Author: નોબત સમાચાર
શાળા નં. ૩૬ ના વિદ્યાર્થીની આંખ ફોડી નાખવાનું પ્રકરણ પહોંચ્યું પોલીસના દ્વારે
જામનગર નગર પ્રાથમિક શિક્ષણ સમિતિ હસ્તકની
જામનગર તા. ૯: જામનગરની નગર પ્રાથમિક શિક્ષણ સમિતિ હસ્તકની શાળામાં એક વિદ્યાર્થીએ અન્ય વિદ્યાર્થીની આંખમાં પેન્સીલ ઘૂસાડી દીધી હતી જે બનાવ અંગે આજ સુધી ખાસ કોઈ પગલાં લેવાયા નથી.
આ બાબતે બાળકના વાલીએ પોલીસ અધિકારીને લેખિત અરજી કરી છે, અને યોગ્ય પગલાં લેવા માંગણી કરી છે. આ સમગ્ર પ્રકરણમાં શિક્ષણ વિભાગની કચેરીની પણ ભૂમિકા શંકાસ્પદ ગણાવાઈ છે.
જામનગરમાં રહેતા સુરેશભાઈ ચૌહાણનો પુત્ર નગર પ્રાથમિક શિક્ષણ સમિતિ હસ્તકની શાળા નંબર ૩૩ મા અભ્યાસ કરે છે. ગત્ તા. રપ-૧-ર૦રપ ના અન્ય એક સાહિલ નામના વિદ્યાર્થીએ પેન્સીલ વડે હુમલો કરતા ધો. ૪ ના વિદ્યાર્થીને ગંભીર ઈજા પહોંચતા તેણે એક આંખમાં કામયી ધોરણે દૃષ્ટી ગુમાવી પડી છે.
આ સમગ્ર પ્રકરણ શાસનાધિકારી પાસે પહોંચ્યું હતું, પરંતુ કોઈ પગલાં લેવાયા નહીં. આ રજૂઆતમાં એવો પણ ઉલ્લેખ કરાયો છે કે, હુમલાખોર વિદ્યાર્થી એ સ્કૂલમાં જ અભ્યાસ કરતો નથી. આ હકીકત સાચી છે? તેની તપાસ કરવી જોઈએ.
શાળામાં અભ્યાસ કરતા તમામ વિદ્યાર્થીનું લીસ્ટ હોય છે. શાળાના પોર્ટલ, એડમિશન સમયે આ રજૂ થયેલ દસ્તાવેજો રજૂ થયા હતાં તેની ચકાસણી કરવામાં આવે, પરીક્ષાનું અને પરિણામ પત્રનું લિસ્ટ તપાસવામાં આવે, વિદ્યાર્થી લીસ્ટનું માસિક પત્ર, વિગેરેમાંથી કોઈપણ દસ્તાવેજો તપાસવાથી ખબર પડી જશે કે સાહિલ આ શાળાનો વિદ્યાર્થી છે કે કેમ?
મળતી માહિતી મુજબ એસ.ટી.પી. જે તે સમયે શાળાના આચાર્ય વર્ગ શિક્ષક હતાં.
આમ એક વિદ્યાર્થીને તેના સહવિદ્યાર્થીએ આંખમાં ગંભીર ઈજા કરી હતી. આવડું મોટું પ્રકરણ છતાં શિક્ષણ વિભાગે તેના ઉપર પડદો પાડી દીધો છે. આથી બાળકના પિતાએ સિટી 'બી' ડિવિઝનના પોલીસ ઈન્સ્પેક્ટરને પત્ર પાઠવી તપાસની માંગ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
