Author: નોબત સમાચાર
બાઈક અથડાઈ જતાં રહી ગયા પછી પણ ખંભાળિયામાં ડોક્ટર પર થયો હલ્લો
મોટા આસોટામાં એક શખ્સે તલવારથી હુમલો કર્યાેઃ
જામનગર તા. ૧૪ઃ ખંભાળિયાના નગર નાકા પાસે શનિવારે સાંજે બે બાઈક ટકરાઈ પડતા રહી ગયા હતા. તે પછી એક બાઈકના ચાલક એવા ડોક્ટરને ત્રણ શખ્સને ગાળો ભાંડી ઢીકાપાટુથી ધમાર્યા હતા. જ્યારે કલ્યાણપુરના મોટા આસોટાના ફળીયામાં રમતા એક બાળકને ઉપાડી એક શખ્સે ઘા કરી દીધા પછી તેના પિતા પર તલવારથી હલ્લો કરી દીધો હતો.
ખંભાળિયાની જડેશ્વર સોસાયટીમાં રહેતા ડો. તુષારભાઈ નટુભાઈ ગોસ્વામી શનિવારે સાંજે નગરનાકા પાસે શાળાના ગેઈટ નજીકથી બાઈક પર જતા હતા ત્યારે અન્ય બાઈક સાથે અકસ્માત થઈ જાય તેવી શક્યતા વચ્ચે બંને વાહન ઉભા રહી ગયા હતા.
ત્યારપછી સામેના વાહન પર રહેલા રવિ રામભાઈ મુન, કિશન કાળુભાઈ ગામણા, કિશન મંગાભાઈ ગામણા નામના ત્રણ શખ્સે ગાળો ભાંડી ઢીકાપાટુથી ડોક્ટરને માર માર્યાે હતો. ખંભાળિયા પોલીસે ગુન્હો નોંધ્યો છે.
કલ્યાણપુર તાલુકાના મોટા આસોટા ગામના જીવાભાઈ કેશુભાઈ ગોજીયાનો પુત્ર શનિવારે સાંજે પોતાના ઘર પાસે રમતો હતો ત્યારે દેવાણંદ નેભાભાઈ ગોજીયાએ આ બાળકને પકડી ટાંકા પાસે ઘા કર્યાે હતો. દોડી આવેલા જીવાભાઈએ મારા દીકરાને કેમ મારો છો તેમ પૂછતા દેવાણંદે ગાળો ભાંડી હતી અને પથ્થરનો ઘા કર્યાે હતો. ત્યારપછી તલવારથી દેવાણંદે હુમલો કર્યાે હતો. કલ્યાણપુર પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
