Author: નોબત સમાચાર
ખંભાળિયાના પીર લાખાસરમાં પાણી ભરેલા ખાડામાં ડૂબી જતા તરૂણનું મૃત્યુ
ગાય સાથે સ્કૂટર ટકરાઈ પડતા યુવતીનું મોતઃ
જામનગર તા. ૧૦: ખંભાળિયાના પીર લાખાસર ગામના એક તરૂણનું પાણી ભરેલા ખાડામાં ન્હાવા ઉતર્યા પછી ડૂબી જવાથી મૃત્યુ નિપજ્યું છે. જ્યારે દાતા ગામની ગોળાઈ પાસે એક્સેસ સ્કૂટર સાથે ગાય ટકરાઈ પડતા નગરના યુવતીનું મૃત્યુ થયું છે.
ખંભાળિયા તાલુકાના પીર લાખાસર ગામના રહેવાસી કાસમભાઈ ઓસમાણભાઈ દેથા નામના પ્રૌઢનો બાર વર્ષનો પુત્ર જુનેદ મંગળવારે બપોરે અઢી વાગ્યે પીર લાખાસર ગામમાં આવેલી સરકારી શાળા નજીકના પાણી ભરેલા ખાડામાં ન્હાવા માટે ઉતર્યાે હતો.
આ બાળક કોઈ રીતે પાણીના ઉંડાણમાં ડૂબી જતા મોતને શરણ થયો છે. બનાવની પોલીસને જાણ કરાતા દોડી આવેલી ખંભાળિયા પોલીસે કાસમભાઈનું નિવેદન નોંધ્યું છે.
જામનગરના ખોડિયાર કોલોની વિસ્તારમાં આવેલા મેહુલનગર પાસે રહેતા રાધિકાબેન ઈશ્વરભાઈ વિઠ્ઠલાણી (ઉ.વ.ર૭) નામના લોહાણા યુવતી મંગળવારે સવારે ખંભાળિયાથી પોતાના જીજે-૧૦-સીક્યુ ૬૨૦૨ નંબરના એક્સેસ સ્કૂટરમાં જામનગર આવવા આવવા માટે નીકળ્યા હતા.
આ યુવતી જ્યારે આરાધનાધામ પાસે દાતા ગામની ગોળાઈમાં પહોંચ્યા ત્યારે અચાનક ગાય આડી ઉતરતા રાધિકાબેન ગાય સાથે ટકરાઈ પડ્યા હતા. આ અકસ્માતમાં તેણીનું મૃત્યુ થયાનું પિતા ઈશ્વરભાઈ વલ્લભભાઈ વિઠ્ઠલાણીએ પોલીસમાં જાહેર કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
