવડો કરવાની તૈયારીમાં હોવાના અને સરહદ નજીક સૈન્ય મથકોના નિર્માણો ચાલી રહ્યા હોવાના અહેવાલો આવતા રહે છે. તે ઉપરાંત દરિયાઈ વિસ્તારોમાં પણ ખંધુ ડ્રેગન પોતાનું વર્ચસ્વ વધારી રહ્યું છે. ભારતની ચોતરફ આવેલા દેશોને વિવિધ પ્રોજેક્ટો માટે નાણા ધીરીને પહેલા તેને પોતાના દેવાદાર બનાવ્યા અને હવે તેનો જ ઉપયોગ કરીને ભારતને ઘેરવાની રણનીતિ અપનાવી રહેલું ચીન હવે અંતરીક્ષમાં પણ સુપર પાવર બનવાની તૈયારીમાં હોવાના સંકેતો મળી રહ્યા છે. તાજેતરમાં કવાડની મળેલી બેઠકમાં પણ ચીનની ખંધાઈ અને સામ્રાજ્યવાદી રણનીતિને કાઉન્ટર કરવાની વ્યુહરચના ઘડાઈ હોવાના અહેવાલોથી આંતરરાષ્ટ્રીય ચર્ચા થવા લાગી છે.

પૂર્વ લદ્દાખમાં ચીનની વાયુસેના મોજુદ

તાજેતરમાં જ ભારતીય વાયુસેનાના ચીફ એરમાર્શલ વી.આર. ચૌધરીએ કહ્યું હતું કે, પૂર્વ લદ્દાખમાં ચીનની વાયસેના હજુ પણ મોજુદ છે, જો કે તેમણે કહ્યું કે તેથી ભારત પર કોઈ અસર થવાની નથી. છેલ્લા થોડા વર્ષોમાં ભારતીય વાયુસેના વધુ મજબૂત બની ગઈ છે. અપાચે અને રાફેલ સામેલ થયા પછી ભારતીય વાયુસેનાની તાકાત વધી ગઈ છે. ચૌધરીએ કહ્યું કે નવા હથિયારો પણ વાયુસેનાને મળનાર છે અને તે અંગે નવી રણનીતિ પણ બની રહી છે. આ કારણે ભારતીય એરફોર્સની મારક ક્ષમતા પણ ઘણી જ વધી ગઈ છે.

તેમણે વાયુસેના અંગે ઘણી વાતો કરી, તેમાં મુખ્યત્વે ચીન સરહદે ભારતીય વાયુસેનાની સતર્કતાની વાત મુખ્ય હતી. તે ઉપરાંત તેમણે સશસ્ત્ર સુરક્ષા દળોના સંકલન, સંયોજન અને એકીકરણની પણ જરૃર જણાવી. તેમણે કહ્યું કે આપણે હવે બન્ને મોરચે લડી શકીએ છીએ. ચીને ભલે તેમની સરહદમાં બુનિયાદી માળખાનો વિસ્તાર કર્યો હોય, પરંતુ ભારત પર તેની કોઈ અસર જ નહીં થાય, તેમણે કહ્યું કે ચીન તિબેટ ક્ષેત્રમાં ત્રણ વાયુસેના મથકો પર સતત યુદ્ધ સામગ્રી તથા સૈનિકોની તૈનાતી કરી રહ્યું છે, પરંતુ આપણે પણ કોઈપણ સ્થિતિને પહોંચી વળવા માટે સક્ષમ છીએ.

વાયુસેનાના વડા વિવેકરામ ચૌધરીએ મિગ-ર૧ વિમાનોની દૂર્ઘટનાઓનો ઉલ્લેખ કરીને કહ્યું કે, હવે મિગ-ર૧ સહિત વાયુસેનાના વિમાનોની દૂર્ઘટનાઓ ઓછી થઈ છે. આપણી પાસે મિગ-ર૧ ના ચાર સ્ક્વોર્ડન છે.

ચીન-પાકિસ્તાનની જુગલબંધી અંગે તેમણે કહ્યું કે, તેનાથી આપણને કોઈ ભય નથી, પરંતુ પશ્ચિમ ટેકનોલોજી પાકિસ્તાન તથા ચીન સુધી પહોંચી રહી છે, તેનાથી સતર્ક રહેવું પડશે. હિન્દુસ્તાન એયરોનોટિક્સ લિમિટેડ પાસેથી ૬ લાઈટ યુટિલિટી હેલિકોપ્ટર્સ વાયુસેનાને મળવાની તૈયારીમાં છે. આપણે સ્વદેશી એન્ટી-ડ્રોન ક્ષમતા વધારી રહ્યા છીએ, અને વાયુસેના માટે યુએએસ પ્રણાલિને ડિઝાઈન અને વિકસિત કરવા માટે સ્ટાર્ટઅપને લાભ આપી રહ્યા છીએ.

પી.ઓ.કે.માં હવાઈ ક્ષેત્રોથી આપણે બહુ ચિંતા કરવાની જરૃર નથી, તેમ જણાવી એર માર્શલે કહ્યું કે આપણે ભારતીય વાયુસેના માટે ઝુંડ ડ્રોન વિકસિત કરવા માટે સ્ટાર્ટઅપ સાથે ટૂંક સમયમાં જ કરાર કરીશું.

હવે ચીનની અંતરીક્ષ પર નજર

હવે ચીન અંતરીક્ષમાં વર્ચસ્વ જમાવવાની હોડમાં ઉતર્યું છે. અંતરીક્ષમાં ચીન અમેરિકાને પડકારવાની તૈયારી કરી રહ્યું છે, પરંતુ તેની આડઅસરો ભારતને પણ થાય, તે સ્વાભાવિક છે. ચીન પોતાના સ્પેસ વેપન એટલે કે અંતરીક્ષના હથિયારને વિકસાવી રહ્યું છે.આ હથિયાર વધુ ઊંચાઈ સુધી અંતરીક્ષમાં રહેલા દુશ્મન દેશના ઉપગ્રહોને તોડી પાડવામાં સક્ષમ હશે.

અમેરિકાના રક્ષા મંત્રાલયે ચેતવણી આપી છે કે ચીન અંતરીક્ષમાં પ્રહાર કરવાની ક્ષમતા ધરાવતા હથિયારો વિક્સાવી રહ્યું છે. પેન્ટાગનના રિપોર્ટ મુજબ ઝડપભેર વિક્સાવવામાં આવી રહેલા આ હથિયારોના કારણે અંતરીક્ષ ટેકનોલોજીમાં ચીન હવે અમેરિકાની બરોબરી કરવા માટે સક્ષમ બની જશે. એવું મનાય છે કે, ચીનનું આ નવું ઓજાર પુથ્વીની નીચલી કક્ષામાં જ નહીં, પરંતુ ઊંચાઈ સુધી અંતરીક્ષમાં દુશ્મન દેશોના ફરી રહેલા ઉપગ્રહો પર હુમલાઓ કરવામાં સક્ષમ હશે.

ચીન અંતરીક્ષ હથિયારો માટે ખૂબ જ જંગી ખર્ચ કરી રહ્યું છે. ચીન એવા હથિયારો બનાવી રહ્યું છે, જે દુશ્મન દેશોના સેટેલાઈટ્સને નિષ્ક્રિય, સ્થગિત કે નષ્ટ કરવા સુધીની ક્ષમતા ધરાવતા હશે. ટ્રમ્પના શાસનકાળમાં અમેરિકાએ યુ.એસ. સ્પેસ ફોર્સની રચના કર્યા પછી ચીન વધુ આક્રમણ બનીને ઝડપભેર અંતરીક્ષ યુદ્ધની તૈયારી કરી રહ્યું છે, જે માત્ર ભારત કે અમેરિકા જ નહીં, પરંતુ આખી દુનિયા માટે ખતરો છે. અદ્યતન ટેકનોલોજી, સંચાર વ્યવસ્થા તથા રચનાત્મક પ્રવૃત્તિઓ માટે ઉપયોગી ઉપગ્રહો જે સ્થગિત થાય, નુક્સાન પામે કે નષ્ટ થાય, તો તેની સીધી અસર માત્ર જનજીવન નહીં, પરંતુ પ્રાકૃતિક અને પર્યાવરણીય પ્રવૃત્તિઓ પર પણ પડી શકે છે. જે સમગ્ર પ્રાણીસૃષ્ટિ માટે પણ ખતરનાક નિવડી શકે છે.

એક વેબિનારમાં ઈન્ડો-પેસિફિક કમાંડના એક ઉચ્ચ અધિકારી રિયર એડમિરલ સ્ટડમેનના પ્રવચનને ટાંકીને એવા અહેવાલો પણ આવ્યા હતાં કે, ચીનના બનાવેલા એન્ટી-સેટેલાઈટ હથિયારો દુશ્મન દેશોના સેટેલાઈટને જામ કરી દેવા અને તોડી પાડવામાં સક્ષમ હશે. ચીન અમેરિકા-ભારતની અંતરીક્ષ ક્ષમતા પર બાજ નજર રાખી રહ્યું છે. તે અમેરિકાની બરોબરી જ નહીં, પરંતુ અમેરિકાથી આગળ નીકળવા માંગે છે.

ચીનની સેના ઈન્ટિગ્રેટેડ સ્પેસ સર્વિસ સેટેલાઈટનો સર્વે કરીને નેવિગેશન તથા સેટેલાઈટ કોમ્યુનિકેશનની માહિતી એકત્ર કરી રહી છે.પેન્ટાગનના વાર્ષિક રિપોર્ટમાં પણ આ જ પ્રકારની ચેતવણી અપાઈ છે.

આ રિપોર્ટ મુજબ ચીની સૈન્યની સ્પેસ કમાંડ અમેરિકી સેનાની કોમ્યુનિકેશન સિસ્ટમને જ ઠપ્પ કરવા માટે પોતાની કમાંડ-એન્ડ કંટ્રોલ સિસ્ટમ તથા હથિયારોનું આધુનિકરણ ઝડપભેર કરી રહી છે. ડીએનઆઈના રિપોર્ટને ટાંકીને કહેવામાં આવ્યું છે કે, અંતરીક્ષ હથિયારોનો વિકાસ ભવિષ્યમાં અંતરીક્ષ યુદ્ધના સંકેતો આપી રહ્યા છે.

એન્ટી સેટેલાઈટ વેપન એટલે શું?

એન્ટી-સેટેલાઈટ વેપન એ એવું હથિયાર હોય છે, જે કોઈપણ દેશના ઉપગ્રહોને નિષ્ક્રિય કે નષ્ટ કરી શકે છે, જો કે હજુ સુધી આવા હથિયારનો ઉપયોગ કોઈ દેશે કર્યો નથી, પરંતુ માત્ર પરીક્ષણો જ થયા છે. ભારતે પણ આવા પ્રયોગો કર્યા છે, જે ચીન જેવા ખંધા દેશ સામે સુરક્ષા માટેનું ઘણું મહત્ત્વપૂર્ણ કદમ હતું. ઘણાં દેશો આ પ્રકારની ક્ષમતાને રચનાત્મક અંતરીક્ષ કાર્યક્રમોની સુરક્ષા માટે જરૃરી માને છે. અત્યાર સુધીમાં સેટેલાઈટને તોડી પાડવા કે નિષ્ક્રિય કરવાની ક્ષમતા માત્ર અમેરિકા, રશિયા, ચીન અને ભારત પાસે જ છે.

 

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

અફઘાનિસ્તાન મુદ્દે ચીનની ભેદી ચાલઃ સ્થિરતા-શાંતિની વાતો અને તાલિબાની આતંકીઓને ઉત્તેજન!

અમેરિકાની પીછેહઠ કે ગુપ્ત રણનીતિ? હવે સાઉદી અરેબિયા શું કરશે? પાક.ની જેમ સફઘાનિસ્તાન પણ ચીનની કઠપૂતળી બનશે?

અફઘાનિસ્તાન પર બે દાયકા પહેલા શાસન કરનાર તાલિબાન સરકારમાં ન્યાયમંત્રી રહી ચૂકેલા મુલ્લા તુરાબીએ કરેલા નિવેદને ચકચાર જગાવી છે. તેમણે વિશ્વ સમુદાયને ચોંકાવી દીધો છે. અમેરિકી સૈન્યની વિદાય થતાં સુધી ડાહી-ડાહી વાતો કરીને મહિલાઓને સમાન અધિકારો તથા અહિંસક અને શાંતિપૂર્ણ શાસન કરવાની ખાત્રી ઉચ્ચારતા તાલિબાનો હવે પોતાની આતંકી, અમાનવીય અને ઘાતકી મનોવૃત્તિ પર પરત ફરી રહ્યા છે, જેમાં જાહેરમાં ગોળી મારીને ફાંસીની સજા તથા હાથ કાપવા જેવી સજાઓ પણ (તાલિબાનોની દૃષ્ટિએ) ગુનેગારો હોય તેને અપાશે. તાલિબાની નેતા મુલ્લા તુરાબીએ સખ્ત ઈસ્લામ કાનૂન લાગુ કરીને તેને અનુરૃપ જ સજા અપાશે, તેવી સ્પષ્ટ વાત કરી છે. એ અહેવાલોને ફગાવી દીધા હતાં, જેમાં કહેવાયું હતું કે, ફાંસીની સજા સામે તાલિબાનો નવા નારાજ છે, અને તેવું કાંઈ કરવા ઈચ્છતા નથી.

અત્યારે વિશ્વના દેશો યુનોમાં મળી રહ્યા છે અને વિવિધ વૈશ્વિક પ્લેટફોર્મ પર રાષ્ટ્રાધ્યક્ષો પરસ્પર દ્વિપક્ષિય મુલાકાતો અને વાટાઘાટો પણ કરી રહ્યા છે, ત્યારે વૈશ્વિક વેપાર-ઉદ્યોગ, દ્વિપક્ષિય તથા સામૂહિક સંબંધો, સાંસ્કૃતિક આદાન-પ્રદાન ઉપરાંત વિશ્વ સામેના પડકારો, ક્લાઈમેટ ચેઈન્જ, જલવાયુ પ્રદૂષણ, દરિયાઈ સુરક્ષા, કોરોના મહામારી પછીની આર્થિક સ્થિતિ, તથા લગભગ કાયમી ધોરણે ચર્ચાતા રહેતા મુદ્દાઓની સાથે સાથે આ વખતે વિશેષ સ્વરૃપે આતંકવાદ, માનવતા વિરોધી પરિબળો તથા અશાંતિસર્જક ઘટનાક્રમોના સંદર્ભે અફઘાનિસ્તાનમાં તાલિબાનોની સરકાર વિષે પણ ચર્ચા થઈ જ રહી હશે, પરંતુ તેના વિવરણો કદાચ ગળાઈ ગળાઈને આવી રહ્યા હશે.

આ તમામ ઘટનાક્રમો તથા વડાપ્રધાન નરેન્દ્ર મોદીની અમેરિકી યાત્રા, ત્યાં વિવિધ દેશોના રાષ્ટ્રાધ્યક્ષો તથા રાષ્ટ્રપતિ-ઉપરાષ્ટ્રપતિ સાથેની વાટાઘાટો, અમેરિકન કંપનીઓના સીઈઓ સાથે વાતચતી અને યુનોમાં વિવિધ રાષ્ટ્રાધ્યક્ષોના પ્રવચનોની ચર્ચા વિશ્વભરમાં અને આંતરરાષ્ટ્રીય મીડિયામાં થઈ રહી છે, જેમાં ભારતના પોઈન્ટ ઓફ વ્યૂ અને સૂચનોને પણ મહત્ત્વ અપાઈ રહ્યું છે. બીજી તરફ સંયુક્ત રાષ્ટ્રસંઘના મહાસચિવ એન્ટેનિયો ગુટારેસે કહ્યું છે કે, વિશ્વ સમુદાય અફઘાનિસ્તાનમાં સ્થિરતા ઈચ્છે છે.

પંચશક્તિઓ ઈચ્છે છે સમાવેશી સરકાર

યુએનના સેક્રેટરી જનરલે ગુરુવારે એક પ્રેસકોન્ફરન્સમાં કહ્યું હતું કે, યુએનના પાંચ સ્થાયી સભ્યો એટલે કે પંચશક્તિઓ અફઘાનિસ્તાનમાં સ્થિરતા અને સમાવેશી સરકાર ઈચ્છે છે, જે વૈશ્વિક પ્રવાહોને અનુરૃપ હોય, બ્રિટન, ચીન, ફ્રાન્સ, રશિયા અને અમેરિકાના વિદેશમંત્રીઓ સાથે થયેલી વાતચીતનો સંદર્ભ આપીને તેમણે કહ્યું કે આ પાંચેય શક્તિશાળી રાષ્ટ્રો શાંતિપૂર્ણ અને સ્થિર અફઘાનિસ્તાન ઈચ્છે છે, જ્યાં કમજોર લોકોને કોઈપણ અવરોધ વગર માનવીય મદદ પહોંચાડી શકાતી હોય, અને જ્યાં મહિલાઓ-યુવતીઓના અધિકારોનું સન્માન હોવા, મુલ્લાતુરાબીનું નિવેદન પંચશક્તિઓની આ અપેક્ષાનો જડમૂળથી છેદ્ ઊડાડનારૃ છે. આ પંચશક્તિઓમાં યે ચીન પણ સામેલ છે, જેમણે વર્તમાન તાલિબાન શાસકોની પ્રારંભથી જ મદદ કરી છે. ચીનની આ ખતરનાક ચાલ છે.

અફઘાનિસ્તાનને પણ પાક.ની જેમ કઠપૂતળી બનાવવા માંગે છે ચીન?

પાકિસ્તાનને મદદ કરવાના બહાને અને આર્થિક કોરિડોરનું વિસ્તરણ કરીને ચીને પાક.ના તમામ મોટા મોટા ક્ષેત્રો પર તેમની કંપનીઓના માધ્યમથી કબજો જમાવ્યો છે, અને લગભગ કઠપૂતળી જ બનાવી દીધું છે. કાશ્મીરના મુદ્દે વારંવાર પાકિસ્તાનની તરફેણ કરવાના બદલામાં ચીને પાક.ને નીચોવી જ લીધું છે. ચીને શ્રીલંકાને પણ કંગાળ બનાવ્યું છે. નેપાળ અને માવદીવમાં પણ ચીને કુટનૈતિક, કોમર્શિયલ અને ઔદ્યોગિક ક્ષેત્રે ચાલાકીપૂર્વક ઘૂસણખોરી કરી છે. બાંગલાદેશમાં પણ બંદર, રેલવે અને વ્યાપારિક ક્ષેત્રે મૂડીરોકાણના નામે ચીને પોતાનો પ્રભાવ વધારી દીધો છે. હવે બેલ્ટ એન્ડ રોડ ઈનિશિએટિવ અને આર્થિક કોરિડોરના વિસ્તરણને લઈને અફઘાનિસ્તાન પર જાળ બિછાવવા ચીને તાલિબાનોની સરકાર હજુ રચાઈ પણ નહોતી, ત્યાં જ ૩ કરોડ ડોલરથી વધુની સહાયની જાહેરાત કરી દીધી હતી. ભારતને ચોતરફથી ઘેરવા ઉપરાંત પાકિસ્તાનની જેમજ અફઘાનિસ્તાનને પોતાની કઠપૂતળી બનાવવા જ ચીન વિશ્વમતની પરવા કર્યા વગર અને માનવતાને નેવે મૂકીને આતંકવાદી તાલિબાનોનું ખુલ્લુ સમર્થન કરી રહેલું જણાય છે.

અમેરિકા ઢીલું પડ્યું કે બાઈડનની કોઈ ગુપ્ત રણનીતિ છે?

તાજેતરમાં સંયુક્ત રાષ્ટ્રસંઘમાં અમેરિકાના રાષ્ટ્રપતિ જો બાઈડને કરેલું પ્રવચન વિશ્વમાં ચર્ચાસ્પદ બન્યું છે. તેનું કારણ એ છે કે, અફઘાનિસ્તાનમાંથી પીછેહઠ કર્યા પછી જગતના જમાદાર અમેરિકાએ વૈશ્વિક રાજનીતિમાં મૂળભૂત ફેરફારના સંકેત આપ્યા છે. બાઈડને ફરીથી 'કોલ્ડવેર' અમેરિકા ઈચ્છતું નથી, તેવું કહ્યું તેના જુદા જુદા અર્થઘટનો થઈ રહ્યા છે. રશિયા અને ચીન વચ્ચે વધી રહેલ ઘનિષ્ઠતા પણ અમેરિકા અને ભારત માટે ચિંતાજનક બની રહી છે. આ કારણે વિશ્વમાં ફરીથી કોલ્ડવોરની સ્થિતિનો ખતરો ઊભો થયો છે. રશિયા અને ચીનની ધરી રચાઈ રહી છે, તેની સાથે યુરોપના દેશો, બ્રિટન અને અમેરિકાની જુથબંધી 'કોલ્ડવોર'ના સંકેતો આપી રહી છે. આ 'કોલ્ડવોર' પ્રત્યક્ષ યુદ્ધો કર્યા વગર જ દુનિયાને બે ભાગમાં વહેંચી નાંખે, તો ભારત જેવા રશિયા અને અમેરિકા-બન્ને સાથે સારા સંબંધો ધરાવતા દેશોની સ્થિતિ સૂડીમાં સોપારી જેવી થઈ શકે છે. બીજી તરફ ચીનની દરિયાઈ ક્ષેત્ર સહિત વિવિધ ક્ષેત્રે દાદાગીરી સામે જો બાઈડન નમતું જોખે, તે વાત જ ગળે ઉતરે તેમ નથી, તેથી અમેરિકાનું હાલનું ઢીલુ જણાતું વલણ જો બાઈડનની કોઈ ઊંડી રણનીતિનો ભાગ હોય તેમ જણાય છે.

સાઉદી અરેબિયાનું વલણ કેવું હશે?

વિશ્વમાં અત્યારે તાલિબાનોએ અફઘાનિસ્તાન પર કબજો જમાવ્યો છે, તેની ચિંતા છે, ત્યારે સાઉદી અરેબિયાનું તાલિબાનોને લઈને વલણ કેવું હશે તેની ચર્ચા સમગ્ર વિશ્વમાં થઈ રહી છે. અફઘાનિસ્તાનમાં તાલિબાનોના નિયંત્રણ દરમિયાન કતારની ભૂમિકા અને પાકિસ્તાન અને તુર્કીનો તાલિબાનોને ખુલ્લો ટેકો સંયુક્ત આરબ અમીરાત અને સાઉદી અરેબિયાને અકળાવી રહ્યો છે. સાઉદી અરેબિયા ભારત-પાકિસ્તાનના સંબંધોના મુદ્દે પહેલેથી જ ડબલ ઢોલકી વગાડતું રહ્યું છે. સાઉદી અરેબિયાની સુરક્ષા વ્યવસ્થામાં પાકિસ્તાની સૈન્યની તૈનાતી ઈરાનના મુદ્દે પાકિસ્તાનનું સાઉદી અરેબિયાને સમર્થન જોતા સાઉદી અરેબિયા પાકિસ્તાનનું ગાઢ દોસ્ત રહ્યું છે, પરંતુ થોડા વર્ષોથી ભારત સાથે પણ સંબંધો સુધર્યા છે અને કાશ્મીર મુદ્દે પણ વલણ બદલાયું છે, ત્યારે તાલિબાનોના મુદ્દે સાઉદી અરેબિયા ભારતના વલણનું સમર્થન કરે છે કે કેમ? તે જોવાનું રહે છે.

અગ્નિ-૬ મિસાઈલ વિક્સાવવાની ભારતની તૈયારીથી ચીન ગિન્નાયું

ભારતીય સેનાને રક્ષામંત્રાલય દ્વારા રૃપિયા ૭પર૩ કરોડના ખર્ચે નવી ૧૧૮ અર્જુન ટેન્કો મળશે, તો ભારતે અગ્નિ-પ બેલેસ્ટિક મિસાઈલની ટ્રાયલ શરૃ કરતા જ ચીનના ભવાં ચઢી ગયા અને હવે ભારતે લગભગ આખી દુનિયાની રેન્જ પકડવા અગ્નિ મિસાઈલ શ્રેણીના કાર્યક્રમ આગળ વધાર્યો છે અને ટેન્કોના જમાવડા ઉપરાંત અગ્નિ-૬ ના નિર્માણની તૈયારી શરૃ કરી દેતા ચીન ગિન્નાયું છે. અગ્નિ-પ ની રેન્જ પાંચ હજારથી સાડાપાંચ હજાર કિલોમીટરની હોવાથી ચીનના મોટાભાગના વિસ્તારો આવી જાય છે, અને હવે ૧ર હજાર કિલોમીટરની રેન્જ ધરાવતી અગ્નિ બેલેસ્ટિક મિસાઈલની તૈયારીના કારણે ભારતે સમગ્ર વિશ્વનું પણ ધ્યાન ખેંચ્યું છે. વર્ષ ૧૯૮૯ થી શરૃ થયેલી અગ્નિ મિસાઈલ શ્રેણી શરૃ કરી હતી. તે ઉપરાંત તેના દસેક વર્ષ પછી આકાશ અને અર્જુન તથા વર્ષ-ર૦૦૯ માં આકાશ મિસાઈલ પણ બનાવી હતી. અર્જુન ટેન્ક પછી ભારતે બ્રહ્મોસ મિસાઈલ પણ બનાવી લીધી છે. પૂર્વ રાષ્ટ્રપતિ દિવંગત અબ્દુલ કલામ વૈજ્ઞાનિક હતાં, તે સમયથી જ વિવિધ વિશેષતાઓ ધરાવતી મિસાઈલો, ટેન્કો અને યુદ્ધ સામગ્રીનું ઘરઆંગણે નિર્માણ કરવાની દિશા પકડાઈ ગઈ હતી અને હવે તેમાં તિવ્ર ગતિશીલતા આવી ગઈ છે. જેથી ચીન ભારતની વધી રહેલી સૈન્ય તાકાતથી અકળાઈ ગયું છે અને ક્ષેત્રિય શાંતિ જોખમાવાની વાતો કરી રહ્યું છે. તે સ્પષ્ટ જણાય છે.

ચીન પાસે મિસાઈલોની કમી નથી

બીજો કોઈપણ દેશ સૈન્ય તાકાત વધારે ત્યારે ક્ષેત્રિય અથવા વૈશ્વિક શાંતિની સુફિયારી વાતો કરતું ચીન પોતે તો પરમાણુ હથિયારો ઉપરાંત અન્ય યુદ્ધ સામગ્રીમાં પણ તોતિંગ વધારો કરતું જ રહ્યું છે. ચીન પાસે લાંબા અંતરની ડી.એફ. ફાઈવ(એ) નામની એવી મિસાઈલ છે, જે ૧૩ હજાર કિલોમીટરની રેન્જ ધરાવે છે. આ મિસાઈલ ૩ર ક્વિન્ટલ વજનના વિસ્ફોટકોનું વહન કરવાની ક્ષમતા ધરાવે છે. ચીન સબમરીનનો ઉપયોગ કરીને તેના પરથી લોન્થ થઈ શકે, તેવી જે એલ-ટુ મિસાઈલ ધરાવે છે, જેની રેન્જ આઠ હજાર કિલોમીટરની છે. ચીન પાસે આથી ઓછી ક્ષમતાની મિસાઈલા-યુદ્ધસામગ્રી તો પૂરતા પ્રમાણમાં છે જ, પરંતુ હવે ચીન ડીએફ-૪૧ બેલેસ્ટિક મિસાઈલ પણ વિક્સાવી રહ્યું છે, જેની રેન્જ ૧પ હજાર કિલોમીટરની હોવાનું કહેવાય છે. ચીન હવે પાકિસ્તાનને પણ મિસાઈલો બનાવવામાં મદદ કરી રહ્યું છે. પાકિસ્તાનની શાહીન-૩ મિસાઈલ ૧૭૦૦ કિલોમીટરની રેન્જ ધરાવે છે. તે ઉપરાંત પાકિસ્તાન ચીનની છૂપી મદદથી હત્ફ અને ઘોરી મિસાઈલો પણ બનાવી છે. એવું પણ કહેવાય છે કે, આ બન્ને પ્રકારની મિસાઈલો તો ચીને જ બનાવી આપી છે. આમ, ચીનની મેલી મુરાદ જોતા ભારતે હવે વધું સચેત રહેવા જેવું છે.

 

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

અમેરિકાના સાંસદોએ સનાતન 'સત્ય' ઉજાગર કર્યું, તો પાક. પી.એમ. કેમ અકળાઈ ગયા?

આ વર્ષે 'વિશ્વ શાંતિ દિવસ'નું થીમ અને મૂળ ઉદ્દેશ્યો ઘણાં જ પ્રસ્તુત છે, કારણ કે કોરોના પછીનું વિશ્વ જ બદલાઈ ગયું છે

અફઘાનિસ્તાનમાં અત્યારે અશાંતિની પરાકાષ્ટા છે, અને માનવાધિકારોનું હનન નહીં પણ હત્યા થઈ રહી છે. જે અમેરિકા સહિત વિશ્વભરમાંથી માનવાધિકારોના ઠેકેદારો આખી દુનિયાની પંચાત કરતા રહે છે, તે જ અમેરિકાએ તાલીબાનોને પડદા પાછળથી સમજુતિ કરીને સત્તા સોંપી દીધી છે, અને માનવાધિકારોના નામે ભારત સહિત દેશના ઘણાં દેશોના આતંકવાદ, કટ્ટરવાદ અને નક્સલવાદ સામે લેવાતા પગલાં સામે અવાજ ઊઠાવનારાઓ અફઘાનિસ્તાનમાં માનવાધિકારોની ખુલ્લેઆમ કત્લેઆમ સામે ચૂપ છે, ત્યારે આજે 'આંતરરાષ્ટ્રીય શાંતિ' માટે વિશ્વ સમુદાય એકજુથ થાય તેની તાતિ જરૃરિયાત વર્તાઈ રહી છે.

પાકિસ્તાનના વડાપ્રધાન કહે છે કે, અફઘાનિસ્તાનના મુદ્દે અમેરિકાનો સાથ આપવાની પાકિસ્તાને ઘણી મોટી કિંમત ચૂકવવી પડી છે. અમેરિકાની એક સંસદીય (સનેટ) સમિતિના સભ્ય સાંસદોએ પાકિસ્તાન પર તાલીબાનોને મદદ કરવાનો આરોપ લગાવ્યો છે. સેનેટની વિદેશી બાબતોની સમિતિમાં સુનાવણી દરમિયાન કરાયેલી કેટલીક ટિપ્પણીઓને લઈને ધૂંઆપૂંઆ થયેલા ઈમરાન ખાને આ પ્રકારના શબ્દપ્રયોગો કરીને વરાળ કાઢી છે. હકીકતે ૯/૧૧ પછી અફઘાનિસ્તાનમાં આતંકીઓ પર હુમલાના સમયે તત્કાલિન રાષ્ટ્રપતિ મુશર્રફે ઊઠાવેલા કેટલાક અમેરિકા તરફી પગલાંઓને અયોગ્ય ઠરાવતા રહેતા ઈમરાન ખાન હવે અમેરિકાની ચોખ્ખીચણક નીતિ અને તાલિબાનોની સત્તાપ્રાપ્તિ પછી વિશ્વના દેશો દ્વારા પાકિસ્તાન તરફ શંકાની નજરે જોવાના કારણે ગિન્નાયા છે. આતંકિસ્તાનના આકાઓને અફઘાનિસ્તાનમાં હવે આશ્રયસ્થાન મળી રહશે અને પાકિસ્તાન તેની મદદથી ભારત અને અમેરિકા વિરોધી મેલી મુરાદની સફળતા માટે પ્રપંચો વેગીલા બનાવશે, તેવા સ્પષ્ટ સંકેતો ઈમરાન ખાનની આ અકળામણમાંથી મળે છે. આથી જ વિશ્વે આજે 'અશાંતિ વિરોધી' ચળવળ આદરીને વિશ્વમાં આતંકવાદ વિરોધી માહોલ ઊભો કરવો જોઈએ.

આજે વિશ્વશાંતિ દિવસ

દર વર્ષે વિશ્વભરમાં 'વિશ્વશાંતિ દિવસ' મનાવાય છે. આ ઉજવણીનો મુખ્ય ઉદ્દેશ્ય આંતરરાષ્ટ્રીય કક્ષાએ તમામ દેશોના નાગરિકો વચ્ચે શાંતિ ઊભી કરવાનો છે, અને આંતરરાષ્ટ્રીય મતભેદો નિવારીને વિવાદો તથા ઝઘડાઓ ખતમ કરવાનો હેતુ પણ છે.

વર્ષ ર૦ર૧ ની થીમ

વિશ્વશાંતિ દિવસની વર્ષ ર૦ર૧ની થીમ 'રિકવરીંગ બેટર ફોર એન ઈક્વિટેબલ એન્ડ સસ્ટેઈનેબલ વર્લ્ડ' છે. ગયા વર્ષની થીમ 'શોપીંગ પીસ ટુગેધર' હતી, જ્યારે વર્ષ ર૦૧૯ ની થીમ 'ક્લાઈમેન્ટ એક્શન ફોર પીસ' હતી.

ઈન્ટરનેશનલ ડે ઓફ પીસની ચર્ચા હંમેશાં વિશ્વભરમાં થતી રહે છે, પરંતુ તેનો મૂળ ઉદ્દેશ્ય ભાગ્યે જ સિદ્ધ થાય છે, તેના કારણોમાં વિશ્વના દેશોની ભિન્ન ભિન્ન પ્રાથમિક્તાઓ, સામ્રજ્યવાદી માનસિક્તા, આતંકવાદને પોતાના સ્વાર્થે પ્રોત્સાહિત કરવાની રણનીતિ અને પરસ્પર અવિશ્વાસ તથા દગાબાજીને મુખ્ય ગણી શકાય.

ક્યારથી મનાવાય છે વિશ્વશાંતિ દિવસ

આંતરરાષ્ટ્રીય અથવા વિશ્વશાંતિ દિવસ એટલે કે ઈન્ટરનેશનલ પીસ ડે સૌ પ્રથમ વર્ષ ૧૯૮ર માં મનાવાયો હતો. યુનો દ્વારા વર્ષ ૧૯૮૧ માં સૌ પ્રથમ આ અભિગમની ચર્ચા શરૃ કરાઈ હતી, જો કે બે દાયકા પછી યુએન દ્વારા અહિંસા અને સંઘર્ષવિરામનું સ્વરૃપ અપાયું હતું. વર્ષ ર૦૦૧ પહેલા આ દિવસ સપ્ટેમ્બરના ત્રીજા મંગળવારે મનાવાતો હતો, પરંતુ તે પછી દર વર્ષે ર૧ મી સપ્ટેમ્બરે વિશ્વશાંતિ દિવ મનાવવાનું ઠરાવાયું હતું, અને તેથી દર વર્ષે ર૧ મી સપ્ટેમ્બરે આ દિવસ મનાવાય છે.

વિશ્વશાંતિ દિવસની વાસ્તવિક ઉજવણી આજના સંજોગોમાં ઘણી જ પ્રસ્તુત છે, કારણ કે અત્યારે ચીન અને અમેરિકા વચ્ચે તનાતની પ્રવર્તી રહી છે. રશિયા પણ અમેરિકાની અફઘાનિસ્તાનમાંથી પીછેહઠ પછી તેવર બદલી રહેલું જણાય છે. પેલેસ્ટાઈન-ઈઝરાયેલનો સંઘર્ષ યથાવત્ છે. આઈએસઆઈએસની ઘાતકી પ્રવૃત્તિઓ પનપી રહી છે, તો પાકિસ્તાન વિશ્વભરના આતંકવાદનું પાલન-પોષણ કરી રહ્યું છે. ઈરાન-અમેરિકા વચ્ચે યુદ્ધ જેવો માહોલ છે, તો ભારત-પાક. વચ્ચે ભારેલો અગ્નિ છે. તેવી જ રીતે ભારત-ચીન વચ્ચે પણ શતરંજ ખેલાઈ રહી હોય, તેવા દાવપેચ રમાઈ રહ્યા છે. આ સંજોગોમાં વિશ્વશાંતિ દિવસ વાસ્તવમાં સફળતાથી ઉજવાય તો તે આશીર્વાદરૃપ છે.

ટકાઉ અને સમાન દુનિયા માટે બહેતર રિકવરી

આ વર્ષે થીમ ખૂબ જ સમજી-વિચારીને રાખવામાં આવ્યું હોય તેમ જણાય છે. અત્યારે દુનિયા કોરોના પેન્ડેમીકના કારણે આર્થિક, સામાજિક અને વિકાસ પ્રક્રિયામાં પણ ઘણી પાછળ ધકેલાઈ ગઈ છે, અને હવે ટકાઉ વિકાસ માટે દુનિયામાં સમાન પ્રયાસો જરૃરી છે, ત્યારે 'ટકાઉ અને સમાન દુનિયા'ના પૂનઃનિર્માણ માટે બહેતર રિકવરી આવવી જરૃરી છે, જે શાંતિભર્યા માહોલમાં જ સંભવ છે. બીજી તરફ વિશ્વમાં હાલમાં ઊભી થયેલ અશાંતિ, અફઘાનિસ્તાનમાં આતંકીરાજ અને ચીન-રશિયા-અમેરિકા વચ્ચે વર્ચસ્વની ખેંચતાણના કારણે વિશ્વ ફરીથી અનેક ટૂકડાઓમાં વહેંચાઈ રહેલું જોવા મળે છે. આ સંજોગોમાં આજના વિશ્વશાંતિ દિવસે થીમને અનુરૃપ કોઈ પહેલ થાય અને આતંકવાદ વિરોધી અને સાચા અર્થમાં માનવતા તરફી માહોલ ઊભો કરવા સમગ્ર વિશવ એકજુથ થાય, તે ખૂબ જ જરૃરી છે. એવું થશે, તો જ કોરોનાના કારણે પડેલી ખાઈ બૂરી શકાશે અને કુદરતી આફતો તથા માનવતાવિરોધી ઘાતક પ્રવૃત્તિઓ સામે લડી શકાશે. આજે વિશ્વશાંતિ દિવસે પણ જો અશાંતિ, હિંસા, આતંકના ખપ્પરમાં હોમાઈ રહેવાનું ચાલુ રહેશે, તો દુનિયા અનેક સદીઓ પાછળ ધકેલાઈ જશે.

લોકતાંત્રિક વ્યવસ્થાઓ જરૃરી

અત્યારે વિશ્વમાંથી લોકતાંત્રિક વ્યવસ્થાઓ ખતમ થઈ રહી છે. અફઘાનિસ્તાનમાંથી લોકશાહી ખતમ થઈ અને તાલિબાની સામ્રાજ્ય સ્થપાયું, તેની પાછળ પાક.ની મેલી મુરાદ અને આઈએસઆઈએસની ઘાતકી તથા સામ્રાજ્યવાદી માનસિક્તાનો વધી રહેલો પ્રભાવ જવાબદાર છે, તેથી વિશ્વ હવે સમાન અને ટકાઉ રિકવરીની સાથે સાથે અશાંતિસર્જક પરિબળો સામે વાસ્તવમાં એકજુથ થાય તે પણ ખૂબ જ જરૃરી છે.

 

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

પ્રકૃતિ કરવટ બદલી રહી છે, ત્યારે આગ લાગે પછી કૂવો ખોદવાની માનસિક્તા હવે બદલવી જ પડે

વાંસનો ઉપયોગ જીવનમાં તો વિવિધ સ્વરૃપે અનિવાર્ય પણે જ થાય છે, પરંતુ જિંદગી પૂરી થયા પછી નનામી માટે પણ વાંસ ઉપયોગી છે

વાંસ એટલે કે બંબૂ એવી ચીજ છે, જે ગરીબોની ઝુંપડીથી માંડીને. સુશોભિત મહેલો અને સામાન્ય માનવી માટે સુરક્ષાના સાધનથી લઈને બેરીકેટીંગ, સુશોભન અને મંડપ વિગેરે વિવિધ ક્ષેત્રે ઉપયોગી બને છે. આ વાંસની કેટલી ઉપયોગિતા છે અને તેને કારણે આખી દુનિયા આજે વિશ્વ વાંસ દિવસ અથવા વર્લ્ડ બમ્બૂ ડે મનાવે છે, તે બહું ઓછા લોકોને ખબર હશે.

ઉજવણી ક્યારથી શરૃ થઈ?

વર્ષ ર૦૦૯ માં બેંગકોકમાં આઠમી વિશ્વ વાંસ કોંગ્રેસ મળી, ત્યારે વિશ્વ વાંસ દિવસની ઉજવણી કરવાનું નક્કી કરાયું હતું. આ જાહેરાત થાઈલેન્ડના વનવિભાગે કરી હતી. વાંસની ઉપયોગિતા વિષે જાગૃતિ ફેલાવવા આ નિર્ણય લેવાયો હતો.

તે પછી દર વર્ષે ૧૮ મી સપ્ટેમ્બરે આ ઉજવણી થતી રહી છે. આ દિવસે વાંસનો દૈનિક જરૃરિયાતો માટે ઉપયોગ વધારવા અને તેના ઉત્પાદનથી લઈને માર્કેટીંગ સુધીની વ્યવસ્થાઓ અંગે ચર્ચા-પરામર્શ, વાંસરોપણ, જનજાગૃતિ સમારોહ, દોડ, વિવિધ સ્પર્ધાઓ અને વિવિધ દેશોમાં જુદા જુદા ઉત્સવોની જેમ ઉજવણી સહિતની પ્રવૃત્તિઓ યોજાતી રહે છે.

ભારતમાં સૌથી વધુ ઉત્પાદન ક્યાં થાય છે?

ભારતમાં આસામમાં સૌથી વધુ વાંસનું ઉત્પાદન થાય છે, કારણ કે ત્યાંના વનો વિવિધ પ્રકારના વાંસની પ્રજાતિઓથી ભરેલા પડ્યા છે. ચીન પછી વાંસના સંસાધનોમાં ભારત બીજા સ્થાને છે. પૂર્વોત્તરના રાજ્યોમાં ૬૦ ટકા વાંસ આરક્ષિત છે. તાજેતરમાં ભારત સરકારે ખેડૂતો, હસ્તકલા સાથે સંકળાયેલા કલાકારો તથા અન્ય સુવિધાઓ માટે રાષ્ટ્રીય વાંસ મિશન હેઠળ કરોડો રૃપિયાનું રોકાણ કરવાનું આયોજન અમલી બનાવ્યું છે. આ કારણે પૂર્વોત્તરમાં રોજગારીની તકો વધી હોવાનો દાવો પણ કરવામાં આવી રહ્યો છે.

એક અંદાજ મુજબ રપ હજાર જેટલા વાંસ આધારીત ઉદ્યોગો બે કરોડ જેટલા લોકોને પ્રત્યક્ષ અથવા પૂરક રોજગારીની તકો પૂરી પાડે છે.  વાંસમાંથી ઘણી ચીજવસ્તુઓ બને છે. કાગળ ઉદ્યોગ પણ વાંસનો મહત્તમ કરે છે. વાંસના ઘરો પણ બને છે, અને છત પણ બને છે. વાંસમાંથી સુંદર ફર્નિચરનું પણ નિર્માણ થાય છે. હેન્ડીક્રાફ્ટ અને જ્વેલરી માટે પણ વાંસ ઉપયોગી છે. વાંસનો ઉપયોગ સાયકલોના નિર્માણ માટે પણ થાય છે. અંતિમ ક્રિયાની નનામીના સ્વરૃપે જિંદગીના અંત પછી પણ વાંસનો ઉપયોગ થાય છે.

આયાતના બદલે નિકાસનુંઃ પર્યાવરણની રક્ષા

વિશ્વ વાંસ સંગઠન દ્વારા દર વર્ષે જુદા જુદા કાર્યક્રમો યોજાતા રહે છે. પ્રાકૃતિક સંસાધનો અને પર્યારવણના રક્ષણ માટે પણ વાંસનો ઉપયોગ થાય, અને વાંસનો રોજીંદા જીવનમાં ઉપયોગ વધે તે દિશામાં વિશેષ પ્રયત્નો થઈ રહ્યા છે. હવે વાંસની કેટલીક ચીજસ્તુઓ આયાત કરવાના સ્થાને દેશની જરૃરિયાતો દેશમાંથી જ પૂરી થાય, એટલું જ નહીં, તે ઉપરાંત નિકાસ પણ થાય, તેવું લક્ષ્ય રખાયું છે.

પ્રકૃતિ બદલી રહી છે કરવટ

વાંસની જેમ જ તમામ પ્રકારના વૃક્ષો માત્ર જનજીવન કે પ્રાણીસૃષ્ટિ જ નહીં, પરંતુ પૃથ્વી અને વાતાવરણના અસ્તિત્વ માટે પણ ખૂબ જ મહત્ત્વના છે અને તેના જ અસ્તિત્વને માનવીએ ખતરામાં નાંખી દેતા હવે પ્રકૃતિ કરવટ બદલી રહી હોય તેમ જણાય છે. ગુજરાતમાં ઉનાળમાં વાવાઝોડું આવ્યું, તે પછી પ્રારંભિક વરસાદ પણ થયો, પરંતુ તે પછી લગભગ બે મહિના સુધી વરસાદ જ ગાય થઈ ગયો. વરસાદ માટે પ્રાર્થનાઓ અને યજ્ઞો થવા લાગ્યા, તો વૈજ્ઞાનિકો પણ બદલી રહેલા ઋતુચક્રોને લઈને સંશોધનો કરવા લાગ્યા તે પછી 'દે ધનાધન' ભારે વરસાદ થયો. પૂર આવ્યા, પાણી ભરાયા, તારાજી થઈ અને વરસાદની અડધોઅડધ ઘટ હતી, તે હવે વીસ ટકા સુધી આવી ગઈ. આ બદલાવ પ્રકૃતિ બદલી રહી હોવાના સંકેતો આપે છે.

આગ લાગે ત્યારે કૂવો ખોદવાથી નહીં ચાલે

ગુજરાતમાં કહેવત છે કે આગ લાગે ત્યારે કૂવો ખોદવા ન બેસવા, મતલબ કે અગ્નિશામક સાધનો તથા પાણી વગેરેની વ્યવસ્થા પહેલેથી રાખવી જોઈએ.આમ આગ લાગે, ત્યારે તેને ઠારવા પાણી ન હોય અને તે સમયે કૂવો ખોદવા બેસીએ તો કૂવો ખોદાય, તે પહેલા જ બધું બળીને ભસ્મ થઈ જાય. આ દૃષ્ટાંત સાથે આ કહેવત કોઈપણ વિપત્તિ કે સમસ્યાને પહોંચી વળવા સમયોચિત તૈયારી રાખવાની જરૃર જણાવે છે.

આપણે દુષ્કાળ પડે કે પૂરથી તબાહી થાય, તે માટે પૂર્વતૈયારી રાખતા જ નથી. જેવી રીતે કોરોના જેવી બીમારીઓ થતી અટકાવવા રોગ પ્રતિકારક રસી મૂકવવી પડે છે, અને તે માટે તાબડતોબ પોલિસીઓ બની રહી છે. તેવી જ રીતે અચાનક આવી પડતી કુદરતી આફતો, અલ્પવૃષ્ટિ, અતિવૃષ્ટિ, વાવાઝોડાઓ વગેરેને લઈને પણ ગંભીર બનવું પડે તેમ છે, પરંતુ તેમાં આપણે બેદરકાર રહીએ છીએ. આપણે કુદરતી આફતો અટકાવી શકતા નથી, પરંતુ તેનાથી થતાં નુક્સાનને ઘટાડી શકીએ, એટલું જ નહીં, કુદરતી આફતોથી થતાં નુક્સાનમાં ઉત્તરોત્તર વધારો થતો અટકાવવા માનવસર્જિત કારણો શોધીને તે દૂર કરવા અને વારંવાર થતી ભૂલો તથા વિકાસની દોટમાં પર્યાવરણ અને પ્રકૃતિનું થતું નિકંદન પહેલા ઘટાડીને ભવિષ્યમાં અટકાવવાની સહિયારી નીતિઓ અમલી બનાવી લડીએ છીએ. આ પ્રકારની નીતિઓનો વિશ્વવ્યાપી અમલ થાય, તે પણ જરૃરી છે, પરંતુ કમભાગ્યે જુદા જુદા દેશો પોતાના સ્વાર્થે આવું થતું અટકાવી રહ્યા છે, અથવા બેવડા ધોરણો અપનાવી રહ્યા છે.

વરસાદની અનિયમિતતાને 'મેનેજ' ન કરી શકાય?

વરસાદની અનિયમિતતાને 'મેનેજ' કરવી પડે તેમ છે. કૃત્રિમ વરસાદ જેવા પ્રયોગો પણ સંપૂર્ણપણે સફળ થયા નથી, અને કુદરતની પ્રત્યેક ચાલને આપણે હજુ પૂરેપૂરી પારખી શક્યા નથી, ત્યારે વરસાદ થયા પછી તેનું જળવ્યવસ્થાપન કરીને 'વોટ્સ મેનેજમેન્ટ' તો થઈ જ શકે છે. આ પ્રકારના પ્રયોગો અને પ્રયાસો થઈ પણ રહ્યા છે, પરંતુ તેમાં પણ પ્રાદેશિક સ્વાર્થ, અમલદારશાહી અને રાજકીય પરિબળોના સ્વાર્થી હિતોના કારણે પ્રગતિ થઈ રહી નથી. દેશના ઘણાં વિસ્તારોમાં કાયમી ધોરણે પૂરની સ્થિતિ હોય છે, તો ઘણાં સ્થળે કાયમી ધોરણે અછત જેવી સ્થિતિ કે અલ્પવૃષ્ટિના કારણે પાણીની તંગી રહેતી હોય છે. આ સ્થિતિ નિવારવા કાયમી પૂરની સ્થિતિ રહેતી હોય, ત્યાં જળસંગ્રહની વ્યવસ્થાઓ વધારીને તેનો ઉપયોગ ઓછો વરસાદ થતો હોય ત્યાં કરવા કોઈપણ ભેદભાવ વગર રાષ્ટ્રીય તથા આંતરરાષ્ટ્રીય કક્ષાના સંકલનથી આયોજનો થવા જોઈએ. આ પ્રકારના પ્રયાસો તો થાય છે, પરંતુ સ્થાપિત હિતો, રાજકીય હિતો અને તાંત્રિક બેરદકારી સહિતના વિવિધ કારણે તે સફળ થઈ રહ્યા નથી. વિકાસ માટે વૃક્ષોના નિકંદન અને જંગલોમાં નિજી સ્વાર્થ માટે થતા વૃક્ષોના છેદ્નના કારણે પણ આપણે પર્યાવરણની સમતુલા જોખમાવીને આપણી ભાવિ પેઢી માટે મુસિબતો જ ઊભી કરી રહ્યા છીએ. આપણે નહીં જાગીએ તો આગામી અઢી દાયકામાં પણ જ્યારે દેશની વસતિ ર૦૦ કરોડ જેટલી થઈ જાય, તેવા સંજોગોમાં આપણી ભાવિ પેઢીનું શું થશે, તેની કલ્પના પણ ધ્રુજવનારી હશે.

જલભરાવ માનવસર્જિત સમસ્યા

જુના જમાનામાં નદીઓમાં પૂર આવતા ત્યારે ભારે તારાજી સર્જાતી હોય, પરંતુ ભયાનક વાવાઝોડા સાથે ભારે વરસાદ થાય, તેવા સંજોગો સિવાય ગામડાઓ-શહેરોમાં આજે થાય છે, તેવો જલભરાવ થતો નહીં. આજે નદીઓમાં આવતા સીઝનલ પૂર કરતા યે વધુ મોટી સમસ્યા જલભરાવની થતી જાય છે. પહેલા આડેધડ શહેરીકરણ અને હવે ગામડાઓમાં શહેરો જેવી સુવિધાઓ-બાંધકામોના કારણે પાણીનો નેચરલ પ્રવાહ અવરોધાતો હોય છે, એટલું જ નહીં, માર્ગો, સુવિધાઓ, ઈમારતો અને અન્ય હેતુઓ માટે થતાં વિશાળકાય બાંધકામોની સાથે સાથે વરસાદી પાણીના નિકાલ માટે યોગ્ય ડ્રેનેજ ચેનલો કાં તો ઊભી કરાતી નથી અથવા તો તેને સાફસૂફ કરીને અદ્યતન રખાતી નથી. આ એક મોટું કારણ જલભરાવનું છે.

પ્રતિવર્ષ પ્રિ-મોન્સુન કામગીરીની સાથે આ માટે કાયમી ઉકેલ વિચારો

આપણે જોઈએ છીએ કે શહેરોમાં પાલિકા-મહાપાલિકાઓ પ્રિ-મોન્સુન કામગીરી દર વર્ષે કરે છે, તેમ છતાં થોડો ઘણો વરસાદ થતાં જ જળબંબાકાર થઈ જાય છે. કેટલાક નગરો-મહાનગરોમાં તો કાયમી જળભાવ થતો હોય, તેવા વિસ્તારોમાં લાંબા સમય સુધી પાણી ભરેલં રહેતા તેમાંથી રોગચાળો ફેલાવાનો ખતરો મંડરાતો રહે છે. આ રીતે પ્રતિવર્ષ પ્રિ-મોન્સુન કામગીરી ભલે થતી રહે, પરંતુ જલભરાવની સમસ્યાનો કાયમી ઉકેલ કરવાની કોઈ પોલિસી નક્કી થવી જોઈએ. આ નવી પોલિસી રાજ્ય-રાષ્ટ્રવ્યાપી હોવી પણ જરૃરી છે.

આ જ રીતે અન્ય વિવિધ વિભાગો પણ પ્રિ-મોન્સુન કામગીરી કરતા હોય છે. શું પહેલેથી જ એવી શુદ્ધ વ્યવસ્થાઓ અને તેની સફાઈ, નિભાવ, આધુનિકરણ માટે કાયમી એવું મિકેનિઝમ ઊભું ન કરી શકાય, જેથી પ્રિ-મોન્સુન કામગીરીની જરૃર જ ન પડે?!

વિનોદ કોટેચા

જો આપને પોસ્ટ ગમી હોય તો શેર કરો...

Follow us: પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

અમારા ફેસબુક પેજને લાઇક કરો અને મેળવો તમામ અપડેટસ.

https://www.facebook.com/nobatdaily/

 

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

close
Ank Bandh
close
PPE Kit