Author: નોબત સમાચાર
કોમ્પ્યુટર-લેપટોપના અભાવે નવા બનેલ બે સિવિક સેન્ટર બંધ !
સ્ટેન્ડિંગ કમિટીની મંજૂરી ન મળી
જામનગર તા. ૨૬: જામનગર મહાનગર પાલિકામાં લાખો રૂપિયાનાં ખર્ચાઓ બિન જરૂરી થતા રહે છે, પરંતુ અતિ જરૂરી ખર્ચાની દરખાસ્તો સ્ટેન્ડિંગ કમિટી દ્વારા મંજુર કરવામાં આવતી નથી. જો કે, તેમાં પણ કાંઈક યોગ્ય કારણ હશે જ. પરંતુ સામાન્ય ખર્ચની ખરીદી નહી થતા મસમોટી સેવા અટકી પડી છે.
વાત વિગતે જોઈએ તો ગત તા. ૨૪-૧૧-૨૫ના રાજ્યના મુખ્યમંત્રીએ જામનગરમાં ફલાય ઓવર બ્રીજ સાથે જ બે નવા સિવિક સેન્ટરનું પણ લોકાર્પણ કર્યું હતું. લાખો રૂપિયાના ખર્ચ નવા બે સિવિક સેન્ટરો બનાવાયા છે. પરંતુ આજે એક માસથી બંધ છે, એટલે કે તેની સેવાનો ઉપયોગ શરૂ કરી શકાયો નથી. કારણ કે ત્યાં કોમ્પ્યુટર સુવિધાનો અભાવ છે.
ગત બુધવારે જ સ્ટેન્ડિંગ કમિટીની બેઠક મળી હતી. તેમાં કોમ્પ્યુટર, લેપટોપ, સ્ટેશનરી ખરીદી અંગેની દરખાસ્ત રજૂ થઈ હતી જેને સ્ટેન્ડીંગ કમિટીએ પેન્ડીંગ રાખી હતી. આવી જ દરખાસ્ત અગાઉની સ્ટેન્ડિંગ કમિટીની બેઠકમાં પણ રજૂ થઈ હતી, ત્યારે પણ પેન્ડીંગ રખાઈ હતી. આમ, સામાન્ય ખર્ચવાળી દરખાસ્ત મંજૂર નહી થતા જરૂરી સેવાના અભાવે હાલ તો સિવિક સેન્ટર બંધ છે. હવે લોકોને આ સુવિધા સેવાનો લાભ કયારે મળે છે એ તો આવનારા સમયમાં જ જાણી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
