Author: નોબત સમાચાર
ખીજડીયા પક્ષી અભયારણ્યના મહિલા સહિત ચાર કર્મચારી પર ત્રણ શખ્સનો ઘાતક હુમલો
ભેંસ ડબ્બે પુરવા લઈ જવાના પ્રશ્ને ડખ્ખોઃ
જામનગર તા. ૧૨ઃ જામનગરના ખીજડીયા પક્ષી અભયારણ્યમાં નોકરી કરતા ચાર કર્મચારી પ્રતિબંધિત વિસ્તારમાં ચરાવવામાં આવતી ભેંસોને ડબ્બે પુરવા લઈ જતા હતા ત્યારે જાંબુડા ગામના ત્રણ શખ્સે લાકડીઓથી હુમલો કરી બઘડાટી બોલાવી હતી. પોલીસે ત્રણેય આરોપીને દબોચી લીધા છે.
જામનગર-રાજકોટ માર્ગ પર આવેલા ખીજડીયા ગામ સ્થિત પક્ષી અભયારણ્યમાં ગઈકાલે ફ્લીમીંગ વોચ ટાવર નજીક કેટલાક કર્મચારીઓ ફરજ પર હતા ત્યારે જાંબુડા ગામના પોપટભાઈ સુરાભાઈ રાતડીયા, વાલસુર હેમરાજ વીર, વાલાભાઈ ડોસાભાઈ ચારણ નામના ત્રણ શખ્સ બાઈક પર લાકડીઓ સાથે ધસી આવ્યા હતા.
પોતાની ફરજના ભાગરૃપે વનવિભાગના આ કર્મચારીઓ જાંબુડા અભયારણ્યના પ્રતિબંધિત વિસ્તારમાં ચરી રહેલી ભેંસોને ડબ્બે પુરવા માટે તજવીજ કરી હતી. ત્યારે વનવિભાગના લગધીર ધીરૃભા જાડેજા (વનરક્ષક), જીજ્ઞાસાબેન (વનપાલ) તેમજ અશોકભાઈ અને વીરજુ સ્થળ પર હતા. ત્યારે જ બાઈક પર ધસી આવેલા ઉપરોકત વ્યક્તિઓએ લાકડીથી હુમલો કરી ચારેય વ્યક્તિને આડેધડ ફટકાર્યા હતા.
ઉપરોક્ત હુમલામાં જીજ્ઞાસાબેનને ઠોસો મારી પછાડી દેવાયા હતા. અશોકભાઈને હાથ તથા પગમાં લાકડીઓ ફટકારાઈ હતી. વીરજુને હાથમાં લાકડી ફટકારી ફ્રેક્ચર કરી નખાયું હતું. જાનથી મારી નાખવાની ધમકી આપી ત્રણેય નાસી ગયા હતા. સારવારમાં ખસેડવામાં આવેલા ચારેય ઈજાગ્રસ્તમાંથી લગધીરસિંહે પોલીસમાં ફરિયાદ નોંધાવી છે. પોલીસે ગુન્હો નોંધી આરોપીઓની શોધ આરંભી હતી. જેમાં આરોપીઓ ઝડપાઈ ગયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
