Author: નોબત સમાચાર
ખંભાળિયામાં જિલ્લા શિક્ષણ અને તાલીમ ભવનનો આરંભઃ અનેક સવલતો વધશે
બીએડ અને પીટીસી કોલેજ શરૂ કરવા માગણીઃ
ખંભાળિયા તા. ૧૧: ખંભાળિયામાં કરોડો રૂપિયાના ખર્ચે જી.વી.જે. હાઈસ્કૂલના જુના બિલ્ડીંગમાં નવી કચેરી જિલ્લા શિક્ષણ અને તાલીમ ભવન શરૂ થયું છે, ત્યારે દ્વારકા જિલ્લામાં શિક્ષણની અનેક સવલતો પ્રાપ્ત થશે.
દ્વારકા જિલ્લામાં ર૦૧૩ થી જિલ્લો શરૂ થયો ત્યારથી અહીં જિલ્લા શિક્ષણ તાલીમ ભવનની કચેરી હતી, જેથી જામનગર કચેરીએથી વહીવટ થતો હતો. આ કચેરી શરૂ થતા અહીંથી જ આ સવલતો મળશે.
બી.એડ્ તથા પી.ટી.સી. કોલેજ શરૂ કરવા માગ
ખંભાળિયા શહેરમાં શિક્ષણ અને તાલીમ ભવનની કચેરી શરૂ થઈ ત્યારે અન્ય જિલ્લાઓમાં જેમ તાલીમ ભવનોમાં પી.ટી.સી. તથા બી.એડ્ કોલેજો છે તેમ ખંભાળિયાની તાલીમ ભવન સંસ્થામાં પણ બી.એડ્ કોલેજ તથા પી.ટી.સી. કોલેજ શરૂ કરવા માગણી કરાઈ હતી.
ખંભાળિયામાં એક પણ બી.એડ્ કોલેજ નથી તથા જિલ્લામાં દ્વારકામાં જ એક વર્ષો જુની બી.એડ્ કોલેજ (ગ્રાન્ટેડ) છે, જ્યારે પી.ટી.સી. કોલજ તો છે જ નહીં.
દ્વારકા જિલ્લામાં અન્ય જિલ્લાઓના શિક્ષકો આવતા હોય તેઓ બદલી કરીને વતનમાં જતા રહેતા હોય, અહીં જ બી.એડ્ તથા પી.ટી.સી. કોલેજ હોય તો અહીંથી જ બી.એડ્, પી.ટી.સી. થયેલા ઉમેદવારો આ જ જિલ્લામાં નોકરી મળતા અહીં જ રહે અને બદલી થવાથી ખાલી જગ્યાના પ્રશ્નો પણ ન થાય.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
