ખેડૂતો પાસેથી ટેકાના ભાવે ૩૦૦ મણ મગફળી ખરીદ કરવા રજૂઆત

Author: નોબત સમાચાર

ખેડૂતો પાસેથી ટેકાના ભાવે ૩૦૦ મણ મગફળી ખરીદ કરવા રજૂઆત

કલ્યાણપુરમાં પણ કોંગ્રેસ દ્વારા

ખંભાળીયા તા. ૧૭: સમગ્ર ગુજરાત રાજ્યમાં હાલ ટેકાના ભાવે મગફળી ખરીદીમાં જથ્થો વધારવા અને વધૂ ખરીદી કરવા ભારે ઉહાપોહ ચાલે છે. તથા તાજેતરમાં આપ પાર્ટીએ બોટાદમાં કિસાન પંચાયત કરીને સમગ્ર રાજ્યમાં દેકારો કરી દીધો, ત્યારે દ્વારકા જિલ્લામાં પણ ગુજરાત કિસાન કોંગ્રેસ દ્વારા તથા દ્વારકા જિલ્લા કોંગ્રેસ દ્વારા મગફળીના પાથરાઓ ઉપાડીને મામલતદાર કલ્યાણપુરને આવેદન પત્ર આપતા ભારે ચકચાર જાગી છે.

ગુજરાત કિસાન કોંગ્રેસના પ્રમુખ દ્વારા જિલ્લા કોંગ્રેસ પ્રમુખ પાલભાઈ આંબલીયાએ જણાવેલ કે રાજય સરકાર ૧૫ લાખ મેટ્રિક ટન મગફળી ખરીદવા માંગે છે અને રાજ્યમાં કુલ ૯.૩૩ લાખ ખેડૂતોએ ટેકાના ભાવે વેચાણ માટે રજીસ્ટ્રેશન કરાવ્યું છે. ત્યારે એક ખેડૂતના ભાગે ૬૮.૧૦ મણ જ મગફળી ખરીદી થાય તેમ હોય, ખેડૂત દીઠ ૩૦૦ મણ ખરીદી કરવા અથવા હાલ ખુલ્યા બજારની મગફળીનો ભાવ તથા રાજ્ય સરકારનો ટેકાનો ભાવ બંને વચ્ચેના તફાવતની રૂ. ૧.૩૫ લાખની રકમ ખેડૂતોને ખેડૂત દીઠ ખાતામાં જમા આપવાની માંગ સાથે બેનરો અને મગફળીના પાથરા લઈને રેલી કાઢીને મામલતદારને આવેદનપત્ર આપ્યું હતું.

દ્વારકા જિલ્લા કોંગ્રેસ દ્વારા અગાઉ દ્વારકા પ્રાંત અધિકારીને પણ આવી જ રીતે ભાવ ફેરના રૂ. ૧,૩૫,૦૦૦ ખાતામાં જમા કરાવવા આવેદનપત્ર પણ આપવામાં આવ્યું હતું.

જો આપને આ પોસ્ટ ગમી હોય તો શેર કરો...