Author: નોબત સમાચાર
ધ્રોલના હાડાટોડાની સીમમાં ખેતરમાંથી મળી આવી ઈંગ્લીશ દારૂની નાની મોટી ૧૩૧૪ બોટલઃ એક ઝબ્બે
ઈંગ્લીશ દારૂના જથ્થા સહિત રૂા.૪,૩૭,૬૦૦નો મુદ્દામાલ કબજે કરાયોઃ
જામનગર તા. ૧૦ઃ ધ્રોલના હાડાટોડા ગામની સીમમાં આવેલા એક ખેતર સ્થિત ઓરડીમાંથી ગઈકાલે રાત્રે એલસીબીએ ઈંગ્લીશ દારૂની નાની મોટી ૧૩૧૪ બોટલ ભરેલી ૧૦૯ પેટી દારૂ કબજે કર્યાે છે. સ્થળ પરથી ઝડપાયેલા શખ્સે રાજસ્થાનમાંથી દારૂ મેળવ્યાની કબૂલાત આપી છે. કુલ રૂા.૪,૩૭,૬૦૦નો મુદ્દામાલ કબજે કરી લેવાયો છે. તે ઉપરાંત નગરમાંથી એક શખ્સ બોટલ સાથે પકડાયો છે.
ધ્રોલ તાલુકાના હાડાટોડા ગામના એક શખસના ખેતર સ્થિત ઓરડીમાં ઈંગ્લીશ દારૂનો મોટો જથ્થો પડ્યો હોવાની બાતમી એલસીબીના ક્રિપાલસિંહ, સુમિત શિયાર, ભયપાલસિંહને મળતા પીઆઈ વી.એમ. લગારીયાને વાકેફ કરાયા પછી પીએસઆઈ સી.એમ. કાંટેલીયા, પી.એન. મોરીના વડપણ હેઠળના એલસીબી સ્ટાફે ગઈરાત્રે જયપાલસિંહ જયેન્દ્રસિંહ જાડેજા નામના શખ્સના ખેતરની ઓરડીમાં દરોડો પાડી તલાશી લીધી હતી.
ધ્રોલ શહેરની આશાપુરા સોસાયટીમાં રહેતા આ શખ્સની ઓરડીમાંથી ભારતીય બનાવટના અંગ્રેજી શરાબની નાની મોટી ૧૩૧૪ બોટલ મળી આવી હતી. એલસીબીએ રૂા.૪,૩૨,૬૦૦ની બોટલ, એક મોબાઈલ મળી કુલ રૂા.૪,૩૭,૬૦૦નો મુદમાલ કબજે કર્યાે છે. જયપાલસિંહે દારૂનો તે જથ્થો રાજસ્થાનના જગદીશ નામના શખ્સ પાસેથી લીધો હોવાની કબૂલાત આપી છે. બંને સામે ધ્રોલ પોલીસ મથકમાં ગુન્હો રજીસ્ટર કરાવાયો છે.
જામનગરના દિગ્વિજય પ્લોટ વિસ્તારની શેરી નં.૬૪ પાસેથી હિરજી મિસ્ત્રી રોડ પર જે.જે. ટાવર સામે રહેતો રાજેશ નરશીભાઈ ચુડાસમા નામનો શખ્સ દારૂની એક બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
