Author: નોબત સમાચાર
સિક્કામાં વીજચોરી કરવાના આક્ષેપમાં ત્રણ આસામીને બે-બે વર્ષની કેદની સજા
રૂ.૬૦ હજાર વળતર પેટે ચૂકવવા હુકમઃ
જામનગર તા. ૧૬: જામનગર નજીકના સિક્કામાં થોડા મહિના પહેલાં વીજ ચેકીંગ દરમિયાન ત્રણ આસામી વીજચોરી કરતા ઝડપાયા હતા. ત્રણેયને અદાલતે બે-બે વર્ષની સખત કેદની સજા ફટકારી છે.
જામનગર તાલુકાના સિક્કા ગામમાં આવેલી તાલબ કોલોનીમાં થોડા મહિનાઓ પહેલાં જામનગરની પીજીવીસીએલ કચેરીની ટીમ દ્વારા કરવામાં આવેલા વીજ ચેકીંગમાં આમીન નુરમામદ ભગાડ, અસગર નુરમામદ ભગાડ, સલીમ નુરમામદ ભગાડ નામના ત્રણ શખ્સના મકાનમાં ચેકીંગ કરાતા આ વ્યક્તિઓ ગ્રાહક ન હોવા છતાં મીટર બાયપાસ કરી વીજચોરી કરતા મળી આવ્યા હતા.
ત્રણેય શખ્સ સામે વીજચોરી અંગે ફોજદારી ફરિયાદ કરવામાં આવી હતી. તે કેસ જામનગરની ખાસ વીજ અદાલતમાં ચાલી જતા વીજ કંપનીના એડવોકેટ રાજેશ વશીયરે તેમજ પીપી ડી.આર. ત્રિવેદીએ એકવીસ દસ્તાવેજી પુરાવા અને આઠ સાહેદની જુબાની રજૂ કરી હતી. તેને ગ્રાહ્ય રાખી અદાલતે આરોપી આમીન નુરમામદ, અસગર નુરમામદ, સલીમ નુરમામદને બે-બે વર્ષની સખત કેદ અને રૂ.૧-૧ હજારનો દંડ તેમજ રૂ.૬૦ હજાર વળતર પેટે વીજ કંપનીને ચૂકવી આપવાનો હુકમ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
