Author: નોબત સમાચાર
જામનગરના કનસુમરાની સીમમાં તીનપત્તી રમતા ચાર શખ્સ ઝડપાયાઃ બે નાસી ગયા
રોકડ, મોબાઈલ, બાઈક સહિત રૂ.ર લાખનો મુદ્દામાલઃ
જામનગર તા. ૧૬: જામનગર નજીકના કનસુમરા ગામની સીમમાં એક ખેતરના શેઢે ગઈકાલે સાંજે ગંજીપાનાથી જુગાર રમતા ચાર શખ્સને એલસીબીએ પકડી પાડ્યા છે. બે શખ્સ નાસી જવામાં સફળ થયા છે. પટમાંથી રોકડ તેમજ ત્રણ મોબાઈલ, બે બાઈક મળી રૂ.ર લાખથી વધુનો મુદ્દામાલ કબજે કરાયો છે.
જામનગર તાલુકાના કનસુમરા ગામની સીમમાં ગઈકાલે સાંજે કેટલાક શખ્સો ગંજીપાના વડે જુગાર રમતા હોવાની બાતમી એલસીબીના હિતેન્દ્રસિંહ, કાસમ બ્લોચ, ઋષિરાજસિંહને મળતા પીઆઈ વી.એમ. લગારીયાને વાકેફ કરાયા પછી પીએસઆઈ પી.એન. મોરી, સી.એમ. કાંટેલીયાના વડપણ હેઠળ એલસીબી સ્ટાફે આસીફ ખફી નામના આસામીના ખેતરના શેઢે દરોડો પાડ્યો હતો.
ત્યાંથી તીનપત્તી રમતા ઈમરાન ઈબ્રાહીમ ખફી ઉર્ફે ટકો, આસીમ હબીબ ખફી ઉર્ફે બાઠુ, અકબર મામદ ખફી, હસન દોસમામદ બુઢાણી નામના ચાર શખ્સ મળી આવ્યા હતા. પોલીસને જોઈને મસીતીયાનો શબ્બીર જુસબ ખફી ઉર્ફે ભભો તથા ખોડિયાર કોલોનીવાળો મુન્નાભાઈ ઝાલા નામના બે શખ્સ નાસી ગયા હતા. પટમાંથી રૂ.૧ લાખ ૧૩ હજાર રોકડા, ત્રણ મોબાઈલ, બે બાઈક મળી કુલ રૂ.૨ લાખ ૮ હજારનો મુદ્દામાલ કબજે કરવામાં આવ્યો છે. છએય સામે પંચકોશી બી ડિવિઝન પોલીસ સ્ટેશનમાં જુગારધારાની કલમ ૧૨ હેઠળ ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
