Author: નોબત સમાચાર
જામનગરના ચાર આસામીના વાહનની થઈ ચોરી
કુલ રૂ.૧ લાખના બાઈક હંકારી જવાયાઃ
જામનગર તા. ૧૩: જામનગરના રણજીતસાગર રોડ પર સુભાષ પાર્ક તેમજ ગુલાબનગર પાસેના રવિપાર્કમાંથી ત્રણ આસામીના ત્રણ મોટરસાયકલ ચોરાઈ ગયા છે. જ્યારે અન્ય એક આસામીનું પણ હીરો બાઈક ઉપડી ગયું છે.
જામનગરના રણજીત સાગર રોડ પર આવેલા સુભાષ પાર્કમાં રહેતા રમેશભાઈ રાણાભાઈ મકવાણા નામના આસામીએ ગઈ તા.૨૮ની રાત્રે પોતાનું જીજે-૧૦-સીએસ ૯૩૩૬ નંબરનું સાઈન મોટરસાયકલ ઘરની બહાર મૂક્યું હતું. ત્યાંથી રૂ.૩૦ હજારનું આ વાહન કોઈ શખ્સ હંકારી ગયો છે. સિટી એ ડિવિઝનમાં ફરિયાદ કરવામાં આવી છે.
જામનગરના ગુલાબનગર નજીકના રવિ પાર્કમાં સંજરી ચોક પાસે રહેતા શબ્બીરહુસેન સલીમમિંયા બુખારી નામના આસામીનું જીજે-૧૦-એબી ૯૮૪૩ નંબરનું હીરો મોટરસાયકલ ગઈ તા.૧ની રાત્રે દસ વાગ્યાથી બીજા દિવસની સવાર સુધીમાં ઉપડી ગયું છે. ત્યાં જ વસવાટ કરતા રાજેશભાઈ ચમનભાઈ ઝાલા નામના સફાઈ કામદારનું પણ જીજે-૧૦-ડીક્યુ ૩૬૧ર નંબરનું હીરો મોટરસાયકલ ગઈ તા.૯ની સાંજથી તા.૧૦ની સવાર સુધીમાં ઉપડી ગયું છે. પોલીસે કુલ રૂ.૬૦ હજારના બે વાહનની ચોરી અંગે ગુન્હો નોંધ્યો છે.
ગુલાબનગર નજીક પેટ્રોલપંપની પાછળ જીનાલી ચોકમાં રહેતા શાહબાઝ શબ્બીર સફીયાએ પણ પોતાનું જીજે-૧૦-એબી ૮૬૫૩ નંબરનું હીરો મોટરસાયકલ ગઈ તા.૩૦ની સવારના પાંચ વાગ્યા પછી ઘર પાસેથી ઉઠાવાયું હોવાની સિટી બી ડિવિઝનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
