ખંભાળીયાના ખામનાથ સત્સંગ મંડળની મહિલાઓ દ્વારા હરિદ્વારમાં યોજાયેલી શ્રીમદ્ ભાગવત સપ્તાહનું સમાપન

Author: નોબત સમાચાર

ખંભાળીયાના ખામનાથ સત્સંગ મંડળની મહિલાઓ દ્વારા હરિદ્વારમાં યોજાયેલી શ્રીમદ્ ભાગવત સપ્તાહનું સમાપન

હિન્દી ભાષી રાજયમાં ગુજરાતીમાં કથાઃ

ખંભાળીયા તા. ૧૧: દેવભૂમિ દ્વારકા જિલ્લાના ખંભાળીયાના પ્રાચીન ખામનાથ મહાદેવ મંદિરના સત્સંગ મંડળના બહેનોના મનમાં વિચાર આવ્યો કે, આપણે શ્રીમદ્ ભાગવત કથા કરવી તે પણ હરિદ્વારમાં અને તમામ સંચાલન બહેનો દ્વારા કરવામાં આવે, 'યત્રઃ નાર્યસ્તુ પૂજ્યન્તી તત્ર રમન્તે દેવતા' ની જેમ આ આયોજન બ્રહ્મ મહિલા અગ્રણી તથા એડવોકેટ ફાલ્ગુનીબેન અમિતભાઈ વ્યાસની આગેવાનીમાં થયું અને ટ્રેઈનમાં ૧૭પ લોકો નહીંથી હરિદ્વાર પહોંચ્યા અને પાવનધામ આશ્રમમાં શાસ્ત્રી જીતેશ શુકલના વ્યાસાસને કથા શરૂ થઈ હતી.

કથાની પોથીયાત્રા, શ્રીકૃષ્ણ જન્મ, રામજન્મમાં તથા અંતે સુદામા ચરિત્રની કથા આખ્યાનમાં શાસ્ત્રીજીના વૃતાંત સાંભળી ભાવિકો રડી પડ્યા હતાં. હિન્દી ભાષી રાજ્યમાં ગુજરાતીમાં કથા હોય, ભાવિકો મોટી સંખ્યામાં સાંભળવા આવતા હતા તથા ઉત્તરાખંડ પ્રદેશ ભાજપ પૂર્વ અધ્યક્ષ તથા કેબિનેટ મંત્રી શ્રી મદન કૌશિકજી, હરિદ્વારના ધારાસભ્ય જય ભગવાન સેની તથા હરિદ્વાર પાલિકાના હોદ્દેદારો, સંતો-મહાનુભાવો જોડાયા હતાં.

દ્વારકા જિલ્લામાં સૌપ્રથમ અન્ય રાજ્યમાં માત્ર બહેનો સંચાલિત આ શ્રીમદ્ ભાગવત કથાના સફળ આયોજને લોકોમાં ખૂબ જ આનંદની સાથે પ્રશંસાની લાગણી પણ ફેલાઈ છે.

જો આપને આ પોસ્ટ ગમી હોય તો શેર કરો...