Author: નોબત સમાચાર
જામનગરના શખ્સે પોરબંદરના મહિલાના નામની બોગસ પેઢીના નામે લોન લઈ લીધી!
રૂ બનાવવાનું મશીન લેવાના નામે બેંકમાંથી મેળવી લોનઃ
જામનગર તા. ૨૯: જામનગરના એક શખ્સે પોરબંદરના છાયા વિસ્તારમાં વસવાટ કરતા એક મહિલાને રૂ બનાવવાનું મશીન લોન પર લઈ આપવાનું કહી પોતાનું મકાન તેઓને ભાડે આપ્યા પછી ઉભી કરેલી આ મહિલાના નામની બોગસ પેઢીના ડોક્યુમેન્ટના આધારે બેંકમાંથી રૂ.૨ લાખ પ હજારની લોન મેળવી છેતરપિંડી કરી છે.
પોરબંદરના છાયા વિસ્તારના નવાપરામાં રહેતા હીનાબેન વિમલભાઈ નામના પટેલ મહિલાએ જામનગરની ખોડિયારકોલોનીમાં વસવાટ કરતા ઘનશ્યામ મોહનભાઈ ખોખાણી નામના પટેલ આસામી સામે સિટી સી ડિવિઝન પોલીસ સ્ટેશનમાં વિશ્વાસઘાત આચર્યાની ફરિયાદ નોંધાવી છે.
આ ફરિયાદમાં જણાવવામાં આવ્યા મુજબ પોરબંદરના છાયા વિસ્તારમાં રહેતા હીનાબેન ઉંજીયા નામની વર્ષ ૨૦૨૨ની તા.૧૩ સપ્ટેમ્બરના દિને એસબીઆઈ બેંકમાંથી રૂ.ર લાખ પ હજારની લોન કરાવી લઈ તે રકમ વાપરી નાખી હતી.
આ શખ્સે રૂ બનાવવાનું મશીન લોન પર લેવડાવી આપવાની વાત કરી વિશ્વાસમાં લીધા પછી પોતાનું મકાન હીનાબેનને ભાડે આપ્યું હતું અને ભાડા કરાર કરતી વખતે શિવ એન્ટપ્રાઈઝ નામની હીનાબેનના નામની પેઢી તૈયાર કરાવી તેના ડોક્યુમેન્ટના આધારે એસબીઆઈમાંથી ઉપરોક્ત લોન લઈ લીધી હતી. પોલીસે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
