Author: નોબત સમાચાર
જૂના રેલવે સ્ટેશન પાસે મકાનમાંથી મળી ઈંગ્લીશ દારૂની ૧૧૭ બોટલઃ બે સામે ગુન્હો
ભક્તિનગરમાં મકાનમાંથી ચાર બોટલ કબજેઃ
જામનગર તા. ૧: જામનગરમાં જૂના રેલવે સ્ટેશન નજીક નવાગામ ઘેડ વિસ્તાર પાસે એક મકાનમાંથી ગઈકાલે પોલીસે ઈંગ્લીશ દારૂની ૧૧૭ બોટલ કબજે કરી છે. પકડાયેલા આરોપીએ સાગરિતનું નામ આપ્યું છે. જ્યારે ભક્તિનગરમાં એક મકાનમાંથી ઈંગ્લીશ દારૂની ચાર બોટલ સાંપડી છે.
જામનગરના જૂના રેલવે સ્ટેશન રોડ પર એક ઢાબા નજીક મકાનમાં ઈંગ્લીશ દારૂનો જથ્થો પડ્યો હોવાની બાતમી સિટી બી ડિવિઝનના સર્વેલન્સ સ્ટાફના વિપુલભાઈ તથા દશરથસિંહને મળતા પીએસઆઈ એમ.વી. મોઢવાડીયાને વાકેફ કરાયા પછી પીઆઈ પી.પી. ઝાની સૂચનાથી ગઈકાલે સાંજે પોલીસ ટીમે ઢાબા સામે વસવાટ કરતા અજય કરશનભાઈ માનસુરીયા નામના શખ્સના મકાનમાં દરોડો પાડ્યો હતો.
આ મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની બે જુદી જુદી બ્રાંડની ૧૧૭ બોટલ મળી આવી હતી. આ જથ્થા, એક મોબાઈલ મળી કુલ રૂા.૫૧૦૫૦ના મુદ્દામાલ સાથે અજય કરશનભાઈની ધરપકડ કરાઈ છે. તેણે પોતાના સાગરિત અનિલ રાજેશભાઈ માનસુરીયા ઉર્ફે ટેણીનું નામ આપ્યું છે.
જામનગરના ભક્તિનગર વિસ્તારની શેરી નં.૧માં વ્હોરા બિલ્ડીંગમાં રહેતા સંજય દિનેશભાઈ ભટ્ટ નામના શખ્સના મકાનમાં ગઈકાલે રાત્રે સિટી સી ડિવિઝનના સ્ટાફે દરોડો પાડી ઈંગ્લીશ દારૂની ચાર બોટલ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
