Author: નોબત સમાચાર
નગરના વોર્ડ નં. ૧૨માં 'ખાડા નગર'ના નામની કેક કાપીઃ રોડ પર ખાડાઓની કરાઈ પાટાપીંડી
જામ્યુકોના શાસકો સામે કટાક્ષ સાથે આક્રોશ
જામનગર તા. ૯: જામનગર મહાનગર પાલિકાના વોર્ડ નંબર ૧૨માં અનેક સ્થળે ખાડા થઈ ગયા છે, અને રોડની હાલત અત્યંત ખરાબ છે, ત્યારે મહાનગર પાલિકાના વોર્ડ નંબર ૧૨ ના વિરોધ પક્ષના કોર્પોરેટર અસલમ ખીલજી તથા જેનબબેન ખફી વગેરે દ્વારા નવતર પ્રકારે વિરોધ પ્રદર્શન કરવામાં આવ્યું હતું, અને તંત્ર ને. ઢંઢોળવા નો પ્રયાસ કરાયો હતો.
વોર્ડ નંબર ૧૨ માં જ્યાં મોટા ખાડા પડેલા છે, તે રોડ રસ્તા પર જ જાહેરમાં ખાડા નગર નામની કેકનું કટીંગ કરવામાં આવ્યું હતું. જ્યાં નાગરિકોને એકત્ર કરાયા હતા, અને કેક કાપીને કટાક્ષના સ્વરૂપમાં તેનું કટીંગ કરવામાં આવ્યું હતું.
આ ઉપરાંત રોડ ની વચ્ચે જ્યાં મોટા ખાડા પડેલા છે, ત્યાં જાહેરમાં પાટાપીંડી કરવામાં આવી હતી, અને રોડને થિગડા મારવાનો પ્રયાસ કર્યો હતો. જેથી તંત્ર જાગૃત બને અને આ વિસ્તારના રોડ રસ્તાને સરખા બનાવે, તે મુદ્દે વિરોધ દર્શાવવાની સાથે મરામતની માંગણી કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
